میرزاو نازارو شاری و کەمپینەو خاکی!/داود غەفاری
پایگاه خبری تحلیلی سلام پاوه:قـادر تا زینــدەن هــەرنە هــاوارەن…..ئـــاوارەی ئەبـــەد خـــاک هــــاوارەن هیزی ڕوێوی تۆزاوی و پیس و پۆخڵ و گول بێ پەی بەشێوە فرەو خەڵکانو ناوچە کوردنشینەکان و بەتایبەت هەورامانی و شارو پاوەی. خەڵکی فرە دەگمەن زیێرە بەر و هاتوچۆ شارەنە تا واچی کەم و کەمتەر بێ. هەرکەس بە شێوازێوە نیگەرانی وێش نیشانە دێ. […]
- ۳۰ خرداد ۱۳۹۵
- کد خبر 38755
- دیدگاه
پایگاه خبری تحلیلی سلام پاوه:قـادر تا زینــدەن هــەرنە هــاوارەن…..ئـــاوارەی ئەبـــەد خـــاک هــــاوارەن
هیزی ڕوێوی تۆزاوی و پیس و پۆخڵ و گول بێ پەی بەشێوە فرەو خەڵکانو ناوچە کوردنشینەکان و بەتایبەت هەورامانی و شارو پاوەی. خەڵکی فرە دەگمەن زیێرە بەر و هاتوچۆ شارەنە تا واچی کەم و کەمتەر بێ.
هەرکەس بە شێوازێوە نیگەرانی وێش نیشانە دێ. کەمپینەو خاکیشا وستە ڕا. پڕۆفایلەکێ فەزای مەجازیەنە، واڕیەی بە چێوانێ سڕ و سەمەڕێ و …..
بەشێوەیچ دەسشان دا داهێنان و فکرێ جوان جوانێ و…. یۆ چی فکرانە کە فرە جوان ئامانە دلێ، ماسکێوە بێ ج لاو دۆستێوە یان دۆستانێوە نریا پەی پەیکەرەو میرزا ئەولقادری. ماسکێوە کە مانای فرێش هۆر گێرتەو دەنگدای جوان و عالش ج دلێ خەڵکی و ج سایت و فەزاکانە چەنە بیۆ.
میرزا ئەولقادر پێسە هێماو ئەدەب و فەرهەنگو ئی شارەیە عال دیاری کریا پەی ئی جووڵە ویچکلە ناڕەزاییە مەدەنیە. یاگێ دەس وەشی بێ ج داهێنەرانو ئی کارە مەدەنیە جوانەیە.
بەڵام، هەرپاسە مزاندێ ئارۆ تۆزو گەردەکە تەمام بی و بە داخۆ ئا دۆستێ لاشا کەردە بێ لاو میرزا ئەولقادریۆ پەی ماسک نیای و تاڕادێوە وێنمانای، ویرشا نەکەردەبێوە ج ئاقیبەتو کارەکەیشان. پی مانا کارە جوانەکەشان تا کۆتایی نەبەرد سەر و میرزای شاعیرو شاریشا نیمەو ڕەینە و بە دەمبەسیای جیا ئاست!
وێرەگاوەختە دیم میرزا ئەولقادری فەقیر خەریکا خنیکیەی خنیکیۆ نەک چێرو تۆزێنە، بەڵکو چێرو ماسکەکێنە و ج هەوای جوان و بێگەردو کۆمەکاڵی و کەلیانی بێبەش کریان. فەقیر سۆح تا ئیسە گردو ئی شاریە کە زیانەرە و تۆزە و مۆزە و کەمپین و مەمپینشا ویر بەردەنەو لەو میرزاینە میان و مەلان. کە چی میرزای هێماو ئیعترازو تۆزەو شاری، دەمی بینیا و ڕۆچەوانی و تاق و تەنیا….!
پۆکەی وێم یاونا لاو پەیکەرەو میرزای دەلالی و بەحاڵەحاڵ و یاردیدای کاک سۆرانی، ماسکەکێم لادا و میرزای نازارو پاوەی هەناسێوە تاڵ و شیرینش هۆردا و دیم گلەیێش هەنێ.
واچـێ: چی شارەنە تەنیا وەختێی لات کەرا لاوە، مەرامشان بۆ پەنەت!!! خوا دەوامت بدۆ، تۆزوگەرد، سرووشتی و خواییەن، ئامااااااان دەم بینیای خراوی خراوەن ئادیچ بە دەسو عینسانی !!!
واتم مامۆسا، بە تڵا ئی قسێت چی شارەنە مەر بنویسیۆوە!!
خیلی طنز جالبی بود و البته تلخ! واقعا چه کسی قدر شاعران و قلم به دستان اینجا رو می دونه، حالا باز استفاده ابزاری اینجوری هم خودش یه قدمه