هەوازەی نەبیەت هەتیمی سیاوچەمانەی و حەوزەلارێو زۆخاوێ/ئۆمید حەبیبی
پایگاه خبری تحلیلی سلام پاوه: هەواڵیوی کتوپڕ،جەرگبڕ و هەزار کەڕەتێ دڵ ئێشن مامۆسا جەمیل ئەحمەدی ئۆسا دیواری هێقموو یانەو گۆرانیێ هەورامیێ، نەوسوودٚەو ئاواتە بەرزەکاشەنە پەی هەتاهەتای دنیاو حەسرەتە ئەوەنەبڕیاکاش ئاستش جیا و پێسنە پەلەوەریوی بێ نازی باڵێش گێرتێوە پەی حەوت ئاسمانەو هۆنەری. پەی خەڵکوو هەورامانی،پەی گۆرانیەواچاو هەورامانی و پەی کۆمەڵگای هۆنەری کوردٚەسانی هەواڵیوی ناوەش و قۆرس بێ.نەواچیا دیارا هەر نەتەوێو حەنەرێوش هەن تایبەو وێشا و مەلیڤیۆ پەی کۆماڵێوەتەرێ پاسنە هەرمانێوەش بۆ مەر لاسایێش کەرۆوە،حەنەروو وەڵاتە پەڕ ڕەمز و ڕازەکاو هەورامانیچ هەو...