پ 09 فروردین 1403 ساعت 22:55

شیشەی تەرسناک…../شایێستە فەتحی

شیشەی تەرسناک…../شایێستە فەتحی

پایگاه خبری تحلیلی سلام پاوه:جار جار ئەو وێم پەرسوو چێش بی گردوو هەموو غەموو ئێمە بی ئانە وەختێو سۆحانەی هایما بۆوە ئایینەنە چەنیێنمێ؟چێش بی سەبەبوو ئانەیە ئێنسانێوە ئەو شیشێوە تەرسۆ؟چێش بۆ ئەگەر سۆحێو کە وەرمەنە هۆرزمێوە بە زەردەخەنێوی زەریف دلێ ئایینە کەینە بڐیەیمێ وێمارە و بە جیاو دیەو خاڵ و لەکە و سیاوی دەوروو چەماکاما […]

پایگاه خبری تحلیلی سلام پاوه:جار جار ئەو وێم پەرسوو چێش بی گردوو هەموو غەموو ئێمە بی ئانە وەختێو سۆحانەی هایما بۆوە ئایینەنە چەنیێنمێ؟چێش بی سەبەبوو ئانەیە ئێنسانێوە ئەو شیشێوە تەرسۆ؟چێش بۆ ئەگەر سۆحێو کە وەرمەنە هۆرزمێوە بە زەردەخەنێوی زەریف دلێ ئایینە کەینە بڐیەیمێ وێمارە و بە جیاو دیەو خاڵ و لەکە و سیاوی دەوروو چەماکاما و خەفەت واردەی پەیشا، شانازی کەرمێ ئا چێواوە کە هەنێما.

جە چێشی ئاننە تەرسایمێ کە هەرچی سۆحێنی وەڵێ ئینەیە کەس هایش بۆوە هۆرزمێوەو پەی کیفوو وەسایلوو ئارایشەکەیما گێڵمێ؟جە وەش گەرەک نەبیەی!!گاهەزیچ جە تەبیعی بیەو وێما!؟مەزانوو…هەرچی هەن با بۆ..ئێمە جیاو ئینەیە چەنی ئایینەکا قار کەرمێ،مشۆ چەنی وێما ئاشتما بۆوە.چەنی خۆدوو وێما نەک کەسێو تەر یا چێوێوتەر فێرێ بیمێ عەمەڵ کەردەی و دەق بە دەق بیەو ئەبرووەکاما و ڕەنگوو ڕۆژلەبەکەیما تەنیا قاریما چەنی وێما فرەتەر کەرۆ مشۆ فێرێ بیمێ جە ڕۆ بیەو شەوەکا نەتەرسمێ و شەوانەی وەڵێ وتەیما ویروو چەنی بیەو ئارایش و جلەکا سۆحیما نەکەرمێ.

جار جارێو ساڐەیی لازما ساڐە بەڵام زەریف و ناسک و تەمام خانمانە فێرێ بیمێ وەختێو عەکسێ گێرمێ حەر شۆنەو عەیبەکارە نەگێڵمێ و بە جیاش ویروو قووڵایی زەردەخەنەکاما کەرمێوە تا چە ئاستێو جە قووڵایی دڵیەوە خۆمێ؟کەم کەم وێما فێر کەرمێ ئەگەر ڕوێو هۆرستیمێ و ساڐێ بیەیمێ نەتەرسمێ،قژەکاما هەرپاسە شانێو کەرمێ و بە شۆخ و شەنگی و هەستێوی جوانانە و پەڕ جە شاڐی چەمێو قرتنمێ پەی وێما و شانازی کەرمێ پانەیوە کە هەنمێ و جە وێما بە جیاو عەیب و ئیراڐ گێرتەی ماچێوە کەرمێ.

ئێتر مشۆ بزانمێ تا تەبیعیتەر و ساڐە تەر وەشەسیاتەرێنمێ ڕاسەکەتا گەرەک بۆ،نە وێما پانەیە ڕازیێنمێ هەرچی ڕۆینێ چەنی یوەمین تیشکوو وەرەتاوو سەرکەشا هۆرزمێ و ڕەنگێ دەیمێ نەقاشی خووڐای نە پیاکێچ فرە دڵشا پانەیە کریۆوە و بە داخەوە ئێمە بەس وێما هۆرخەڵەتنمێ کە تا ئارایشەکە و جلەکێ ئانچنانی تەر فرە وەشتەر و وەرچەمتەرێنمێ.

کەی بۆ ئا ڕۆ ویریەیمێنە بە جیاو فێڕۆ داو ئا ساتە تەڵایینا پەی ڕەنگ و ڕۆغەنوو وێما بنیشمێرە و دوێ کتێبێ بوانمێوە و بە جیاو فاڕاو مۆدوو وێما و یانەکەیما مۆدی کۆنەو قەڐیمی فکریما فاڕمێ.ئەگەر ئەڐاینمێ بنیشمێرە و لانیکەم سەعاتێوە بنیەیمێرە و کتێبێو گێرمێ دەسۆ و پەی تەربیەتی درووسوو ڕۆڵەکایچما بیەن بوانمێشۆ تا ئەگەر ڕوێو ئاما و زاوڵەکەما بلووروو دلێ بووفەکەیش ماڕا ئازا سیلی حازر نەکەرمێ پەی تەربیەتیش.

