ئه‌شق جه‌ وینگاو عێرفانیه‌و/ ئیبراهیم شه‌مس قالب وردپرسدانلود رایگان قالب وردپرسپوسته خبری ایرانیقالب مجله خبریطراحی سایتپوسته وردپرسکلکسیون طراحی
شما اینجا هستید
اخبار » ئه‌شق جه‌ وینگاو عێرفانیه‌و/ ئیبراهیم شه‌مس

پایگاه خبری تحلیلی سلام پاوه:ه‌شق گه‌وره‌ته‌رین کاره‌ساتێوا که‌ جه‌ دنیاو عێرفانیه‌نه‌ نامێش بریۆ.ئه‌شق یا مه‌حه‌به‌ت و وه‌شه‌ویسی یۆ جه‌ ده‌ مه‌قاموو ته‌سه‌وفیا که‌ جه‌ شێعره‌و شاعێره‌کانه‌ و کتیبه‌ عێرفانیه‌کانه‌ فره‌ گنۆ وه‌روو چه‌می‌.ئه‌شق مه‌رته‌بێ فرێش هه‌نێ که‌ چێگه‌نه‌ مه‌جاڵوو قسه‌که‌ردٚه‌ی سه‌روو مه‌رته‌به‌کا نیا به‌ڵام ئا چێوه‌ که‌ ئێمه‌ فره‌ جه‌ باره‌و ئه‌شقیه‌وه‌ مژنه‌ومێش ئه‌شقی مه‌جازی و ئه‌شقی حه‌قیقیا.هه‌ر ئێنسانێو که‌ جه‌ سه‌ره‌شه‌نه‌ مه‌ژگ و جه‌ سینه‌شه‌نه‌ زێڵێوه‌ بیه،‌

 

حه‌تمت بۆ ڕوێو گیر واردٚه‌و ئه‌شقی بیه‌ن. وه‌ ئا که‌سیچه‌ جه‌ ژیوایشه‌نه‌ هیچ وه‌ختێو ئێمتێحانوو ئه‌شقیش نه‌که‌ردٚه‌ن شکه‌ت نه‌بۆ چنه‌ ئا که‌سه‌ بۆوێو جه‌ ئێسان بێه‌یش نه‌به‌ردٚه‌ن‌.ئاشق دلێ ڕاویاردٚه‌و ئه‌شقیه‌نه‌ به‌ یاگێوه‌ میاڤۆ گردٚوو ئاچێویه‌ جه‌ گیان و دڵشه‌نه‌ وه‌شه‌ویسی ئێنسانی چنی ئێنسانیا،فاڕیو به‌ وه‌شه‌ویسی و ئه‌شق به‌ خودٚای وه‌شکه‌روو عاڵه‌می.

 

جه‌ کتیبوو «فیه ما فیه» مه‌ولانایه‌نه‌ حه‌که‌یتێوه‌ ئامه‌ینه‌:به‌ مه‌جنوونی واتشا زه‌ریفته‌ر جه‌ له‌یلێ هه‌نێ با‌ بارمێ په‌یت واتش شمه‌ حاڵیتا نیا خۆ من  له‌یلێم ئه‌پی (ڕوه‌)سووره‌ته‌ گه‌ره‌که ‌نیه‌نه‌ لیه‌لێ ڕوه‌ نیه‌نه‌ له‌یلێ به‌ ده‌سوو منه‌وه‌ پێسه‌نه‌ جامڵێوی ‌من ئه‌چا جامڵه‌نه‌ شه‌راب مه‌روو  په‌س من عاشقوو ئا شه‌رابیه‌نا که‌ چنه‌ش موه‌روو به‌ڵام شمه‌ هۆشتا ئینا لاو جامڵه‌که‌یه‌وه‌ و‌ جه‌ تاموو شه‌رابه‌که‌ی بێ خه‌به‌رێندێ.

 

ئه‌گه‌ر من جامڵێوی تڵاینم بۆ؛ به‌ڵام دلێش په‌ڕ کریابۆ‌ سرکه،ده‌ر‌ذه‌و من مه‌وه‌رۆ.‌ئا شه‌رابه،‌ فه‌قه‌ت به‌ ئه‌شته‌هاوه‌ پیویۆ.ئیسه‌ تۆ شه‌وق و ئه‌شته‌ها به‌ده‌س باره‌؛ڕواڵه‌ت وین مه‌به‌ و هه‌ر یاگێۆ بدٚیه‌ی، هه‌ر کۆگه‌ ته‌ماشا که‌ری،مه‌عشووقی وینی. ڕوه‌و ئی خه‌ڵکیچه‌ پێسه‌نه‌ ئی جامڵا و عێلم و زانایی نه‌قش و نگاروو جامڵاکه‌یه‌نێ وه‌ختێو که‌ ئا جامڵه‌ مه‌ڕیۆ، نه‌قشه‌کێ نمه‌مه‌نا. په‌س ئه‌سڵ ئا شه‌رابه‌نه‌ که‌ ئینا جه‌ قاڵبوو جامڵه‌که‌یه‌نه!‌ هه‌رکه‌س ئا شه‌رابیه‌ موه‌رۆ وینۆ که‌ «الباقیات الصالحات».

هه‌ر که‌س ده‌روونش جه‌ ئه‌شق خالییه‌ن

کانگاو دێویه‌ن ئانه‌ ،دڵ نیه‌ن

……………..

قه‌لی بێ خه‌به‌ر تۆ مه‌رده‌یت خاسه‌ن

چوون بۆڵبۆڵ جه‌ گۆڵ ناخافڵ نیه‌ن

 ………………..

سڵ که‌ردٚه‌ن بێ دڵ جه‌ ئاسانه‌ی ئه‌شق ‌

جه‌ ڕای دۆسی وێش هیچ مه‌نزڵ نیه‌ن

………………….

ده‌روونی بێ ئه‌شق چه‌می بێ نووره‌ن

جه‌ چه‌می بێ نوور ، نوور حاسڵ نیه‌ن

 ………………..

ئەشق وارانوو خەزانەو ژیواین

بێ ئەشق دەنگێوه جە بولبول نیەن

 ………………

ئەر  نه‌بۆش هەستێو شکۆفەو داری

شێتە بوڵبوڵش جە سەرچڵ نیەن

 …………………..

ئەشق خۆلاسەو گردوو ژیوایه‌ن

بە ئه‌شق ژیوای بێ مۆشکل نیەن

 …………..

جە مەجاز یاوای  بە حەقیقەتی

چی ڕانە شاهی یا سائڵ نیەن

 ………………

دلێو بۆ یانەو ئەشق و وەشەسیای

ژیوای تا ئەبد بی حاسڵ نیەن 

 ………………

هه‌ر که‌س مه‌جنوون بۆ ئه‌چی مامه‌ڵه‌

(شه‌مس) نه‌واچی ئادٚ عاقڵ نیه‌ن

کانال تلگرام سایت خبری سلام پاوه

شما هم می توانید دیدگاه خود را ثبت کنید

کامل کردن گزینه های ستاره دار (*) الزامی است -
آدرس پست الکترونیکی شما محفوظ بوده و نمایش داده نخواهد شد -

پایگاه خبری ،تحلیلی سلام پاوه |