قالب وردپرسدانلود رایگان قالب وردپرسپوسته خبری ایرانیقالب مجله خبریطراحی سایتپوسته وردپرسکلکسیون طراحی
شما اینجا هستید
اخبار » کارتوو زه‌ماوه‌نێ../ئیبراهیم شه‌مس

پایگاه خبری تحلیلی سلام پاوه:پەی هێقم که‌رده‌ی یاگه‌ پاو زوانی هەورامی دلێ کۆمەڵگایەنە پەنەوازا بڕێو ڕا و ڕەسمێ شکڵی هەورامیانەشا پنە دریۆ.یۆ چی ڕاو ڕه‌سما زه‌ماوه‌ن گێرته‌ی و نویسه‌ی کارتوو زه‌ماوه‌نێن که‌ جه‌ مه‌حاڵوو هه‌ورامانیه‌نه‌ نه‌که‌وته‌ن یاگێ و بێجگه‌ شێعره‌کێ مامۆسا مۆمن یه‌زدانبه‌خشی(بۆرێوه‌ با بسازم هۆبه‌و هه‌واروو ئه‌شقی – ده‌س ده‌س گۆراڵێ ته‌نمێ ده‌وروو حه‌ساروو ئه‌شقی)چێوێوته‌ر نه‌نویسیان و ئینه‌یچه‌ فره‌ که‌م و مه‌ورێدی بیه‌ن.

ڕوێو دۆسێوی نزیک پەی کارتوو خوڵکەو زەماوه‌نەو کوڕەکەیش جە من شێعرەش گەرەکە بێ. واتم:گوا گەرەکتا ئی خوڵکنامەیە بە هەورامی بنویسی؟واتش:ئەرێ و بە ڕاسی ئی کاریچشە کەرد.ئی هه‌رمانێ وه‌روو چه‌ماو منه‌و فره‌ به‌رزه‌ بێ و وه‌روو وێمه‌ره‌ واتم چ وه‌شا ئه‌گه‌ر ئینه‌ دلێ خه‌ڵکه‌که‌یمانه‌ نه‌هادینه‌ کریۆ.په‌ی وێم بڕیارم دا ئی کاریه‌ که‌روو. داوام که‌رد جه‌ بڕێو جه‌ دۆسه‌ شاعێره‌کام تا دویه‌ر به‌یتێ په‌ی کارتوو زه‌ماوه‌نێم په‌ی بنویسا. ئا ئازیزێچه‌ زه‌حمه‌تشا کێشت.من شیعره‌و ئی شاعێره‌ وه‌شه‌ویسا چێگه‌نه‌ منیه‌وره‌ به‌ ئاواتوو ئانه‌یه‌ گردوو ڕاوره‌سما جه‌ هه‌ورامانه‌نه‌ هه‌ورامیانه‌ کریۆ.

 ئیبراهیم شه‌مس ۹ نه‌ورۆزوو ۱۳۹۶ی ڕۆجیاری

بهروز محمدپور(شارۆ):

چرۆ ژیوایما فەسڵی نەو وەهار

بە شنەو ئامایتا مەنیشۆ وە بار

سەماو پاڵایتا مایەو شانازین

شادی بەخشا پەی دیدەی بێ قەرار

 جمال قادر پور:

یانەما پەڕ بی جە شەوقی، دڵ بە وەسڵش دڵوەشا

من وەهارم وەشتەرا تاکوو وەهاروو سەرکەشا

خەم نەمەن لامەو ڕەفێقێ گرد بەیا  ئەو یانەما

یا ڕەبی شادش کەری ئانەی جە شادی بێ‌بەشا

 سعدی غریبی :

بە میراس عەشقی شیرین و فەرهاد

بڕیا وە باڵای  فه‌ریده‌ و فه‌رزاد (نامه‌کێ فاڕیاینێ)

خوڵکەنی سا  بۆ دۆسی کەمەر لاڵ

شەوق دە بە چۆپی و بشانە دەسماڵ

 حافێز ئه‌حمه‌دی(سه‌روه‌ش):

