زوانما،لایە لایەو ئەدٚایاما پارێزنا/ماریا عەزیزی
پایگاه خبری تحلیلی سلام پاوه:«بنویسمێ بە زوانی هەورامی،بوانمێوە بە زوانی هەورامی کە ئاڵاو قەڵەمی نەبڕیان باڵاو هیچ مێللەتێویەرە»(موحەممەد موستەفازادە) «هەرکەس نەزانۆ بە زوانی ئادٚایی وێش بوانۆوە و بنویسۆ بێ سەوادٚ حەساب بۆ!»(نوام چامسکی)ئەگەر،بە ئێنساف بدٚیەیمێ پەی ئی واتەیە،چن دەرسەدٚێما سەوادێنمێ؟جار و بارهیچ نەواتەی خاسا،تا واتەی. جار و باریچ،ئەژنەویەی، ئادٚیچ گۆش پەنەدایش گەرەکا.گۆشوو دڵیت کە دا بە ورکەو وەڵاتی،کۆڵێو ڕازێ جە دەموو تۆشەبەرەو ژیوای ژەنا و پیایاو وەڵاتی گێڵیاوە و هەر یۆشا، یاگێوما بەرۆ. یۆشا شاخ و کۆساروو وەڵاتی مرمانۆ، یۆشا دەشت و ساراو ڕۆخانێما مارۆوە یادٚ. پەردەو پەنجەرەو سۆزوو ژیوای، پەیما مدریۆوە لا.ئێتر ئێمەنمێ و وەرچەمێوی زەریف و پەڕ جە ڕاز و نیاز کە چەنی دە...
