ج 10 فروردین 1403 ساعت 10:29

گجی پیایانە (پیراهن مردانە)…/ فەهمی مورادی

گجی پیایانە (پیراهن مردانە)…/ فەهمی  مورادی

پایگاه خبری تحلیلی سلام پاوه : داستان هه ورامی ( گجی پیایانه ) با موضوعی در باره شک و تردید همسران نسبت به یکدیگر می باشد این داستان اثر آقای فهمی مرادی از فرهنگیان ساکن شهر روانسر و اهل شهر نوسود می باشد که در همایش داستان کوتاه هه ورامی که در اردیبهشت ماه سال […]

پایگاه خبری تحلیلی سلام پاوه : داستان هه ورامی ( گجی پیایانه ) با موضوعی در باره شک و تردید همسران نسبت به یکدیگر می باشد این داستان اثر آقای فهمی مرادی از فرهنگیان ساکن شهر روانسر و اهل شهر نوسود می باشد که در همایش داستان کوتاه هه ورامی که در اردیبهشت ماه سال  95 از میان 80 اثر برگزیده مقام دوم را بدست اورده است.

هەناسەم خاس نێوەسەر لوانی لاو دوودەریەکەی تاریکی و درێژی شەوەو پاییزی و ڤاو ڤاگژە و ئی لاو ئولا  بەردەی گەڵا وشکەکا و شەخەڵەکەی و ئەوەکوشیای چراوەو کووجیەکێ کە فرەو وەختا ڕوشناییوی کەم وزێ دلێ هاڵەکەی ، یک جارلاشەم قورسش کەرد، کیشیانیرە .فهمی مرادی

ئێحساسم کەرد کەوتەنا ملو دەسی ڕاسیمەرە و دەسم سڕو بێ هێز بیەن . چەنی کزەو دەسیم کە مروچێ کەرێ و بێ هێز بیەبێ ، دەنگو چەرخییای دەسگیرەو بەرەی کەوت گۆشم .

هۆر چەرخییانە کوەتانە لاو چەپی مەرە . چەمێم ناخڵاف کریەوە . پیەوی غەریب کە گجی  پیایانەی چوارخانەی قۆڵدارش پۆرە بێ لاو ئۆتاق و وەتەو ژەنەکێمەنە چەم پەنە کەوت ، گەرەکش بێ بلۆ دلێ . چەمێم کەردێ مەوەو بینەمەو بە هەنگوسە گۆرێ و هەنگۆس وئیشارەو دەسی چەپیم دەسم ئاورد چەمێمەرە . دەسگیرەو بەرەکەیش ئارام چەرخنا لوا دلێ ئۆتاق و  وەتەو ژەنەکێم  بەرەکەش ئارام بەس . قەلبم کەوت تەپە تەپ لاوێشەو قۆرسێ ئارام بەخشێم واردێ بێنێ . ئێحساسم کەرد قەلبم خەراب مدۆوەنە و دووچارو تن داوەنەی بیەن . هۆرسانە گەرەکم بێ تا زۆرم هەن قاڵ کەروو،  پێسە یویی کە سەرش  شێویا بۆ وەنە . بەڵام زانێنێ ئەگەر خەڵک بزانۆ … !

گردوو هاڵەکەیم دەور داوە ڕەوەم پەی نەجاتی نە ئێسەو . تەنیا ئێحساس کەرێنێ تاریکی تاریکا . مەزانو گاهەزیچ دووچارو شەوارە کەردەی بیەبو. ئاخور ماچا وەخت هەن یۆ مەزانو و دەسو وێش نیا شەوێنە  وەرمەنە ملو ڕانە . وێچم نە زانام چەنی بی بەڵام لوانی لاو بەرەی ئەسڵی کە مەی دلێ ، تەماشەو بەریم کەرد هیچم نەدی . تەنیا دەنگو گڤەو ڤاو وا ڤاگژە وپاییزی و شەخەڵی ئێ .

