ج 10 فروردین 1403 ساعت 18:21

فەرهەنگوو رانندەگیمان چکۆوە مەلەقۆ پچی تەقیاو و تەڵەفاتما فرەن؟ /سامان بابایی

فەرهەنگوو رانندەگیمان چکۆوە مەلەقۆ پچی تەقیاو و تەڵەفاتما فرەن؟ /سامان بابایی

پایگاه خبری تحلیلی سلام پاوه : ماشین یاگێ شوخی نیەنە جادەی عمومی خاکوو ڕاو گردینمانەنە تا بە سڵامەت بە مەقسەڐ بیاومێ ، پەی سڵامەتی گردینمان ئێحترام بە قانوونوو رانندگی و بێ ئێحتیاتی نەکەردەی دلێ خیابانوو جادەی عمومیەنە وەزیفەن بەرعکسش عەمڵ کەردەی بێ ئێحترامی و گەمە کەردەی بە گیانوو ماڵوو خەڵکیەن هیچ نوعێوە بێ شعووریەن ،ئەدەب […]

پایگاه خبری تحلیلی سلام پاوه : ماشین یاگێ شوخی نیەنە جادەی عمومی خاکوو ڕاو گردینمانەنە تا بە سڵامەت بە مەقسەڐ بیاومێ ، پەی سڵامەتی گردینمان ئێحترام بە قانوونوو رانندگی و بێ ئێحتیاتی نەکەردەی دلێ خیابانوو جادەی عمومیەنە وەزیفەن بەرعکسش عەمڵ کەردەی بێ ئێحترامی و گەمە کەردەی بە گیانوو ماڵوو خەڵکیەن هیچ نوعێوە بێ شعووریەن ،ئەدەب تەنیا نیەن دلێ سلاموو عەلەیکوو مەعاشرتیەنە ، ئەدەبوو دلێ جادەی نوعێوە جە فەرهەنگوو ئێمەن کە واقێعەن نیەنمان .

سامان بابایی
ئارۆ جە پاو ئامان پەی کرماشانی نۆعوو ڕانندەگی خەڵکی دلێ جادەینە و چە پاوەنە چ دلێ کرماشانیەنە دیم بی باعسوو ئینەیە فرە ورد بوونۆ ڕیشەو ئی گرد رانندەگی شێتانەیە وەحشی گەریە چێشەن ؟
پەی کۆی مەلمێ ؟

خەتاو کێنە ؟ پچی پێسێنمێ ؟
تا کەی دەرس نمەگێرمێ ؟؟
تاکەی زەرەر مەڐەێمێ ئەو وێمان؟
تا کەی فەلجوو قەتعی نۆخاعی دای؟
تا کەی کۆشتە دای؟
تا کەی داخدار کەردەی خانوادەکانمان؟
تا کەی جەنگوو ئاژاوەو دلێ رانندگی و چەقەچەق کەردەی چەنی رانندانێوەتەری؟
تا کەی فڕە فڕ دلێ خیابانیەرە و سبقەتێ بێجا گرتەی ؟؟سۆرعەتی بێ یاگە لوای؟ ؟
مدرای بێ یاگە قەراخوو جادەی سۆرعەتیەنە ؟؟؟
لا دای پەی سەیرانکەردەی قەراخوو ئۆتووبانێنە و خەتەر وەش کەردەی؟؟؟
دەور دای نەوامە و پڕای دلێ جادەی، جە ئەسڵی پەی فەرعی؟؟؟؟؟
ناوامە خەت واڕای ؟
بەینوو خەتانەرە نەلوای؟؟؟
سۆرعەت جە سەروو پێچانەنە؟
بێ ڕاهنما پێچنای؟
جە چراو سوورێ ویەردەی ؟
بێ ئێحترامی بە قانوونوو دەوروو مێڐانان؟؟؟؟
دلێ شاریەنە سبقەت گرتەی؟
وەروو مەدرەسانەنە نمایش دای ؟؟
بێ چراو جە تاریکیەنە لوای؟
کار نەکەردەی چراو ترمۆزی؟
لاستیکێ سوویای؟
نور باڵا لوای ؟
بە ماشینی پەڕ جە عەیبۆ خۆراینە؟
زاوڕۆڵە نیای باوشێمان پەشتەو فەرمانێنە؟
تەماشاو مۆبایلی کەردەی تاوو سۆرعەتیەنە؟ترافیک پاوه
دلێ وارانیەنە بەرف پاکۆن کارنەکەردەی؟
شیشێ پێسەوە رانندەگی کەردەی؟
سۆرعەتی غەیر مەجاز لوای؟
بێ ئێحترامی بە خەتەو عابری پیادەی ؟؟
بە پەلە خۆڕاینە؟
بە شەکەتی و وەرماڵۆسی خۆڕاینە؟
بە مەسی و نەشەیی رانندەگی کەردەی؟
لەجبازی کەردەی؟
ململان کەردەی پەی زووتەر لوای و ترافیک وەش کەردەی؟؟

