پ 09 فروردین 1403 ساعت 17:31

” شێرکەتی…”/فەیرۆز  فەرەجی

” شێرکەتی…”/فەیرۆز  فەرەجی

پایگاه خبری تحلیلی سلام پاوه:وەختێو زرێ ساکەکەو تاتەیش ترازنێ، بوەو دووری لووتەش سۆڵنێوە.پەڕ جە غەریبی و هاڵی جە ئاشنایی.بانتلێروو بانێ وەخت بێ دێق کەرۆ پەی ماچێو چیروو پایاش بۆ دیاروو زارۆڵەی.تکەکێ بێخوو دارا وەقرەشا بڕیابێ تا بەیوە.بە نەبیەیش خەمێ چیروو پەتووی ئەینێوە سەروو سفرەی.   وەختوو مەرەخەسی، وەشی و تشی پێوەرە شیفت واڕێنێ.وەربەرە تاموو نوقڵا […]

پایگاه خبری تحلیلی سلام پاوه:وەختێو زرێ ساکەکەو تاتەیش ترازنێ، بوەو دووری لووتەش سۆڵنێوە.پەڕ جە غەریبی و هاڵی جە ئاشنایی.بانتلێروو بانێ وەخت بێ دێق کەرۆ پەی ماچێو چیروو پایاش بۆ دیاروو زارۆڵەی.تکەکێ بێخوو دارا وەقرەشا بڕیابێ تا بەیوە.بە نەبیەیش خەمێ چیروو پەتووی ئەینێوە سەروو سفرەی.

 

وەختوو مەرەخەسی، وەشی و تشی پێوەرە شیفت واڕێنێ.وەربەرە تاموو نوقڵا دێ.شەوە پەلەش بێ تا ڕۆ بۆوە و چەمش گنۆ میاچەمایش.عانێو ئەد٘ا و تاتە لاشیپانوو بەرەیەنە ملاقات کەرێنێ زەردەخوەو شەرمینوو سەروو لچاو ئەد٘ای چەنی خەفەتوو سەروو برەکاش نەگنێنێ یۆ.

 

خەفەت، کانتینوو دڵیەنە پێسەو قەزانەو سەروو ئارگای قوڵێ دێ.وەختارێ ئەیوە و ڕواڵەتش ڕوەو پیری لوا بێ، تراشەو دڵیش گنێ ئینفێجار.چا ڕوەو مەرەخەسیش تەمامیێ و ساک کەرێنە شانە ناقش گیریێ و چەمێو وزی پەی ئەد٘ای و یۆیچ پەی زارۆڵەکا، یانی ئانا ئەسپاریم بە تۆ.چی وەختانە پەنگاوو تاسەی قای کەرێوە و هەرسێ چەما سەرڕێز کەرێنێ.

 

هەر پا شێوازە جە کۆڵان و گەڕەکەنە خود٘ا حافیزی کەرێ.ساتێ خودا حافێزی مەزا چی دێر بڕیاوە؟ قرتینێ سەعاتێ سینی کەرا و جم مەوەرا.چی ساتەنە حەکایەتوو خەما بە دیای چەما و لەرزانەو لچا و پڕمەو گرەوەی، هارموونی دڵتەنگی و پانتومیموو غەریبیەنێ.جا شۆنی ئی نمایشیەرە بچینگوو خەفەتی دلێ دڵوو ئەد٘ایەنە قاڵب بەند٘ی کریێ و بتوونەو ورکەی مجیێنە یانە و چەمەڕایی ڕێخێ ئازێرە.

 

ئەد٘ای کزۆڵە تا ئیجارەو مشیایا بە لەتەرێ هەر خەمێش ڕێسایانێ و گجی تاسەیش بە تان و پۆ غەریبی کەردایانە.زاڕۆڵێ پێسەو گوڵی بێ پەرچینی سیس و لارەملێ بێنێ و ئاواتە وەشڵەکێشا دلێ ترەکا دەسا تاتەیشانە شاریێنێوە.بارێ قۆرسێ یانەنە گنینێرە.خاتوونەو یانەی گرد وێرەگانێو چەمێ ناحەزا بەر و بانەنە گزی دێ.

