پایگاه خبری تحلیلی سلام پاوه:سید رحمان محمودی از فرهنگیان تحصیلکرده و خوشنام اهل روستای خانقاه که سابقه تدریس زبان و ادبیات فارسی را در کارنامه خدمتی خود دارد مثنوی زیبایی به زبان هورامی با نگاهی به موضوع مشکلات زندگی ، فضای مجازی ، و مقایسه دوران حال با گذشته بدون تلگرام و اینترت و موبایل و… برای این پایگاه خبری ارسال کرده اند که امید است مورد استفاده کاربران و مخاطبان گرامی قرار گیرد.

شه که ته نان جه بازاروو ترافیک و گرم وو قاڵی
شه که ته نان جه بێکاری به گرفانه ی پووچوو خاڵی

شه که ته نان جه بێ خیاڵی جه بێ کاری جوانووئارۆی
شه که ته نان جه غه یبه توو به د زوانی زوانوو ئارۆی

بێ خیاڵوو هه رچی هه نم بجز تلگراموو مۆبایل
سڵاموو زووانی نه مه ن کۆڵ بیه ن په یاموو مۆبایل

شه که ته نان جه بێ نه ڕمی ماشبنوو تاکسی لو شاری
کۆڵ بۆ قۆروانه ۆ چایه که ۆ سێوه روو هانه ۆ بیاری

یادش به خه ێر بۆ عه سرانی ئه خترانه ۆ وه روه یانه ی
سۆحانی پییرێ لوێنی په ی چایی داخوو قاۆه خانه ی

یادش به خه یر بۆ نیمه ڕۆ په چه ۆ گه له ی حه یوان دۆشای
ده م سگاروو پیا پیران لاۆ نه مامه ی سگار کێشای

یادش به خه یر گۆنه ڵ بازی دلی کووجیه ۆ ته نگه ۆ ده گای
سه ر سه رۆکه ۆ ڕاۆ قه ڵاتێ وێره گانی دیاۆ خانه گای

یادش به خه یر په ی قولو لو ی دلێ داڵانه درێژه ی
سۆحانی زوو به شۆله که په ی لاۆ ده ره ی په ی وا ڕێزه ی

شه که ته نان ده سوو ویموو ته مه ڵی سواروو ماشیینی
یاناینی لێ تلگرامی یا دیاروو نه ۆۆ وتێنی

یادش به خه یر خز خزانوو خزڵۆکی لێژه ۆ نه مامه ی
گۆنه ڵ گۆنه ڵانوو دلی کووجیه ۆ وه روو باڵا خانه ی

شه که ته نان جه بێ خیاڵی یادوو پیران یادوو وه ڵێ
گنینم شۆنه ۆ یه کتریی به قی قیوانوو گۆنه ڵێ

یادش به خه یر بۆ عه سرانی لوینم گه ماڵۆ په ی گه مه ی
یا بیل بیلانی که رێنم یا ڕفاناۆ کڵاوه ۆ سه ره ی

شه که ته نان جه بێ خیاڵی بی ڕه حمی قه ۆموو ئامه ۆ شۆی
جه ئعتیادوو ماهه واره ی ده سوو تکنۆلۆژیی ئارۆی

وه شڵه ی پاڕۆیه که لوێنم فوتباڵوو ده شته ۆ بیاری
په ی چای واردێ زو یاوێنم سه روو چه مه ۆ هانه خماری

وه شڵه ی به وه ختیوه لوینم په ی تف وارده ۆ هانه ۆ گارای
جه بیشکه کۆڵه وه لوینم تاقه رزاڵه وه ش ویارای

وه شڵه ی لوێنم که مه ری سوور به کتری و پیاڵه ۆ قۆریه ۆ چای
تیرو کمان نیێنم گرفانه مای بڕێنم په ی به ڕه زای

هه مرۆ که شی ڕاۆ بیاری به توه نی یاده س که نێنم
گرفانه ما په ڕ که رینم یا به شوو یه کتری دێنم

ئیسه به جیاتی سه ر که شان نشتێنان سایه ۆ مۆبایلی
به ته مه داروو پیشڕه فتوو علموو سه رمایه ۆ مۆبایلی

ئه ۆسا شه ۆ نشینی لوینم په یانه ۆ هامسای په ی قسان
مۆهم نه وی که هامنه ن یا پاییزه ن یا کو زمستان

ئیسه شه وو رۆ مۆتیعوو شارژوو سیموو مۆبایل یه نم
بێ خیاڵوو قه ۆموو هامسای چوون ته سلیموو مۆبایل یه نم

یانێوه ئنترنت نه ۆۆ مه حروومه ن جه شه ۆ نشینی
وای فای ڕه مزش نه دان په نه ش مه زڵوومه ن جه شه ۆ نشینی

ئه ۆسا ئامه ۆ شۆه که رێنم شه وانی گۆره وه بازی
هه مڵۆقوانی بی یا گۆش دای په ی داستانوو قسه ۆ ڕازی

ئیسه سه روو چه موو گۆش مان که ۆته ن دلی تلگرامی
فرسه ت نیه ن چه مێ بووزم په ئاینه ی دلێ جامی

به خوا ئیتر شه که ته نان هازه ۆ چه مام بی نوور بیه ن
ئسراحه تم نا چا ڕۆنه که بواچان ئنترنت نیه ن

شمه چێش ؟ ڕاسه م په ی واچدێ هازه ۆ چه ماتان مه نێنه؟؟
تاواۆ ڕه مای یا هه نگامه ۆ هه نگامه کاتان مه نینه؟؟

ئاخۆر چه نی شه که ت نه وو ده سوو مۆبایلوو ماهواره ی
جه تلگرامی ئاگاهه ن زاڕۆڵه ۆ دلێ گاهواره ی

یادش به خه یر ئیتر نمه ی هه نگامه بنیه ۆ ویه رده ی
سه ید بنیشه ره فیلموو قه دییمی ته ماشا که رده ی