سەرەنجەو مێدانگاو دلێ بەرەکەیم دا یاگە پاڵەوی پیایانەم دی کە ئامابێ دلێ . ئارام و قەرارم نەمن وێچم نەزانێنێ مشیو چێش کەرو . بێدەنگێیوی تەرسناک حاکم بێ ! یا هنگامەکێ من ئێنندە سووکێ بێنێ کە هیچ دەنگێو شا نەبێ یا ژەنەکێم وەرمش قۆرس بێ . لوانی لا بەرو ئۆتاق ووەتەو ژەنەکێم وەڵۆ یاگێ کریڵەکەیەنە و دەسگیرەکەیەنە دیانی پەی دلێ ئۆتاق وەتەکەی .

پیەوی غەریب کە گجی چوار خانەی قۆڵدارش پۆرەبێ کێشیابێرە و پەشتیش کەردێ بێوە بەرەکەی و مەلافەکەش جۆرێو پێچنابێ وێشەو کە تەنیا شانێش و دەسی ڕاسش کە بەقۆڵۆ گجیەکەیش پۆژیابێرە و جە هەرەژنەنە قەم چیابێوە دیار بێ . پێسە واچی دەسش ئاوردەن ملوکەسێ ویەو کە ئارەزووش بیەن بیاوۆ لاش .

بەینەو چاڵە و ملیشەنە و شانەیشەنە چراوەو سەوزەو گوشی موبایلەکەیش بە نیشانێ ئامای پەیاموو تلگرامی  کە زوو زوو کۆشیێوە و گیسیێنە دیارە بێ. دیاربێ قەلبم فرەتەر هوونی کیانێ پەی مەژگیم و مەژگم  و فکرم نەزانێنێ چێش کەرا. لوانی پەی لاو تەلەفونەکەی گەرکم بێ زەنگ دۆ پەی 110گوشیەکەم بەرزکەردەو دەسم هەڵای سڕیەکەش بەرنەشیەبێ ئەجێ پەی هەمیشەی بێ هێز بیەن نەتاوم شمارەکا گێرو.

ئارام و قەرارم نەبێ نەتاوێنێ وەێم کونتروڵ کەرو . لوانە پەی لاو بەرو ئۆتاق و وەتەو ژەنەکێم  وەڵۆ یاگێ کرێڵەکەیەنە و دەسگیرەکەیەنە دیانە پەی دلێ ئۆتاقەکێ ، چراوەو مبایلەکەی کۆشیەبە ! مەلافەکە جۆرێو دیاربێ کە ئەجێ چێرشەنە  دوێ نەفەرێ بە ئیسراحت و بە ئارامش کە بە ئاواتوو وێشا یاوە با و دەسشا ئاوردە بۆ ملو یەکتریۆ کێشیە نێرە . یا پێسە ئانیشا کە گوش مەدانێ بە هەواو هەوەسی شا. دەسم نیا سەرو دسگیرەو بەرەکەی دەسم هەڵای سڕیکەش بەرنەشیەبێ ئەجێ پەی هەمیشەی بێ هێز بێەن نە تاوام هیچ کەرو . هەراسان لوانی پەی ئۆتاقێ ئۆلاینێ دوودەریەکەنە تەماشەو واریم کەرد هیچکەس نەبێ تەنیا دەنگو گڤەو  ڤاو وا ڤاگژەی و شەخەڵی بێ کە تا یاوێ بەگۆشیم هەزار ماننە دێ .

