3 Comments

  1. 3

    هورامی

    چرا در اقلیم شمال عراق کودکان هورامی حق آموزش به زبان مادری ندارند؟
    ایران هم مثل کردستان عراق

    پاسخ دادن
  2. 2

    ناشناس

    *. بە پەیلۋاو من گرڎ زۋانېۋ شاییستەو ستاییش و ڕێز و خزمەتکەردەیا، ھەر پاسە زۋانی ئەڎایی منېچ، کە زۋانی ھۆرامی’ن.

    مەبەسو من ئانەن، کە فېرگاکانە زاڕۊڵۍ ئېمە بە وەنەی و نۋیستەی سۆرانی و فارسی و عەرەبی ناچارکریا، چاپخانەکۍ پەرتووکۍ ھۆرامېۍ چاپنمەکەرا، میدیانە زۋانی ھۆرامی ئېڼەو تورکمانی و سریانی بوارش نەڎریان، بە پاو یاساو عیراقی فێدراڵی گرڎ ئێتنیېۋ مافو وەنەی زۋانی وېش ھەنش، بەڵام ئا مافە چە ئېمە زۆتکریان، کەچی خەریکا چە لایەنو ھۆرامی-زۋانەکاۋە، ئی فەرھەنگە ئینتەرنێتییەش بە زۋانی ئەڎایی ئېمە (زۋانی ھۆرامی) ڕەۋا نمەۋېنیۊ و ئاڎېچ بە سۆرانی کریۊ.

    ئیتر بە ھیچ جۊرېۋ، ھۆڵدای چامنە شیاۋو سازشکەردەی نیا و مشیۊ چی ساتۆ خاڵکو کۆتایی سەرو ئا ھۆڵا بنریۊرە و گرڎ کەس، گرڎ بەشدارېۋ بیاۋۊنە، کە ئی فەرھەنگە (فەرھەنگی ئینتەرنێتی ھۆرامی بە ھۆرامی)ن و تەنیا واژۍ ھۆرامییە پەیش ھەن، دلۍ فەرھەنگی ھۆرامی بە ھۆرامی’نە تۊمارەکریۊ و شیکەردەیش پەی کریۊ!

    سەرپەرشتیکەرە ئازیزەکا (فەرھەنگی ئینتەرنێتی ھۆرامی-ھۆرامی)، ئومیدوارەنا ھەر کەس واژۍ ناھۆرامی’یەش تۊمارەکەردە، نەپەسیندېش و بسەڕدېشۆ، ئا واژە ناھۆرامییاچە بسەڕدېۋە، کە ۋەڵتەر تۊمارېکریێنۍ، چونکە ئی فەرھەنگە (فەرھەنگی ھۆرامی بە ھۆرامی)ن، واتا تەنیا واژۍ ھۆرامییە و ھامواتاکېش بوار و مۊڵەتو تۊمارکریای و کەردەیش ھەن، نموونە :

    #خاۋ = #خام ، #خېرا = #پەلە ، #نانەشانە ؟ ، # تەڕیانە ؟ ، #ئەڎا ؟ ،#ئەڎالۍ ؟ ،#تاتە ؟ ،#تاڵەلە ؟ ،#واڵۍ ؟ ، #واڵەلۍ ؟ ، #کاکە ؟ ،#کاکەلە ؟

    #مەتیە : ؟ ، #مەتېلۍ : ؟

    ئومیوارەنا ھیچ کەس بە ھیچ جۊرېۋ لەیەکۆدای بېبنەما پەی ئی پەیلۋایە نەکەرۊ، چونکە من ئا قسۍ بە بنەما گېروو، کە ماچۊ
    ” کە پەیلۋاو تۊ جیاۋاز بۍ، سەرەتا نادیدە گیریەی، کە زاناشا بەردەۋامەنۍ و کۊڵنمەڎەی، بە تۊ گاڵتەکەرا، دیسان کە زاناشا تۊ سەرو پەیلۋاکەو وېت مزېڕەنی، ئیجا دژایەتی تۊ کەرا و پەی دلېنەبەردەی و زېنانېکەردەو تۊ پېلانەگېڵڼا ”

    یەکەم جار، کە ساڵۊ ٢٠١۵ ئی فەرھەنگە [پېسەو درېژەو فەرھەنگی ئینتەرنێتی ھۆرامی- ھۆرامی ٢٠١٠-٢٠١٢ ، ئێنسیکلۆپێدیای ھۆرامی ٢٠١٢-٢٠١٣] چە فەیسبووکەنە بەرکۆت، نادیدەگیریا، پېرار و پار پەی گاڵەپنەکەردەی کۊششکریا، ئیسەیچ پەی ئەرەگېرتەی و لادایش کۊششکریۊ و کەمۍ نیەنۍ کوڕەکۍ پارتییایەتی [حزبایەتی] و دەسەڵاتی، کە دژایەتی ھەر پڕۆژېۋی ئازاڎی کەرا و ھەرمانەشا ئانېنە چە تۊرە کۊمەڵایەتییەکانە خەڵکی شەلاقکاریکەرا …

