” شێرکەتی…”/فەیرۆز فەرەجی
پایگاه خبری تحلیلی سلام پاوه:وەختێو زرێ ساکەکەو تاتەیش ترازنێ، بوەو دووری لووتەش سۆڵنێوە.پەڕ جە غەریبی و هاڵی جە ئاشنایی.بانتلێروو بانێ وەخت بێ دێق کەرۆ پەی ماچێو چیروو پایاش بۆ دیاروو زارۆڵەی.تکەکێ بێخوو دارا وەقرەشا بڕیابێ تا بەیوە.بە نەبیەیش خەمێ چیروو پەتووی ئەینێوە سەروو سفرەی. وەختوو مەرەخەسی، وەشی و تشی پێوەرە شیفت واڕێنێ.وەربەرە تاموو نوقڵا دێ.شەوە پەلەش بێ تا ڕۆ بۆوە و چەمش گنۆ میاچەمایش.عانێو ئەد٘ا و تاتە لاشیپانوو بەرەیەنە ملاقات کەرێنێ زەردەخوەو شەرمینوو سەروو لچاو ئەد٘ای چەنی خەفەتوو سەروو برەکاش نەگنێنێ یۆ.