کارما نیەن کەمەر بەندێوە نەوینیش مۆهێم نیەن پەی ئەمن، پەی وێت خراوەن وەلێ ئانێ سەرۆ واتێم ئەنجام نەڐریان یانی بە گیانوو تەرەفی مۆقابلێ بێ ئەرزش دیای و گەمە کەردەی، خەتەروو ئێسترس وەش کەردەی پەی خەڵکی و پەی جادەی عمومی و بێ نەزمی ، بەڵام نە بە چەم مەوینیش نە ختوور مەکەرۆ زەێنەتەرە کە ئی کارەتە پەی سڵامەتی دیگەرانی خەتەرەن وو جە ئەرازڵ ئۆباشێوە چەقۆ کەشوو دلێ بازاریچ پیستەرە وو قیزەونتەرەن.

ماشینێما خراوێنێ و بێ کەیفیەت؟ جادێ خراوێنێ؟ وێما ناشینمێ؟ خراو فێرێ رانندگیما مەکەرانێ؟ خەتاو مامورێ راهنمایی رانندەگینێ کە وەختوو ئێمتحانی شل مەگێرانێ؟

یان جە بنەڕەتۆ قانونو راهنمایی ڕانندگیما ئسووڵی نیەن وو ئسووڵی فێرێما نمەکەرانێ؟ یان ئێدارەو ڕایەن تابڵوی دلێ جادەیش بە ڕۆ نیەنێ؟؟؟

بەلێ درووس حەدسڐ دا بە دەرەجەی ئەوەڵ ئسووڵێ فێرێما نمەکەرانێ، ٨۰ دەرسەڐێ تەسادفاتی خەتاو هەر ئسووڵێ فێر نەویەیمانەنە مۆشکڵەو ئێمە نا دلێ فێر بیەینە و خەتای بە دەرەجە ئەوەڵە پەی ئسووڵی فێر نەویەی بەشوو ئێدارەو ڕاهنمایی ڕانندەگیەن کە قاتڵێ جادەی تەحوێڵ مەڐانێ نەک رانندێوە نەرموو نیان وو پابەند بە قانونوو جادەی یانی کەسێوە وەختێ گواهینامش گرت چون ئسووڵی فێر نەویەن ناشییوەن کەوتەن دلێ جادەی پەی گیانوو خەڵکی بە قەستوو کۆشتەی جا ئیسە کە ناشییوە خەتەرناک کەوتەن دلێ جادەی تازە تابلوێش پەی مەکوانێرە بە تابڵۆی قانونەکێش پەنە مواچان ئاڐییچ جە تاوو ڕاینە.

۱ دەرسەڐیچ بنیەیمێرە پەی جادەی خراوی و کەیفیەتوو ماشینەکانمان بەقیەو چیوانێ تەری.نە خەتاو کەیفیەتوو ماشینەکانمانەنە نە خەتاو جادەی خراویمان ، مەتاومێ بواچمێ ئێدارە ڕایچ ۱۹ دەرسەڐێ مۆقەسێرەن بە وەختوو بە یاگێ تابڵۆ گۆزاری و خەتکەشی جادەیش نیەن وو فرە فرە زەعیفەن چ جە شەوێنە چ جە ڕۆنە .

 

جا ئیسە ڕەنگەن سۆالە بۆ پەیتان ئسووڵی فێر بیەی یانی چێش؟؟وەرزیفەو کێن ئسووڵی قەبووڵت کەرۆ گەواهینامە گێری؟؟؟ ئسووڵی فێر بیەی یانی نە ئینە تۆ ڕانندەگی کەری ماشین بەری ڕانە دەسوو فەرمانت عال بۆ، نیم کەڵاجت عەیبش نەو ،جە فەنی ماشینی سەرە بەر باوری،ئسووڵی فێر بیەی یانی وەختێ ئێمتێحان مەڐەی پەی گەواهینامەی ئەگەر تۆ رانندەگیت جە شووماخری خاستەر بۆ، جە حەینوو ئێمتحانوو ڕانندەگیەنە وردیتەرین خەتات کەردە پێسە ئی موارێدانە :

ڕاهنمات نەڐا ،وەختوو حەرەکەتی خاس تەماشات نەکەرد و مۆتمەئێن نەویەی کە ماشین نمەی و پڕای دلێ جادەی،فاسڵەت رەعایەت نەکەرد،سۆرعەت لوای ، یاگێ نا باوەنە مدرای ، ئاینەت تەماشا نەکەرد ،بەقانوونوو دەوروو مێڐانی ئێحترامت نەگرت، حەقێ تەقەدۆمەنە نەمدرای ، خەتەر ڕاننەگیت کەرد ، فەرعی پەی ئەسڵی تەوەقۆفی