ویساڵت یاوان، خەم بەرشی جە دڵ

موژدە بۆ، بڵبڵ میاوۆ به گوڵ

بێستوون وەش کەیف، ڕەقسان دەماوەن

ئاشق و مەعشووق کەرا زەماوەن

 په‌روێز بابایی:

وەختێ پاڵاو ئاشقیما پانە با

بێخەمێنم سەختێ با ڕای یا نەبا

ئێمە دڵما زووتەری یاوان به یۆی

قاچێما هێشتا بەزەمنەم ڕانە با

بێ خەیاڵت بوونە ئەجیۆ مەیتەنا

تا مەنێنا ماتڵوو ئامەیتەنا

 ئامینه‌ ڕه‌حیمی (ژوان):

میلادوو ئەشقینە

هەسارەو چەما

پێوەنوو دەسا چڵاکنۆرە

تا تێکڵاوی ڕۆحی

چەرخیچ

چۆکێ مدۆرە!

 مامۆسا هادی سپه‌نجی:

په‌ڕ به‌ دڵ چه‌نی شنه‌و وه‌هاری ده‌سه‌ی سووره‌هه‌راڵه‌ و بنجه‌ی شه‌وبۆ و باوه‌شه‌ی وله‌ مه‌خمه‌ڵیێ چه‌نی سه‌وه‌تێوه‌ جه‌ په‌ڕوو تاوسیمان که‌رده‌ن مزانی، تا به‌ زه‌رده‌ خه‌نده‌و وه‌شه‌ویسیمان پێشکه‌شوو حزووریتان جه‌ جه‌ژنه‌و هه‌واروو ئاواتیمان که‌رم.

فه‌ره‌یدوون به‌هرامی:
دوو ناز دوو نازار دوو گوڵ دوو بوڵبڵ
پێوەن پەی ژیوای پەی ویساڵی دڵ
موبارەک یانەی تازەتان شادی
پەڕ بۆ جە وەشی دوور جە ئیش و چڵ

فه‌تحوڵڵا ڕه‌زایی:
ئای چن وه‌شه‌ن وه‌شه‌سیایی دڵاودڵ
وه‌شه‌سیایی بێ ڕیایی دڵاودڵ
نووکه‌چه‌نه‌ی مه‌گنا ویروو جیایی
ئه‌ر خودایی بۆ و شیایی دڵاودڵ

 و ئینه‌یچ شێعره‌ مه‌شهووره‌کێ مامۆسا مۆمن یه‌زدانبه‌خشی:

بۆرێوه‌ با بسازم هۆبه‌و هه‌واروو ئه‌شقی

ده‌س ده‌س گۆراڵێ ته‌نمێ ده‌وروو حه‌ساروو ئه‌شقی

قه‌وڵێوه‌ دابێمان یۆی که‌رمێش به‌ قوفڵوو دۆسی

هیچ ناحه‌زێ نه‌تاوۆ  ڕا بووزۆ شاروو ئه‌شقی

مه‌یل و وه‌فا و موحه‌به‌ت په‌یوه‌ن بده‌یمێ پێوه‌

تاکوو بکه‌رمێ ئاوا باخوو دیاروو ئه‌شقی

 

  1. هەورامان ڕۆستەمی

    سڵام مامۆسای پایەبەرز
    بەڕاسی ئینە هەرمانێوە فرە بە یاگێ و بنەڕەتیەنە کە ڕا وەشکەرەنە و ملۆ وەروو دەسوو گردوو ئازیزا و وانەری تەخەسۆسیش لازم نیا.
    حەتمەن یاگێ کەرۆوە و شکەش نیەنە چنە کە کاریگەری وێش هەنش.

  2. مهرداد اله یاری

    سپاسه ت که‌رو برای به ریزو آزیز فره وه‌ش حال بیانه کارته‌و زمانگه و من بی به وه‌ش حالیو شمه کاروش که‌رد ای متنه وه شه بنویسته سه‌ربه‌ز بینه‌و انشاالله کول کس به هه ورامی بنویسو

شما هم می توانید دیدگاه خود را ثبت کنید

کامل کردن گزینه های ستاره دار (*) الزامی است -
آدرس پست الکترونیکی شما محفوظ بوده و نمایش داده نخواهد شد -

پایگاه خبری ،تحلیلی سلام پاوه |