بە وێم واتم ئێتر ئی کەڕەتە پێسەو حەفتەی وەڵینی چەنەش مەویەروو، کە دەورو پاڵەیەکاش کە پەنەشا ملو پەی بەری عەلامەتم دابێ و بەڵام بە ئێلتێماس و ئاوردەی سەد دەلیلێ ژەنانێ  جە بەر لوایی وێش عابادەش کەرد.  من زانێنێ هەر وەختێوەنە مۆچش گێروو . پام نیا ئاشپەزخانەکە بە دەنگو ئەوە لەرزیای لولە ئاسنینەکا کە لولە کەشی روکارشا پەنەکریابێ ، چراوەو ئۆتاق و  وەتەو ژەنەکێم ڕۆشنە بیە ، دیانی پەی بەرەو ئۆتاقەکێ دەسگیرە و بەرەکەی چەرخییا و ئارام بەرەکە کریاوە . بە گجی پیایانەی چوارخانە ی قۆڵدار کە پۆرەش بێ تەماشێوش کەردا . ،دوودڵ بێنێ ، لوانی وەرەو نزیکش کوتانە دەسش گرتم نەتاوام هیچ واچو ، بە زەردە خێوێوەو کە چەرمایی ددەانەکاش پێسەو کەمانێوی باریکی دلێ روەێشەنە دیارێ بێنێ ئارامش کەردانە ، گەرمی دەسەکاش دلێ سەردی دەسیمەنە حس نەکەرێنێ ، کێشیانیرە  یەواشێوەو چەمێم نیەم پێوەرە  دەنگو گڤەو ڤاو  وا ڤاگژەی و ئی لا و ئۆ لا بەردەی گەڵاوشکەکا و شەخەڵەکەی و ئەوە لەرزای لولە ئاوەکا هەڵای هەر ئێ.

نویسه ر: فەهمی  مورادی

6 پاسخ برای “گجی پیایانە (پیراهن مردانە)…/ فەهمی مورادی

  • جەهانگیر مەحمود وەیسی در تاریخ آذر 5, 1395 گفت:

    دەست وەش بەڕێز فەهیمی،داستانەکێت،کەرەسەو داستان نویسی و کەش و هەواوو ویش چەن بێ ،هەر پاسە مایەی دەرونی و پەیرەنگش بێ،بەڵام ،لاو ئەمنەنه مەشیای ئا یاگێ واتەنەت (گاهەزیچ دووچارو شەوارە کەردەی بیەبو. )نەویایە خاستەر بێ،و سەرجەم دەقەکە فرەتەر وێش نمانێ،وەنەر باوڕ بە هەقیقەتی فرەتەر کەرێ ،هەتا کۆتایەنە کە زانێ،ئی داستانێ،به راس لەتیفە وارە بێ.

  • محزون در تاریخ آذر 4, 1395 گفت:

    جناب مدیر سایت چرا نظر منو درج نمیکنی؟ یعنی انقدر نظراتم براتون عجیبه ؟ البته فکر کنم شما فقط به به و چه چه میخواهید؟

  • محزون در تاریخ آذر 4, 1395 گفت:

    آخه کدام آدم عاقلی این نوشته را داستان کوتاه حساب میکند؟
    شما را به خدا هر نوشته ی سخیفی را داستان کوتاه به حساب نیاورید … حساب کردن این حرفها به عنوان داستان خیانت به انسانیت است
    آیا هیات داوران میدانند داستان کوتاه یعنی چه؟
    جناب مرادی شما اصلا میتوانید داستان کوتاه را تعریف کنید؟

  • محزون در تاریخ آذر 4, 1395 گفت:

    آخه کدام آدم عاقلی این نوشته را داستان کوتاه حساب میکند؟
    شما را به خدا هر نوشته ی سخیفی را داستان کوتاه به حساب نیاورید … حساب کردن این حرفها به عنوان داستان خیانت به انسانیت است
    تعجب میکنم از داوران که این نوشته را به عنوان

  • شایێستە فەتحی در تاریخ آذر 3, 1395 گفت:

    سڵام و سپاسی تایبەت پەی جەنابیت کاک فەهمی ئازیز
    هیواو سەربەرزی و سەرکەوتەیم هەن پەیتا

  • شیلان کریمی در تاریخ آذر 3, 1395 گفت:

    سلام کاک فهمی ده ستا وه ش بو