کوله ئاسمانیهکه…/نهرمین گیوهچی
پایگاه خبری تحلیلی سلام پاوه : کولهکهش نیاره زهمین، مازیش دا مازی تهوهنهکیوه، شهکهتی لی لچاشهنه کهو مدرابی توله رایوه فره باریکه بی، ئی لاو ئهولاش پهر بی جه پیشی ههسهرا، خو پیشی بهشهریچش چهنه بینی، بهلام نهوسش روهو ویش، کهوت لاونای وهیوله شیشهینهکی. ئهسیبیش پهی کناچهکیش، ئارو دوی کهرهتیش کهرده بی، تا تاوابیش بسانوش، کهرهتهی […]
- ۲۹ تیر ۱۳۹۵
- کد خبر 40755
- 8 دیدگاه
پایگاه خبری تحلیلی سلام پاوه : کولهکهش نیاره زهمین، مازیش دا مازی تهوهنهکیوه، شهکهتی لی لچاشهنه کهو مدرابی توله رایوه فره باریکه بی، ئی لاو ئهولاش پهر بی جه پیشی ههسهرا، خو پیشی بهشهریچش چهنه بینی، بهلام نهوسش روهو ویش، کهوت لاونای وهیوله شیشهینهکی.
ئهسیبیش پهی کناچهکیش، ئارو دوی کهرهتیش کهرده بی، تا تاوابیش بسانوش، کهرهتهی دوی سندوقی چای، ئی کهرهتهیچه تلویزیونهی ئلسیدیش بینابی کولیشهره، تهنیا بی، ئهو کولبهرهکی نامیبینی چهنیش، پسهو کناچهکیش وهشیی وهیولهکینه کهوته بی گورانی واتهی، جارجاریچ پیشه زلی ههسهرهکا واچینی گلوهشهره مهچهقان پلومه گیریشو و عیشش کهری عیشوو کورکورهی، مینی پالوو راکی، ههرکام پهیش دهمشان چهقنابیره و ماتلی پانتول پایوه بینی تا ههنگامهی ههلیش هور بیانی و هورشگیسنانیو بتهقنانیشووه و جه ههلمهتیش بوزانی، گهرهکش بی هورزووه و سهرسهرهوکوی فرهش مهنه بی، بهلام قولیش لهرزای لهرزینهو نیشتهره، ژهنهکیش قهبالیوهش پهی پیچنابی، توشهبهرهکیش وازه کهرده، قهبالیوه بهر بارو، پهرویوه سهوزیچش چهنه بی، ئاماوه ویریش هیزی ژهنهکیش کوسهو ههجیجیهنه به تهوهرک پهیش ئارده بی، کهردش دوی کوتی، کوتهیش بینا دهسو ویشهرهو ئهو کوتهکهیچش بالوو وهیولهکیره، واچینی گیانش بینیان گیانو وهیولهکیره، سالهی بی شیلانهش داواو وهیوله شیشهینی کهری، ریوه نهوی نهگرهوو، بهلام ههزار ولی جهرگشهنه بینی، نهتاوی پهیش بسانو، ئاروسهرو مهرزهکهینه نیایبینیشاره، بهلام فره گرانی بینی، جهحهننهمش کهرد جه گرد چیوهی، وهرو ویشهره ماچو: دوی کهرهتی کول مهوهروو، پهیش ئهساو به موبایلو ساحیو بارهکهیش زهنگش دا پهی شیلانیش، وهشیینه کهوته گورانی واتهی، «تاته گیان، تاته گیان»، ماچوو شهمامهکهی فر کهرو زوو زوو باروتو یانه، تاته گیان، ههزار جاری بی قوروانهو ویشوو شهمامهکهیش.
