وەشڵەی پانیشا زووتەرچڵاک یەرە /فەهمی مورادی
پایگاه خبری تحلیلی سلام پاوه : کۆڕبۆ یا کناچێ ، پیر بۆ یا جوان ، گۆرە بۆ یا وردی ، بەڵام هەر کەس بۆ جە هەروەختێوەنە بۆ وەشش مە تارێفش کریا. من کناچێ وی یەرە چوار ساڵێ جە یانێ وە نە بێنێ، تاتەم منش فرە وەشە سیێ نێ، عادەت و کناچێ وێ شیرین کەرێ هەرچی […]
- ۲۴ دی ۱۳۹۴
- کد خبر 27279
- 10 دیدگاه
پایگاه خبری تحلیلی سلام پاوه : کۆڕبۆ یا کناچێ ، پیر بۆ یا جوان ، گۆرە بۆ یا وردی ، بەڵام هەر کەس بۆ جە هەروەختێوەنە بۆ وەشش مە تارێفش کریا.
من کناچێ وی یەرە چوار ساڵێ جە یانێ وە نە بێنێ، تاتەم منش فرە وەشە سیێ نێ، عادەت و کناچێ وێ شیرین کەرێ هەرچی تاتەش مەوە وێش وزونە باوشێش. دەس کەرو ملش، ماچەش کەرو ، قسێ وەشێش پێ کەرۆ . تاتەم کارێوش پەنە ئامابێ گڕوێڤ زووتەر ئێوە پەی یانەی. چێوێ وەشێم پەی ئارێوە. بەینوو من و تاتەیم فرە وەش بێ ، تاتەم کارێوش پەنە ئامابێ ئەگەر هەرچی کناچێ وەشڵێ و زەریفێ و قسەوەشێ دنیای هەنێ ئامەنێ وەرو ڕەش ئاندە گٶش شا پەنە نەدێ، هەر کناچە کێ وێش وەشەش سیێ هەردڵش پادێ وەش بێ.
بەڵام من جار جار دڵم پەی وێم مەنێ کە تاتەم کەڕەتێو پەنەم مەواچۆ چەمێد کاڵێنێ یا قێژێد زەردێنێ و وەشێنێ یا گۆڵەکەم فرە زەریفەنێ. خۆ کناچە کێش زەریفە و قژ زەردۆ چەم کاڵەنە.
من یەواش یەواش گۆرێ بیا جە بۆ نۆ مەدرەسە یۆو چێوانێ تەر یۆ لێوێنێ بازار، کۆتانی ئاوەدانی ، یاوانی خەڵکی خاس و خرابی . کەڕەتێو یاوانی بە کۆڕێوی جوانی ، کۆڕە جوانە کە پەنەم ماچۆ فرە چەمێد وەشێنێ و قژێەد زەردێنێ ئەچی قسا.
من ئاندە گۆشم نەدا پەنە لوانە پی یانەی. پێسۆ جارا تاتەم ئاماوە گردیما جە مێ بیەمێ تاتەم بە من ماچۆ ڕۆڵە ئێتر تۆ گۆرێ بیێنی مشیۆ فرە نەزیە یەرە فرە چەنی کەسی قسێ نە کەری، وەختێو یۆ مە پەی یانەی ما ئەدەبەبی ، ئێتر تۆ روۆ ئازەبی ملی.
منیچ سەرەم وزتەرۆ ماتم کەرد . قسێ کۆڕەکەی ئامەوە هۆشم واتم ئینە پۆ چی ئا کۆڕە ئاقسێ شە پەنە واتا . من لوێنێ مەدرەسە و ئێنە، دلێ خیاڵانە بێنێ و کەم قسێ بیێ بێنێ. کەڕەتێو جە ڕاۆ مەدرەسە یەنە کۆڕە جوانە کە یاوامۆ پەنە هەر ئاقسێ شە کەردە . قسەکێ نیشتێنە دڵم ، چەنی کۆڕەکەی وەشەسیاێی ما وزتەرە ، من فرە گۆرێ نەبێنێ وەختوو شو کەردەیم نەیاوابێ. بەڵام واتم بە ئەدێەم کۆڕو فڵانە کەسی قسێم کەرۆ چەنی منیچ وەشم مە چەنەش. ئەدام ماچۆ با تاتەد نەزانۆ سەرەد بڕۆ ئەچی قسا.