    ھەر پەی ئاگاداری بەشدارا (فەرھەنگی ئینتەرنێتی ھۆرامی-ھۆرامی) و ھەر پاسە بەکاربەرا فەیسبووکی؛ ڕېکۆتو ١٧و جێنیوەری ٢٠١٨ واتا ٢٧و ئارگاو ١٣٩۶ چە تۊڕۍ کۊمەڵایەتیېۊ تێلەگرام’یەنە، دماو ئانەی کە دیکتاتۆرۍ گرووپەکا تەری من و چڼ کەسېۋی تەرشا سەرو ئانەی کە ئېمە چە نۋیستەیەن پېتە ھۆرامییەکا بەکاربەرېنمۍ، ئېمەشا بەرکەردېمۍ و منیچ گرووپېۋەم بەنامۊ (ڕازۋان و ڕانۋیسو زۋانی ھۆرامی) کەردۆ، تاکو چاگەنە ھەر ھۆرامی-زۋانېۋ ئازاڎانە بە دیالێکت یان بنە-دیالێکتو وېش بنۋیسۊ و چە ئا ڕاۋە، قسەکەرۍ دیاڵێکتە ھۆرامییەکا چە شەبەک و یارسان و باجەلان تاکو ھۆرامان و مازیندەرانو ئێرانی و کوێتەو پاکستانی، کۊبېمېۋە و بە دیالێکتۍ و بنە-دیالێکتا یەکتری ئاشنێبیمۍ و ئازاڎانە و بەبۍ سەرپەرشتیکەردەی کەسە ئەتوار دیکتاتۆرەکا و دوور چە ھۆڵ و پلانی ڕامیاریی و ئایدیۆلۆجیی و پارتیی [حزبی]، خەریکو خزمەتکەردەی زۋانی ئەڎایی وېما بیمۍ. سەرەتا گرووپەکۍ تایبەتە (Telegram Private group) بۍ، تاکو ھیزی کە فاڕاما پەی گرووپۍ ئاشکرێ و گرڎینۍ (Telegram public group)، کەچی یەکسەر دماو چن ساتېۋی چە ئێران و لایەنو دەسەڵاتدارا ئێرانیۆ گرووپەکۍ بلۆککریا و واڵە و برا ھۆرامی-زۋانەکېما چە ئێران توانا و مافو نۋیستەی و بەشداری گرووپەکېشا نەمەن.

    ھەڵبەتە ئانە ئاشکران، کە ھەر چە لایەنو ھۆرامی-زۋاناۋە گرووپەکۍ (گرووپۊ ڕازۋان و ڕانۋیسو زۋانی ھۆرامی)** ڕێپۆرتکریا، ھەر پاسە کە فرە جارۍ ھەر چە لایەنو خودو ھۆرامی-زۋاناۋە بە ئی فەرھەنگە ھۆرامییە (فەرھەنگی ئینتەرنێتی ھۆرامی-ھۆرامی) گاڵتەکریان، ھۆڵو تېکدایش دریان.

    ھەزاران دروودۍ پەی ۋەڵینا، کە ۋاتەنشا “ئەر چۊ پوازش چە وېش نەبۊ، نمەقڵېشیۊ ” **

    ئاکۊ مارانی
    سەرپەرشتیارو فەرھەنگی ئینتەرنێتی ھۆرامی- ھۆرامی

    ٧و فێبریوەری ٢٠١٨ پېڎایی
    ١٨و ڕابەڼانو ١٣٩۶ ڕۊجیاری

    ——————————
    * میانو قسەکەردەی یارسانەکا کەرکووکی و قسەکەردەی خەڵکو پاۋەی نزیکایەتیېۋی فرە ھەن

    پار داوازیېۋم پەی بەشۊ سەرپەرشتیاری فەیسبووکی کیاست، کە مۊڵەتو ھۊرگېڵنای زۋانو فەیسبووکی پەی ھۆرامی بە من بڎا، بەڵام بەداخۆ ئاڎېچۍ بەرەکەشا چەمېمارە کېشت!