 

 تلەینوو دووری ڕۆبەڕۆ درێژە بێ و نەبڕێوە.چا دما ئەد٘ا مەنێوە یانەو خەما و هەرسێ چەما.حەزکەرێنێ نە تەنیا تاتەم بەڵکووم دنیا فنیش بۆ!ئاخ شێرکەتی …!!

 

نویسەر : فەیرۆز  فەرەجی

14 پاسخ برای “” شێرکەتی…”/فەیرۆز  فەرەجی

  • فەیرۆز فەرەجی در تاریخ اردیبهشت 22, 1397 گفت:

    سڵاو و ڕێزی تایبەت بۆ جەنابتان، کاکە قەرەمانی بەڕێز!

    سپاس بۆ هەستی جوانتان.
    ئەم نویسینە کەمتەرین خەڵاتی کرێکارانی زەحمەتکێشە کە بە داخەوە نادیار و وان لە پەراوێزا.

    منیچ خۆم بە بەختەوەر ئەزانم ڕۆڵە و بەرهەمی کرێکارێکی ماندوو نەناس بووگم.

  • فەیرۆز فەرەجی در تاریخ اردیبهشت 22, 1397 گفت:

    کاک مۆختار گیان سڵام و حورمەتی تایبەت پەی شمەی ئازیزی. ئی دوە کەلیمە بە پاو زەحمەت و گەوەریی هەرمانبەرا وردیتەرین چێوا و پێسەو گەڵایوی سەوزی کە سەوقاتوو دەروێشیا پێشکەششا بۆ. ئینە کە نویسەکەو منتا وانانەو مایەو فەخری و شانازیا. دەست وەش و ژیوایت گەش.

  • فیروز فرجی در تاریخ اردیبهشت 22, 1397 گفت:

    از بزرگواران با اسامی پاوە و ناشناس بابت خواندن متن و اظهار لطفشان سپاسگزارم

  • قارەمان کەریمی در تاریخ اردیبهشت 15, 1397 گفت:

    خوێندنی ئەم کورتەنوسینە گەڕاندمیەوە بۆ ساڵانێکە نەک ئەوەندە دور
    بە ڕاستی دەست خۆش کاک فەیرۆزی ئازیز
    پڕپڕ و لێوانلێو بو لە نۆستالۆژی و تاسه
    قەڵەمت ڕەنگین
    باشترین دیاری بو بۆ ڕۆژی جیهانی کرێکار
    ….

  • داریوش در تاریخ اردیبهشت 14, 1397 گفت:

    مثل همیشه عالی بود دست مریزاد

    • ناشناس در تاریخ اردیبهشت 22, 1397 گفت:

      سلام و عرض ارادت خدمت شما دوست بزرگوار کاک داریوش عزیز!

  • پاوه در تاریخ اردیبهشت 14, 1397 گفت:

    نوشته های اقای فرجی همیشه گیرا و خواندنی هستند
    دست مریزاد

  • هیمن در تاریخ اردیبهشت 13, 1397 گفت:

    فره وه ش بی آقای فرجی عزیز ده س وه ش

    • فیروز فرجی در تاریخ اردیبهشت 22, 1397 گفت:

      دەس وەشی فره و فراوان پەی شمەی ئازیزی، کاک هێمنی وەشەسیا

  • لقمان فتحی در تاریخ اردیبهشت 13, 1397 گفت:

    واقعا قشنگ بود …مثل همیشه تاثیر گذار

    • فیروز فرجی در تاریخ اردیبهشت 22, 1397 گفت:

      با سپاس و تشکر فراوان از اظهار لطف و محبت شما دوست عزیز

  • ناشناس در تاریخ اردیبهشت 13, 1397 گفت:

    ده س وه ش حه ر فره وه ش به

  • موختار در تاریخ اردیبهشت 13, 1397 گفت:

    ئاخ شێرکەتی.هەزار جارێ دەست وەش بۆ و خامەت ڕەنگین بۆ ئاغەی فەرەجی.

  • پاوه در تاریخ اردیبهشت 12, 1397 گفت:

    آقای فرجی همیشه نوشته های عالی داشته اند..بسیار زیبا

پاسخ دادن به قارەمان کەریمی لغو پاسخ