ئەدەام لاو تاتەیمۆ ماچۆ ، تاتەم رەنگەش فاڕیۆ هیچ مە واچۆ. بەڵام چاولای ئاندە چەنی من قسێ نەکەرێ . پێسۆ جارا جەیانەنە گرد جەمێ بیێ بێنمێ، من و تاتەم قسێ فرێ ما پی واتەی بێنێ بەڵام هیچ کام ما قسێ نەکەرێنمێ . وەشەویسی بەین و من و کۆڕی کارێوش کەرد هەردوی ما دەسما جەوانای کێشا ، کوڕە مەدرەسەنە تەمەڵ بی منیچ یانە نە ناستشا بلو مەدرەسە .
دما چند وەختێوی شەوێوە تاتە وەرم وینۆ کناچێ شۆ ، کناچێ وەرمەکەنە بە تاتەیش ماچۆ تاتە گیان هەرچیم سەر ئاما فرە تەرش خەتاو تۆ ئەدەێم بێیە! تاتەش جە وەرمەکەنە ماچۆ ئێمە چی ڕۆڵە؟
کناچێ بەدڵێوی پەڕۆ ماچۆ تاتە گیان ئەگەر تۆ و ئەدام وەختو وێش بە من واتە بیەتا چەمێد کاڵێنێ ، یا قژێد زەردێنێ یا فرە زەریفەنی یا فرە ۆ چێواتەری. من زانێ نێ کێنا ئێتر ئەگەر یۆتەری ئا قسێ شە کەردەنێ ، پەی من تازێ نەبێنێ و منیچ گۆڵ شا پەنە نەوەرێنێ ، لوێنێ شونۆ دەرسەکیمەرە ، گۆرەتەرە و ئاقڵ تەرە بێنێ ئاوختە پا نیێنێ دلێ زێندەگی ، نە جە دەرسی دەس کێشێ نێ نە بێ وادە شوو کەرێنێ .
ئەچی وەختانە تاتە چڵاک یۆرە ! بەڵام بە داخەوە .
وەشڵەی پانیشا زووتەر چڵاک یەرە
فەهمی مورادی
ره خنه گيرته ي به بي كارناسي جه كه ساني ته ري فره كاريوي ئاساييا به لام ئينه كه پسه ئي برا به ريزه يه قه له م ده س گير ميو خزمه تيو كر مي يا گي ريزيه نه . ده ستا وه ش بو په نجه تا ره نگين هيواداره نا به ردوامي بيدي .
بووستانو سەعدی شێ تا داستانەی ئارۆیانێ. کاکە فرەتەر تەلاش کەرە
دەس وەش وەلێم فرەش مەنەن پەنەش وچیۆ داستانە. مشۆ هەرمانەی فرەتەرە کەردێ ئەمما هەر دەس وەش
به زوانیوی شیرین و دوور جه واته وهش کریایه کا و ئاروی تاوانت داستانه کیت واچینه و هاگاداریویت سه له منی سپاس په ی ده س و قه له مه رهنگینه که یت
سلام و ده ستا وه ش بو.به لام ره خنیوه م بی ج داستانه کیتا..ج اولوو داستانه کی ج زوانیو اول شخص مفردیوه شروع بو،به لام ج پاراگرافوو آخری مه وو سوم شخص،ج لحاظی دستوری شاید جالب نه بو اینه،همباز سپاس…
به نامی خوای گه وره ی:
هیوادار ه نا به رده وام و به رقه رار بی. ئیمه گردیما خه ریکینمی هه ورامی ما جه فکر مشووه. به لام هیواداره نا به بیه ی جه نابیتو و که سانی ته ری زوانی هه ورامی زینده بووه و جوانه کیما لا ئه قه ل تاوا هه ورامی واناوه.
کاک فه همی فره ده س وه شیت که روو
یا خوا دستا وش بو کاکه
فه ره سپاسه ت که رو پی هوارمیه نویساکه یت فره فره جه زم که رد ده ستان وه ش بو
سلام
ده سو وه ش بو کاک فه همی
عالی بئ
گیان چن وشبه مطلبه کتا …. فره وشحال بیانی چیوی چیمنمه واناوه دست وش بو کاکه فهمی