کەم کەم ڕۆ بۆوە و ئاواتەوازەنا ویروو باوەڕی هەڵەو بڕێویچ چەنی هۆرستەو وەرەتاوی هایش بۆوە نەتەرسمێ جە وەش گەرەک نەبیەی،جە ساڐەیی جە وێما بیەی تەرسمێ چا ڕۆیە ئەگەر دێر ئا ڕووکەشیە لابەرمێ کەس نەژناسۆما و بێگانێ بیمێ چەنی وێما و چەنی دەورووبەریەکایچما،ئیسە چ وێما بیمێ چ ویروو باوەڕی کۆنەما ئێمە ئاخرسەر مشۆ قار کەرمێ..چەنی ڕای هەڵەی چەنی ویری کۆنەیما چەنی وەش گەرەک نەبیەی ئاخرسەریچ مشۆ ئاشتێ بیمێوە … چەنی وێما چەنی ئایینەکا چەنی وەرەتاوی چەنی ژەن بیەیما.

16 پاسخ برای “شیشەی تەرسناک…../شایێستە فەتحی

  • شکیبا در تاریخ اسفند 2, 1395 گفت:

    نظر…سلام شایستە گیان دەسو پنجە کت وەش بو یاخوا همیشە سرکوتوبی

  • Donya moradi در تاریخ اسفند 1, 1395 گفت:

    آفرین شایسته گیان پسو همیشه ی عالی بی مالکم ان شالله همیشه گر یاگیونه موفقه بی واله گیان

  • Donya در تاریخ اسفند 1, 1395 گفت:

    دست وشبو شایسه گیان پسو همیشه ی عالی بی ایشه الله همیشه گر یاگیونه موفقه بی واله گیان???

  • shakiba.s در تاریخ اسفند 1, 1395 گفت:

    نظر…سلام شایستە گیان دەسو پنجە کت وەش بو یاخوا همیشە سرکوتوبی

  • متین در تاریخ بهمن 29, 1395 گفت:

    افرین مطالبی خوبی بود خانم فتحی

  • سیده رضوان محمودی در تاریخ بهمن 29, 1395 گفت:

    شایسته جان عالی بود.انشاءالله موفق باشی.

    • ناشناس در تاریخ بهمن 29, 1395 گفت:

      مەمنوون گوڵەکێم

  • شهروند در تاریخ بهمن 29, 1395 گفت:

    دس وش فره وش بی مانی نه وی

    • ناشناس در تاریخ بهمن 29, 1395 گفت:

      پێشکەشتا بۆ

  • بریندار در تاریخ بهمن 29, 1395 گفت:

    وه خته ی هۆرمێزینۆ و حیچ چێوه ی که قه راره ن ئا رو ئه نجامێش به ی به دێڵوتۆ نیه ن ئیتێر ئه نگیزه وه نیه ن تا به دێڵی وه ش بدیه ی ئه یینه ره .

  • شهلا فتحی در تاریخ بهمن 29, 1395 گفت:

    سڵام پەی هەستی ناسکوو،ویری رۆشنیت خاتوو شایستە گیان، دەست وەش بۆ قەڵەمەت سۆز و بەردەوام…

    • شایسته فتحی در تاریخ بهمن 29, 1395 گفت:

      سپاس خاتوو شەهلا گیان پەی نەزەرەکێتا

  • فرمیسک فرهادی در تاریخ بهمن 29, 1395 گفت:

    با سلام و تشکر از مدیریت سایت
    شایسته عزیز دستمریزاد
    عالی نوشتید،کاش همه دختران مثل تو فکر می کردند و ارزش خود را می دانستند.به قول نارین جان سبحانی که مثل خودت با وجود سن کمش درک بالا و فهم عمیقی دارد؛
    صورت زیبای ظاهر هیچ نیست
    ای برادر سیرت زیبا بیار
    با تاءکید : ای خواهر سیرت زیبا بیار !!

    • شایسته فتحی در تاریخ بهمن 29, 1395 گفت:

      سڵام و حورمەت خانم فەرهادی گیان
      دەس وەشیت کەروو پەی سەرنجیت ??

  • نارین سبحانی در تاریخ بهمن 29, 1395 گفت:

    مبین ز سیب زنخدان که چاهِ در راه است
    یو مشو دلش زه ریف بو
    شایسته گیان فره وه ش بی،ده سو قه له مو وه ش❤

    • شایسته فتحی در تاریخ بهمن 29, 1395 گفت:

      سڵام و مەمنوون پەی تەوەجۆهیت نارین گیان??

پاسخ دادن به بریندار لغو پاسخ