کامڵت نەکەرد دماوە تەماشا کەری تا جادە چۆڵ نەو نەلی، حەتمەن پەی یەک سانیەیچ بەینوو خەتانەرە نەلوای ، پارک دەبلی ڕێک نەلوای ، وەختوو پارک کەردەی بەینوو خەتانەرە ڕێک نەمدری نەوی بەینوو هەر دووە خەتەکانەرە ، بە نەرموو نیانی رانندەگیت نەکەرد ، کەمەر بەنەت نەوینا ، دلێ شاریەنە بە سۆرعەتی قانوونی نەلوای، سبقەتت نەگرت ، تەحمۆلوو مدرایت نەوی پەشتەو ماشینی وەروو دەمیتەنە یەواش مەلۆ ، دندەت خراو واڕا ، ماشینت کۆشناوە، تەوەقۆف مەمنوعەنە مدرای ، سەروو خەتەو عابر پیاەیوە نەمدرای بە ئێحتراموو عابری ، وەروو پلەکانێ عمومینە مدرای ، وەروو گاراجەو خەڵکیەنە مدرای ، ماشینت ساق وو سلامەت و بێ عەیب نەوی ،
دندە عەقەبت خاس نەوی ، جە دوورۆ تەشخیسوو خەتەریت دا و یەواشت نەکەردۆ ، تەوەجۆ بە تابڵو جادەیت خاس نەوی ، دەسوو وێتەرە نەلوای ، نورباڵا رانندەگی کەری ، نەزانات چەنی ئاوەو شیشە پاک کەری پەڕ کەری ، نەزانی رووەن ترمۆزوو و رووەن مۆتری چەنی چک کەری ، غەیروو ئانەیە و ئینیشانە واتێم ئەنجام بڐەی وەزیفەو سەرهەنگێوەن جە تۆ ئێمتحان مەگێرۆ مەشیۆ قەبووڵت نەکەرۆ ، ئەگەر هەزار جارێچ مەردوود بیوە.

وەختێ گرد قانونێ فێر بیەی و ئێجرات کەردێ وەختوو ئێمتحانی، ئانە یانی تۆ ئسووڵی فێر بیەنی جا ئی حەرەکەتێ ئەنجام دایشانوو ئێمتحان گرتەیشان نیم سەعات تا۴۵ دەیەقێ وەختوو ڕانندەگیش لازمەن نەک دەگەل ماشینت نەکۆشناوە مواچان قەبۆڵ .

ئینە یانی خیانەت بە گیانوو خەڵکی نا ئسووڵی فێر بیەی و نەتیجەیج ئاماروو تەسادفانوو هۆراماناتیەنوو ئێرانی ،کە وێش گەواهو شاهیڐوو نا ئسووڵی فێر بیەیەن .

ئەر ئا مەوارێدێ بە وردی ئێجرا نەکریای و غەیروو ئانەیە کەری و قەبووڵ بی، تۆ ناشیانە قەبۆڵ بیەنی و پەی جادەی خەتەرناکەنی.

ئا کەسیچە تۆ قەبووڵ مەکەرۆ شەریکوو قەتڵوو جۆرمێوەن کە خوڐانەخاسە جە ئایندەنە مەقۆمنیش.

جا وەختێوە بە سەختی قەبووڵ بیەی حەتمەن ڕانندەگیت جدیەن و فرە کەمتەر خەتا مەکەری تا کەسێوە گۆترەو هەڕەمە بە شێوەی فعلی قەبووڵ مەکریۆ.

4 پاسخ برای “فەرهەنگوو رانندەگیمان چکۆوە مەلەقۆ پچی تەقیاو و تەڵەفاتما فرەن؟ /سامان بابایی

  • نازنین در تاریخ خرداد 1, 1397 گفت:

    بسیار زیبا
    ده س وه ش

  • هۆرامی در تاریخ خرداد 1, 1397 گفت:

    مه دنیه ت زه مانش گه ڕه کا،ئاموزشش ڵازما،پیه ی ژیرێش گه ره کێنێ ئی مه ده نیه ته یه وزا یاگێ،ئی چێوێ هنێ ئه ێمه نیه نێ وده سکارۆ وه ڵاته ده سه ڵات داره کان،شمه گه ڕه کتانه به چن سالێ ئی هه ڕمانێ یاگێ گنا،ئه پاسه کوشیه یمی په ی ئه ۆ دۆنیای ومه غزما په را جه چیوانێۆ که مه عنی شا مه زانێمێ وکه ڕده وه ما نیا،مشیۆ په هه ڕمانۆ دۆنیه یچ به ڕنامه و ره وێش مابۆ……

  • مهسا در تاریخ اردیبهشت 31, 1397 گفت:

    حالا اگه فارسی مینوشتید چی میشد؟ من که خودم هورامی هستم و یک کلمشو متوجه نشدن..چه اصراریه..

    • ناشناس در تاریخ اردیبهشت 31, 1397 گفت:

      اصرار اینه که امثال شما هورامی نوشتن یاد بگیرن. اینو دیگه متوجه شدید؟ فارسی نوشتم

پاسخ دادن به نازنین لغو پاسخ