ویره وهشیی کناچهکیش هیز کهوت دلی جهسهیش، ههر به نیشتهی بارهکهش بینا کولیشهره و کلاشهکیش هورکیشایو، وهیولهکیش تنتنهی هورگرته، زورش دا ملوو تهوهنهکی هورزووه، تهوهنهکی و تهوهنهو سهرو تهوهنهکا گرد پیوه رژای ملشهره وستشا ئهو دیموو راکی واچینی پهرو سهوزهکه ههلمهتهی تایبهتهش به تهوهنهکا داینه، گرد پیوه چهنی تاته کولبهرهکهی تهقایوه، دهسه سهوزهکهش قرتیاو چهنی وهیولهکی.
فره دریا پهی لی را راسهکی، ئلسیدیهکه بی ههزار کوتیو، ههزاران وهیولی شیشهینی روو به ئاسمان لیشهنه دروشیینی، تهوهنهکی سوور وردی بیهبینی، سهریوه شهکهت و بی لاشه روو به راکی زاق دیی، هیشتا گیان لی سهرهیشهنه بهرنهشیهبی، کی ماچو دل، نا لی سینهینه! دلش لی چهماشهنه هیواش هیواش دایدیوهنه، ههر جور نهوی وهیولهکیش چهمکهرده، نهمریایبی، چهمیش خوایوه، دمایین ههناسهش هور ئاردو و به کزیوه گیانکیشانه واتش شهمامهگیان، شهمامه فر کهره، بالی گیرهوه، وهیوله شیشهینه پهی شیلانهو تاتهی ماتلهنه.
بسیار زیبا و با زبانی داستان گونه بیان کردید که قشری از مردم مرزنشین با وجود تمام مشکلاتو سختیها و آسیبها باز هم با دستانی زحمتکش برای خوشحالی خانواده گریبانگیر چه خطراتی می شوند .قلمت شیوا بسیار زیبا بیان کردید ممنون
به راسی کوله داستانیوه خه مباره بی
قاچاخ/مه رز/مه عاش/بیکاری/ته قه /که مینه/ره مای/ مینه/روایه تی کی سه لمنه رو(ثابت کننده)راسیو ئاروو کومه لگاو ئیمه ن…
چی حه ز که رم چی نه که رم به شی جه مه ردمو ئیمه ده رگیرو ئی با به ته یه نه…جه سه ده و21ی کی ته مامو که لووپه لو که فو جه هانی(سطح جهان)به ماشین وسیستمو کامپیوتری وده موده زگانی پیشره فتی مواریانیوه..به لام به داخه وه جه وه لاتو ئیمه نه سوکایه تی چه نیو ئانزانی(انسان) هه لای نه ته مامیان!!!!!
یوجه کار که رد وه ئارمانو هونه ر وه به تایبه ت ئه ده بیاتی هاگاداری وروشن که رده و ئاوه زو و ئه ندیشه یه ن کی جه داستانه و داده نه رمینی به شیوازی عالی ئه ده بی واچیان…ئومیدواره نان وانه ری(خواننده) شونه و وه نه وهه ر داستانی ;ره خنه وئانالیزشان ویر نه شو ..سپاس داده نه رمین…. چه مه راو نویسانی ته ریت هە نیم..
دەست وەش بۆ
ده س وه ش عالي بود
طرح سراسری@کتاب تابستانی@با تخفیف عالی وبا حمایت وزارت فرهنگ وارشاد ایران اغاز شده است
طرح تابستانی کتاب تا 10روز دیگر ادامه دارد
در شهر پاوه کتابفروشی@روجیار@پایین تر از اداره پست مشمول این طرح گردیده است
تخفیف کتاب کودک ونوجوانان تا 20درصد
تخفیف کتابهای دیگر25درصد
از سایت سلام پاوه خواهشمندم این موضوع را اطلاع رسانی کند باسپاس
خانم گیوچی باعث افتخار هستن امیدوارم موفق باشن
سلام په ی تو والی وه شه ویسی. مه منوون جه ئیحساسی ناسکیت. به لام من پیسه که سیوه هه ورامی نه زانام کوگه یه نی. چون مه تله به که ت هه م زوانوو پاوه ی بی و هه م زوانوو یاگانیوه تریش تیکه ل بی. دووباره مه منوون .
ده س وه ش