پایگاه خبری تحلیلی سلام پاوه:سۆبەکە چێروو چەپۆکاو سەرداینە نووکەش نەیوە جبەر و هارەقوو خەجاڵەتیش ڕچیا بێ و تەنیا تکێو بانی کە ئەینێنە جامڵە ڕۆحینەکا بێدەنگی جەنێنێ.جامەد٘انەکەش پێچنابێش سەرەشنە، وقرەش پاگیرەی گێرتە بێ وچەمێش تەنیا چەمەکاو گەلاوێژێ وینێ کە وەروو دەلاقەینە باوشیش ئاردێ بێ خەمە ڕەقەکاشەو و تەماشەو چەرمایی پەلەهەرسا کەرێ وەختێ قووڵاییو سیاوی شەوێنە نۆقم بێ.

داش بینوو گیانیش،……-گەلاوێژ ڕۆڵە فەرەجیەکە و وەرێسەکێم دەم،ڕەفێقەکێم نازام جیای تەرسی دلێ چەماو گەلاوێژێنە مجیێرە و دەنگیش لرنێوە…-تاتە ئێشەو مەلە ڤەرڤە وارۆ، گۆڵیجێ ڕاش سەخڵەتەنە.

ناچارین چەموو تاتەیش ئی خەیاڵا کەرێ تینی و مجێشنە هەناسەکاش،چەنی زەنگۆڵاش وەرڤە بڕێ و پایش نە کڕۆڵیای ژناسێنێ و نە مانیای سەرکەوت گیان دا بزانە فرەما مەنەن؟لالۆ حەمە گیان منیچ هیچ مەوینوو بۆرانا،تاقەتت بۆ کوڕەکەم

کوڵەکەش قورس بێ بەڵام شانێش زووە بێ چەنی بارە قورسا دەس بە ملێ بێنێ،شانێش باری قورستەریچشا کەوتە بێ سەر؛وەختێ دوکترا وات ئەر لکەو سەرەو گەلاوێژێ عەمەڵ نەکریۆ،کۆرە بۆ…هەنگامەکێش تن تەرێش کەردێوە،ویروو گەلاوێژێ،دەنگوو تاتە تاتەیش لوایش پەی تاریف کەرێ و مانیای و سەختی بێ مانا بیەبێ.

هەو تاتە قوربانەو چەمە کاڵەکات…..ناڵێوە ئاما….چێش بی شاهۆ…؟؟؟؟!!!دەنگەکەش قڵیشەش بەسە،بیوە چەنە….و شانەکێش چێروو سەد٘ گەزا ڤەرڤێنە پەی هەمیشەی سەیێوە!

آمینە رحیمی(ژوان)