” شێرکەتی…”/فەیرۆز فەرەجی
پایگاه خبری تحلیلی سلام پاوه:وەختێو زرێ ساکەکەو تاتەیش ترازنێ، بوەو دووری لووتەش سۆڵنێوە.پەڕ جە غەریبی و هاڵی جە ئاشنایی.بانتلێروو بانێ وەخت بێ دێق کەرۆ پەی ماچێو چیروو پایاش بۆ دیاروو زارۆڵەی.تکەکێ بێخوو دارا وەقرەشا بڕیابێ تا بەیوە.بە نەبیەیش خەمێ چیروو پەتووی ئەینێوە سەروو سفرەی. وەختوو مەرەخەسی، وەشی و تشی پێوەرە شیفت واڕێنێ.وەربەرە تاموو نوقڵا […]
- ۱۲ اردیبهشت ۱۳۹۷
- کد خبر 70931
- 14 دیدگاه
پایگاه خبری تحلیلی سلام پاوه:وەختێو زرێ ساکەکەو تاتەیش ترازنێ، بوەو دووری لووتەش سۆڵنێوە.پەڕ جە غەریبی و هاڵی جە ئاشنایی.بانتلێروو بانێ وەخت بێ دێق کەرۆ پەی ماچێو چیروو پایاش بۆ دیاروو زارۆڵەی.تکەکێ بێخوو دارا وەقرەشا بڕیابێ تا بەیوە.بە نەبیەیش خەمێ چیروو پەتووی ئەینێوە سەروو سفرەی.
وەختوو مەرەخەسی، وەشی و تشی پێوەرە شیفت واڕێنێ.وەربەرە تاموو نوقڵا دێ.شەوە پەلەش بێ تا ڕۆ بۆوە و چەمش گنۆ میاچەمایش.عانێو ئەد٘ا و تاتە لاشیپانوو بەرەیەنە ملاقات کەرێنێ زەردەخوەو شەرمینوو سەروو لچاو ئەد٘ای چەنی خەفەتوو سەروو برەکاش نەگنێنێ یۆ.
خەفەت، کانتینوو دڵیەنە پێسەو قەزانەو سەروو ئارگای قوڵێ دێ.وەختارێ ئەیوە و ڕواڵەتش ڕوەو پیری لوا بێ، تراشەو دڵیش گنێ ئینفێجار.چا ڕوەو مەرەخەسیش تەمامیێ و ساک کەرێنە شانە ناقش گیریێ و چەمێو وزی پەی ئەد٘ای و یۆیچ پەی زارۆڵەکا، یانی ئانا ئەسپاریم بە تۆ.چی وەختانە پەنگاوو تاسەی قای کەرێوە و هەرسێ چەما سەرڕێز کەرێنێ.
هەر پا شێوازە جە کۆڵان و گەڕەکەنە خود٘ا حافیزی کەرێ.ساتێ خودا حافێزی مەزا چی دێر بڕیاوە؟ قرتینێ سەعاتێ سینی کەرا و جم مەوەرا.چی ساتەنە حەکایەتوو خەما بە دیای چەما و لەرزانەو لچا و پڕمەو گرەوەی، هارموونی دڵتەنگی و پانتومیموو غەریبیەنێ.جا شۆنی ئی نمایشیەرە بچینگوو خەفەتی دلێ دڵوو ئەد٘ایەنە قاڵب بەند٘ی کریێ و بتوونەو ورکەی مجیێنە یانە و چەمەڕایی ڕێخێ ئازێرە.
ئەد٘ای کزۆڵە تا ئیجارەو مشیایا بە لەتەرێ هەر خەمێش ڕێسایانێ و گجی تاسەیش بە تان و پۆ غەریبی کەردایانە.زاڕۆڵێ پێسەو گوڵی بێ پەرچینی سیس و لارەملێ بێنێ و ئاواتە وەشڵەکێشا دلێ ترەکا دەسا تاتەیشانە شاریێنێوە.بارێ قۆرسێ یانەنە گنینێرە.خاتوونەو یانەی گرد وێرەگانێو چەمێ ناحەزا بەر و بانەنە گزی دێ.
تلەینوو دووری ڕۆبەڕۆ درێژە بێ و نەبڕێوە.چا دما ئەد٘ا مەنێوە یانەو خەما و هەرسێ چەما.حەزکەرێنێ نە تەنیا تاتەم بەڵکووم دنیا فنیش بۆ!ئاخ شێرکەتی …!!
نویسەر : فەیرۆز فەرەجی
سڵاو و ڕێزی تایبەت بۆ جەنابتان، کاکە قەرەمانی بەڕێز!
سپاس بۆ هەستی جوانتان.
ئەم نویسینە کەمتەرین خەڵاتی کرێکارانی زەحمەتکێشە کە بە داخەوە نادیار و وان لە پەراوێزا.
منیچ خۆم بە بەختەوەر ئەزانم ڕۆڵە و بەرهەمی کرێکارێکی ماندوو نەناس بووگم.
کاک مۆختار گیان سڵام و حورمەتی تایبەت پەی شمەی ئازیزی. ئی دوە کەلیمە بە پاو زەحمەت و گەوەریی هەرمانبەرا وردیتەرین چێوا و پێسەو گەڵایوی سەوزی کە سەوقاتوو دەروێشیا پێشکەششا بۆ. ئینە کە نویسەکەو منتا وانانەو مایەو فەخری و شانازیا. دەست وەش و ژیوایت گەش.
از بزرگواران با اسامی پاوە و ناشناس بابت خواندن متن و اظهار لطفشان سپاسگزارم
خوێندنی ئەم کورتەنوسینە گەڕاندمیەوە بۆ ساڵانێکە نەک ئەوەندە دور
بە ڕاستی دەست خۆش کاک فەیرۆزی ئازیز
پڕپڕ و لێوانلێو بو لە نۆستالۆژی و تاسه
قەڵەمت ڕەنگین
باشترین دیاری بو بۆ ڕۆژی جیهانی کرێکار
….
مثل همیشه عالی بود دست مریزاد
سلام و عرض ارادت خدمت شما دوست بزرگوار کاک داریوش عزیز!
نوشته های اقای فرجی همیشه گیرا و خواندنی هستند
دست مریزاد
فره وه ش بی آقای فرجی عزیز ده س وه ش
دەس وەشی فره و فراوان پەی شمەی ئازیزی، کاک هێمنی وەشەسیا
واقعا قشنگ بود …مثل همیشه تاثیر گذار
با سپاس و تشکر فراوان از اظهار لطف و محبت شما دوست عزیز
ده س وه ش حه ر فره وه ش به
ئاخ شێرکەتی.هەزار جارێ دەست وەش بۆ و خامەت ڕەنگین بۆ ئاغەی فەرەجی.
آقای فرجی همیشه نوشته های عالی داشته اند..بسیار زیبا