    * گۊرانی : خانەوادەی زۋانین، نەک یەک دیالێکت یان یەک زۋان، نە گۊرانستان’ېۋ ھەن و نە گۊرامان’ېۋ، ھەر پاسە کە (ماچۊستان) و (ماچۊمان) بیەیش نیا.

    پاسخ دادن
  3. 1

    یانەو سیاچەمانەی(حەڵەبجە)

    ‍ ڕوٙ جەهانی زوانی ئەڎایی پیٛروٙز بوٙ ۲۱/۲

    ئازیزا بەشدارا یادەوەری ڕوٙجەهانی زوانی ئەڎایی ، خیٛربەیدیٛ ، یاگیٛ وەشحاڵیمانە ئاروٙ ئیٛمەی هەورامی یادو زوانەکەیما کەرمیٛوە، زوانو ویٛم گیانو ویٛما ، گیانو ویٛم زوانو ویٛما
    ڕوٙ جەهانی زوانی ئەڎایی پەی یەکەم جاری ساڵەو ۱۹۹۹ ی جە لاو یونسکۆی ” ڕیٛکوزیاو ڕوٙشنویری و پەروەوردەی و زانیاری ” کریا بە ڕوێ جەهانی ، شوٙنەو ئانەیرە نەتەوەیوٙگرتەکا ساڵە و ۲۰۰۸ی ئەشناسا و نیاشارە بە ساڵەو زوانەکا ، پەی پاڵپەشتی و هوٙشیاری و ڕوٙشنویری و پاریٛزنای زوانی .
    ساڵەو ۲۰۰۰ یوە ، ئاهەنگو چالاکی ملوٙ ڕاوە پەی گەورەگیٛرتەی ئی ڕوٙیەو پاڵپەشتی ئاشتی و فرە زوانی .
    دماو ئانەی مسیاریٛ زانکوٙ پزیشکی دەکای ساڵەو ۱۹۵۲ داواشاکەردیٛ بیٛ بە زوانی بەنگالی ویٛشا بوانا ، وەرپەرنگشا کەردیٛ و پەنج مسیاریٛشا چەنە کوشتیٛ ، ئاوەختە بەنگلادش چیٛردەسو پاکستانی بیٛ و زوانی سەردەس ” ئوردو ” ی پاکستانی بیٛ ، وەلێ بەنگالیەکیٛ داواو وانای بە زوانو ویٛشا کەریٛنیٛ ، دماو ئازدی بەنگلادیشی چیٛردەسو پاکستانینە ، دواشا کەرد نەتەوە یوٙگرتەکا هەکە ئی ڕوٙیە کەرا بە ڕوێ جەهانی پەی پاریٛزنای و گەشەدای بە زوانەکا سەرزەمینی ، کوٙشای سەرەمڕە بی تا یونسکۆی و نەتوەیوٙگرتەکا ئەژناسا .
    ئاروٙ ڕوٙ ئاهەنگ و یادەوری زوانین ڕوٙ پاڵپەشتی فرە زوانین ، ڕوٙ کوٙشایا پەی ویرۆ ئاردەی ڕوٙڵو زوانی جە فاڕایەو زانیاری و خزمەت کەردەی ئانزانیەتی ، ڕوٙ بەرجەستە کەردەو مافە زوانیەکان.
    ئیٛمەی هەورامی زوانەکەما ئینا ڕیزو ئا زوانانە هەکە هەڕەشیٛ فوٙتیاشا ئینا سەرەو، وەروئانەی ئەرکو سەرو شانەیمانە پاریٛزنمیٛش ، هەوڵو تەقەلا دەیمیٛ تا چینەی زیاتەر نەفوٙتیوٙ ، قسەکەردەی و وانای و نویستەی ، ئاهەنگو کوٙنیشتی زانستی چنڎ ڕاێوەنیٛ پەی پاریٛزنای زوانی ، وەرروئانەی داوا کەرمیٛ هەورامیەکا :
    • بە زوانو ویٛشا قسیٛ بکەرا و تابلوٙ و نویستەی سەرو یاگیٛ هەرمانیٛشاوە هەورامی بوٙ
    • داوا کەرمیٛ جە لایە پەیوەنی دارەکا حکومەتی چینەی زیاتەر داواکاریەکاو میللەتو هەورامانی نەوزا پەشتەو گوٙشا :
    ۱- با وانگاکاو هەورامانینە بە زوانی ئەڎایی وانیوٙ .
    ۲- ئەرکو حکومەتیا گلیٛرگایوە هەورامی پەی هوٙروشکنای بکەروٙوە .

    یانەو سیاوچەمانەی ۲۱/۱/۲۰۱۸

    پاسخ دادن

نظر دادن

نشانی ایمیل شما منتشر نخواهد شد.