پایگاه خبری تحلیلی سلام پاوه : جه قاڵمه قاڵوو ئۆتاقێ (واڕه و کاناڵێ تلێڤیزیونی، ده نگو گره وه و زاڕۆڵه ی، قۆڵ قۆڵو سه ماوه رێ و …) په نام به رده به هوای ئازادێ. هواو پێزێ واچیشی به سوزو سه رده یش ئه ندیشه م مه لاونۆ.

گه ڵا مێو وه خته ی ڕوو به سه ر گه شه که رێ حه وشه کێش په ڕه که رده بێ جه وه شی. وێش لکه دێ به حه ر چێوه ی که ده سێش یاوێ په نه ش. به ڵام ئیسه پێسه و به شه رێوه سه رشۆڕو ڕوو زه ردی که لوته ش کیشیه ینه زه مینیه ره.
گه ڵا خه زان چیروو پایمه نه خێش خێش که رێ و ئاخرین موسیقاو ژیانه وه ی په یم دێ وه نه.
گێزیم هۆر گێرتوو گه ڵاکێم سه روو زه مینی جه مێ که ردێ، واچیشی حیچ ژیوه یوه سه روو زه مینی وجودێش نه ویه ن.
چه مێم که وت به تره که و دیواری ؛ مروچه کێ هاڵێ وێشکه په ی زمسانیشا جه م که رێنێ ڕیک پێسه و ئێمه
به ڵام نا …
ئێمه زمسانیچ نه یمێ جه حاڵوو ڕه مه ینه، ڕه مه یوه بێ قازانج و مه نفه عه ت په ی دونیای.
به ڵێ خه سڵه توو روزگاری پێسه نه، ماوه یوه گه شه و به رزو بیه ی و یه ک چرکه یچ خامۆشی و مه رگ کا ره ی مه که رۆ که ماچی حه رچی دۆنیای نه ویێنێم.
ده یه قێو ساعه تێ مه ویه ران…
کاشکه په ی هه میشه ی لێ تاریکه یانه و خه یاڵی مانه به پینووس تڵاینه و ئیمانی بنویسمێ که ئی گێرد ڕه مه ی په ی ئی دونیا بێ ڕه حمه بێ وه فای چه حاسل؟!
عاقیبه ت مێشتێوه خاکوو چنه مێترێ مۆری (خام) نه سیبو گه داو ده وڵه مه نی ما مه وۆ.
جا… جا کۆڵه باروو هاڵی زمسانی سه ردوو دۆنیای به چه روێوه لاو خواگیانی واز که رێم ؟!