شەوەزەنگەو عەشقی،،،/شەیما ئێزکات
پایگاه خبری تحلیلی سلام پاوه : شەوە تاریکە و سامناکە بێ، بەڵام پەیش موهێم نەبێ، تن پای کوێ زەمینەرە و پێسە واچی ڕایوەرە لوێ و یاگێوە لوێ ئێتر قەرار نەوێ پەی هەمیشەی گێڵۆوە دما، نەڐیێوەلا، لاشەش بێ گیان بێ، بەڵام ویرش کێشێش شۆنەو وێشەرە، مەشیای حەتمەن یاوایا مەقسەڐەکەیش. ئارام و قەرارم بڕیا، بەرەکەم گێرتە و […]
- ۱۴ آذر ۱۳۹۵
- کد خبر 50362
- 5 دیدگاه
پایگاه خبری تحلیلی سلام پاوه : شەوە تاریکە و سامناکە بێ، بەڵام پەیش موهێم نەبێ، تن پای کوێ زەمینەرە و پێسە واچی ڕایوەرە لوێ و یاگێوە لوێ ئێتر قەرار نەوێ پەی هەمیشەی گێڵۆوە دما، نەڐیێوەلا، لاشەش بێ گیان بێ، بەڵام ویرش کێشێش شۆنەو وێشەرە، مەشیای حەتمەن یاوایا مەقسەڐەکەیش.
ئارام و قەرارم بڕیا، بەرەکەم گێرتە و واتم کۆگە ملی؟ چی نمەتەرسی؟ هەر مزانی ئاخروو ئێ ڕای کۆگە میاوۆ؟ چی گەرەکتەن بلی؟
سەرەش هوربڕنا و دیا دلێ چەمام، شەوەزەنگە بێ عال چەمێش نەوینێنێ، بەڵام سووریەکەشا دیار بێ ئایێرشا گێرتەبێ، تەرسانی و لوانی دماوە … دیسان بەتەرسێوە فرەتەرەو پەرسام چەنە؟ ….
بە دەنگێوە زاییف و پەڕ ئێشەو ماچۆ: جە بۆنەو عەشقیەو کەوتەنی دلێ چاڵێ؟ واتم: نا، ماچۆ: بەخاترەو متمانە کەردەی بە کەسێوە کە عاشقش بیەنی یانەت شێویان؟ واتم: نا، ماچۆ: تا ئێسە بیەن شەرم کەری بڐیەی دلێ چەماو تاتەیت؟ واتم: نا، ماچۆ: دەی گێڵەوە دما!!! هیچم پەی نەکریا، وەختەی من دەردەکێ ئاڐێ نەفامێنێ چەنی تاوایام دەرمانش کەروو؟ گێڵانیوە دما. سەوای ڕووزنامەی نویسەبێ جەنازەو کناچێوە گۆشەو ڕۆخانەیەنە ئێزیانەو!!!! وەختەی زانام هەر ئا کناچێ بێ من هیزی شەوێ دیێبێم، دنیا تەپا سەروو سەرەیمەرە، چی وەرم نەگێرتە؟ چی بە زۆر چا ڕاینە نەگێڵنامەو دما؟ چی ڕەحەت ئاسم بلۆ پا ڕایرە؟ ئاخ خوڐا گیان چی ناست وەرش …..
جە ئارۆە تا ئێسە بە وێم قەوڵم دان دڵوو هیچ کناچێوە نەماڕوو، ئایر دلێ چەماو هیچ کناچێوەنە نەگیسنوەنە، دەردەو عەشقی بە هیچ کناچێوە نەڐەو. نازوو هیچ کناچێوە یانەش شێویۆ، نازوو هیچ کناچێوە نەتاوۆ بڐیۆ دلێ چەماو تاتەیش.
ئاواتم ئانەنە کوڕێ وەڵاتەکەیم کناچێ وەڵاتەکەیشا پارێزنا، نەک بسپاراشا بە ئاوەو ڕۆخانەی.
نویسنده : شەیما ئێزکات
وقت بخیر
واقعا خوشحالم که یکی دیگه از بانو های قلم به دست دیارم را شناختم و شاهد یکی دیگه به جرئت میتونم بگم اعجوبه های قلم به دست شهرم بودم
شیما خانم امثال شما مایهی فخر و سربلندی برای شهرم هستند
قلمتان برقرار و روان
دەس وەش دەس وەش
بە ڕاسی دەست سەروو خاڵێ ،
خاڵەو شەرەفی،خاڵەو سەربەرزی،
بەشکم جوانەکێما بزانا کە شەرەف و نامووس تەنیا واڵێ و ئەڐاو وێشا نیەن .بەشکم تاتەکێما و ئەڐاکێما دەرسوو شەرەفی بڐا بە ڕۆڵەکاشا.
ئی دەرسە تیکە پازلی گم بیەو کۆمەڵگایمانە.
خاتوو شەیما دەسێت نەناڵا ، خامەت ڕەوان بۆ
هیوام ئانەنە بە چەم وینمێ کە ئاواتەکەت ئامان وەرەوە.
دەس وەش دادە شەیما
ئی نڤیستەتە یۆ جە موشکیلەو دۆخو ئارۆ کۆمەڵگایمانە.
ئەدەبی داستانی وکوڵە داستان تاوۆ بەشێ موهیمو کرێڵی جە دۆخو ئاڵوسو جامیعەی وزۆ وەرو باسو شیکاری و…
هازەو تواناو قەڵەمی گەورەتەر چانەیەنە ئێمە فکرێش کەرمێ.مشیۆم دەرەتانیش بژناسمێو ڕێکوپێک بەرمێش سەرو ڵاپەڕەو کاغەزی.(هەرپاسە سەرو پەلیانەی) هیوادارەنا نڤیستە دمایینەکێت خاستەر تاوا دۆخو ناحەزو جامیعەو ئارۆ وڵاتەکەیما پێکۆ ویاوی با ئارمانەی کێ شمەی نویسەر ئینا زەینتەنە و حەزێش پەنە کەری.
سڵام و ئەدەب
خاتوو شەیما! دەس و پەنجەت نەناڵۆ، قەڵەمت سەوز و قەلبت ساق بۆ. یاخوۮا بە ئاواتە بەرزەکات بیاوی و بە سەربەرزی مەنی پەی هەورامانی.
دەسوو کاکە فەرهادی ئازیزی و هامکارە زەحمەت کێشەکاش وەش بۆ، بێ قەزا و بەڵای بیدێ.