یادێو جه شاعێر و نویسهری کۆچ کهرده مهرحووم باقی سهفاری
پایگاه خبری تحلیلی سلام پاوه : ئهوهڵین کتیبی چاپ کریا به زوانی ههورامی، کتیبوو (ئهفسانهی ههورامان ) نویستهو خودا چنه ویهردهی باقی سهفاریا. ئی کتیبه ساڵۆ ۱۳۸۱ی ک.ڕ نهشروو ئێحسانی جه ۱۸۶ لاپهڕێنه چاپ کهردهن. ۴۵ دانێ ڕازێش ئینای دلێنه و فهرههنگ لۆغهتێویچش ههن. ههر پاسه که جه نامێ کتیبهکهیهنه دیارا ، بابهتهکێ گردشا ڕازێنێ. […]
- ۲۵ تیر ۱۳۹۶
- کد خبر 60724
- 5 دیدگاه
پایگاه خبری تحلیلی سلام پاوه : ئهوهڵین کتیبی چاپ کریا به زوانی ههورامی، کتیبوو (ئهفسانهی ههورامان ) نویستهو خودا چنه ویهردهی باقی سهفاریا. ئی کتیبه ساڵۆ ۱۳۸۱ی ک.ڕ نهشروو ئێحسانی جه ۱۸۶ لاپهڕێنه چاپ کهردهن. ۴۵ دانێ ڕازێش ئینای دلێنه و فهرههنگ لۆغهتێویچش ههن. ههر پاسه که جه نامێ کتیبهکهیهنه دیارا ، بابهتهکێ گردشا ڕازێنێ.
به باوهڕوو فرهو کهسا کتیبوو کاکه باقی سهفاری جه نۆعوو وێشهنه شاکارا چوونکای ئهوهڵ کهس بیهن تاپۆش ماڕان و جۆرئهتش بهخشان به نویسهراتهری تا ههورامی بنویسا.
باقی سهفاری نویسهر، پهیجۆرکار، شاعێر و هۆرگێڵنهر جه ساڵۆ ۱۳۳۶ی کۆچی جه شاروو پاوهی جه ئهدای پهیدا بی و دهورانوو زارۆڵهی و شاگرد مهدرهسهیی تا ئاخروو مهدرهسهی جه پاوهنه ژیوایش بهرد سهر و دماو تهمام کهردهی مهدرهسهی به ڕۆتبێوی عاڵ قهبووڵ بی پهی دانشگای و دماو چوار ساڵا جه ڕهشتهو شیمی دانشگا ڕازی کرماشانی به مهدرهکوو لیسانسی وێش ئامادهو خزمهت به فهرههنگوو وهڵاتهکهیش کهرد. ساڵۆ ۱۳۶۵ی جه مهدرهسهکاو مهریوانهنه بی به مامۆسا و دهسش به دهرس واتهی کهرد.
کاکه باقی ههر جه تهمهنوو جوانی عاشقوو وهڵاتهکهیش بێ. ئی عهشقه بی هۆو ئانهیه دهس کهرۆ به گلێرهوه کهردهی ئا ڕازا که جه قهدیمهو دلێ دڵوو خهڵکیهنه مهنێ بێنێوه و ههر به زوانه شیرینهکهو وێش نویستێشهو؛ و جه دهورانێوهنه که جه ویروو کهسیهنه نهگۆنجیێ، کهردێش به کتیب و دلێ خهڵکیهنه پهخشێ بیێوه تا به گرد کهسی برمانۆ زوانی ههورامیچ متاوۆ بۆ به کتیب و بوانیۆوه.
ئی ئازیزه بێجگه جه کتیبوو ئهفسانهکا، دویهر مهقالێ جه بارهو ههورامانیش نویستێنێ که چادیشا متاوو ئیشاره کهروو به (بازیهای محلی هورامان) و کتیبوو یارسانی و ههر پاسه دوێ کتیبه شێعرێ که یۆشا هۆهوهگێڵنای دیوانوو خهیامیا به ههورامی و ئهویچشا شێعرێ وێشهنێ به نامێ پهپوولهی خیاڵ.
مهرحووم سهفاری گهورهتهرین داڵغهو دڵهچرکێش، جه بهینشیهی زوانی ئهدایی بێ. وێش کتیبش به زوانی ئهداییش نویست و سهعی و کۆشش ئانه بێ خهڵکیچ بنویسۆ:
ههر کهس پهی وێش بنویسۆ // ئا گڕوو گاله بۆ به کۆ
قهترهی ئاوهن بۆ به جۆ // شهوه زهنگهن بۆ به ڕۆ
***************
مهگهنۆ، مدرۆ ئاوی! // جم و جووڵت بۆ، تاوی
تۆ به خهڵکیتـــهر یاوی // ئهشکۆفهن بۆ بهســــاوی
***************
نهزانمێ زوان ئهدایی // گردما مهگنم گهدایی
بێ نام نیشان سهر ڕایی // پهی هیچ بیمێ فهدایی
کاکه باقی جه تاریخوو ۲۵/۴/۱۳۸۹ حهینوو ئینهیه جه پاوهنه پهی مهریوانی هۆرگێڵێوه، ماشینهکهش جه بهرزایی کهلوو تهتهی هۆر وێڵیا و به داخێ گرانهوه گیانش جه دهس شی و چنی ئی دنیایه خوداحافێزیش کهرد. ڕۆش شاد و یادش تا دنیا دنیان زیننه بۆ.
ئیبراهیم شهمس پاوه ۲۵-۴-۱۳۹۶
سپاس و دهس وهشی پهی ئا ئازیزا که پهیلواو وێشا جه بارهو ئی مهتڵهبیهو فهرماوان. به ڕاسی یاد کهردهی جه ئازیزانێو پێسهو مهرحووموو کاکه باقی سهفاری که عهمروو وێشا نیان پهی گهشه و ترۆقوو فهرههنگ، نهدهبیات و نهسری ههورامی، کهمتهرین ئهرکوو شانهو ئێمهن.
مامۆستا هه ژار فه رمووی «چۆن بژی شه رته، نه وه ک چه نده بژی » کاک باقی یه کێ له وانه بوو که ڕێبازی چۆن بژی له ژیانی دا هه ڵبژارد. مرۆڤێکی به هه ست و نازک خه یاڵ، ئه وینداری به هه ست و به ئه مه گی زمان و فه ر هه و ئه ده بی کوردی به تایبه ت ئه ده بی به نر خی هه و رامی. ئه وینداری به هه ستی مامۆستا قانع. کۆچی دوایی هه ر مامۆستایه ک به راستی خه سارێکه بۆ ئه و رێبازه. یادی ئه و مامۆستایه به خێر بێت و رۆحی شاد.
ده س و قه له مت وه ش بو کاک ابراهیم شه مس خواحیفزت که رو .
عومری دریژوراوره وشتی سه وزش په ی شمه ئازیزائاسه بوجیا.ده ستان ره نگین په ی یادوئاکوچ که رده یه.
یاڐش حەر مەنۆ دڵمانە و دەس وەش بیەیچ کەروو جە کاک ئێبراهیمی وەشەویسی.