پ 09 فروردین 1403 ساعت 21:29

“ئاواتێ مەڕیای”…/شیلان کریمی

“ئاواتێ مەڕیای”…/شیلان کریمی

پایگاه خبری تحلیلی سلام پاوه:دیسان کەوتەوە ڕا و خەمەکێش وستێ دلێ تۆشەبەرەکێش،زەمین وشکش کەردەبێ و دڕەیێ دلێ هەواینە هۆرپڕێنێ.تەوەنەکێ داخیێنە پڕووکیای بێنێ،بۆقوو گەرماو تەنیایی ئەو هەناسەیش چڕێ،پایم هێزەشا نەمەنێبێ و بەینوو گلکامەرە تۆزەو خەفەتی هاوارش هۆرئێستەبێ،چڕای چڕێموەنە،هەر واچێ مدرە!دەی مدرە!ئانە پەی کۆگەی ملی،ئاها تەوەنەکێ؟! پاش نەنیەی پۆرە دیسان،هەر بە قسێم مەکەرۆ،هاوارت وەنە بۆ،ئاخ چن ناگۆشگیرەنی،هەناسێوەش […]

پایگاه خبری تحلیلی سلام پاوه:دیسان کەوتەوە ڕا و خەمەکێش وستێ دلێ تۆشەبەرەکێش،زەمین وشکش کەردەبێ و دڕەیێ دلێ هەواینە هۆرپڕێنێ.تەوەنەکێ داخیێنە پڕووکیای بێنێ،بۆقوو گەرماو تەنیایی ئەو هەناسەیش چڕێ،پایم هێزەشا نەمەنێبێ و بەینوو گلکامەرە تۆزەو خەفەتی هاوارش هۆرئێستەبێ،چڕای چڕێموەنە،هەر واچێ مدرە!دەی مدرە!ئانە پەی کۆگەی ملی،ئاها تەوەنەکێ؟!%d8%b4%db%8c%d9%84%d8%a7%d9%86-%da%a9%d8%b1%db%8c%d9%85%db%8c-228x300

پاش نەنیەی پۆرە دیسان،هەر بە قسێم مەکەرۆ،هاوارت وەنە بۆ،ئاخ چن ناگۆشگیرەنی،هەناسێوەش هۆرگێشت،زەمین کەوت لەرزە،چیروو پایاش ترەکەشا بەستە،ماچۆ؛هەر ملوو ڕارە تا دڵم خەفە بۆ،تا خەفەتەکێم وشکێ با،تا هەناسەم ئاراۮ بۆ،

ئاسمان شەوەکێش وستەنە دلێ جەسسەیم،هەورەکێش دای جەنگ،قاڵشا هۆرئێست،هاوارێشا کەشەکا لەرزنێنێوە و گرەوای ملشەرە و قژێش تەڕێ بیێبێنێ و سوارێ بیێ سەروو شاناشەرە ،هەڵسیش چەنی هەڵساو ئاسمانی تێکەڵێ بیێبێنێ،ئاواتێش عەزرەتەمەننێ بێنێ دەس وزا ملوو مانگەو وەشەسیایی.

کڵە کەرۆ دلێ چەمە تەڕەکاش و گرەوەش مدرۆوە،ئاخ باوشکەو خەفەتاش تا دلێ هەسارەکا شۆنیش کەردێبێ،زوانش دلێ دەمیشەنە چەرمە بیەبێوە و یەواش یەواش هەناسەش وسای وسێ،یەک سات چەمێش بەستێ و هەیوانەکێشا کەوتەوە وەروو دڵیش،

وێرەگا وەختەبێ و بنیاۮم کاڵاش درەوە کەرێ ،خەفەتێ وشکێ کەرێ و هەناسێش چیروو پەتووینە،وێش کۆمنابێرە و وەیوڵێ ورازێ.

17 پاسخ برای ““ئاواتێ مەڕیای”…/شیلان کریمی

  • ناشناس در تاریخ دی 30, 1395 گفت:

    ده ست وه ش بو

    • شیلان کریمی در تاریخ بهمن 12, 1395 گفت:

      سەرەتا وەش بۆ

  • محمد مریوان در تاریخ دی 11, 1395 گفت:

    شیلان خانم ده س و پنجه ت وه ش په ی قه له مه جوانه که ییت

  • هومایون محه‌مه‌دنژاد در تاریخ آذر 8, 1395 گفت:

    سڵام ؛ده‌سێت وه‌شێ با خاتوو شیلان

    • شیلان کریمی در تاریخ آذر 14, 1395 گفت:

      سلام کاک هؤمایون , وه ش بی مه منوون ته نا

  • farzad در تاریخ آذر 3, 1395 گفت:

    ده س وه ش شیلان خان استاد سخن

    • شیلان که ریمی در تاریخ آذر 4, 1395 گفت:

      مه منوون ته نا کاک فه رزادی ئازیز

  • تنها در تاریخ آذر 1, 1395 گفت:

    زیبا و رمانتیک بود اما چه سود……؟؟؟”””…….؟؟؟؟؟؟!!!!!!!!!!!!…….:::::::::::؟

    • شیلان کریمی در تاریخ آذر 2, 1395 گفت:

      سلام دوست عزیز؛ چرا انقد علامت گذاشتی چی شده؟

  • پاوەشار در تاریخ آذر 1, 1395 گفت:

    ئەر ڕازێ،واچەرێش(گویندە)ونویسەرێش کناچێ وژەنی بۆ قاڵبی ژەنانەو ئیحساسی گێرۆ وێشۆ.بەڕاسی ئی ڕازەو دادە شیلانێچە پیجۆرە بێ.
    هەرچن ئینتێقاد کریۆ جە کەیوانو نوێسەرەکاو جیهانی وتایبەت نویسەرە نامیەکا بۆنەو جۆرە قاڵبوو شێوازو داستانیشا ،بەڵام بەداخەوە ڕۆڵۆ(نقش) ژەنە ڕەخنەگیرا هەمیشە جە ئەنجومەنەکا وەرچەم مەگیریۆ وەئینە بۆ هۆ ئانەیە نڤیستە ئەدەبیو کناچۆ ژەناما جە لایەن پیاکاوە نەقد کریۆ ونەبیەو زانشتی ئیحساسیو ژەنانە وجیاوازی سەبکو نویستەو ژەنەکا هەمیشە پاشێل کریۆ وخەڵات ئەدەبی جە سەرتاسەرو جیهانی فرەتەر دریۆ بە نویسەری پیا!!
    هیوادارەنا نیمەو جەمعیەتو هەر کۆمەڵێ کێ ژەنیەنێ وێشا داوەریو ونەقدو نڤیستە ئەدەبیەکاشا بەرا ڕاوە.،،
    وازۆ، ژەنەنویسەرێ، با بە کۆڵەکێ دوەمینو نەقدی ئەدەبی وئی دەسەڵاتە نابەرابەرە چەنیو پیاکا بەش کەرا!!وبەشێ فره جە نەقدی ئەدەبی وێشا بە ئەرکو وێشا بزانا..
    سپاسو دادە شیلانێچ کەرو بۆنەو ئی ڕازە وەشو وکناچڵانێشە…

    • شیلان کریمی در تاریخ آذر 1, 1395 گفت:

      سلام مه منوون

  • آمنه عباسی در تاریخ آذر 1, 1395 گفت:

    ده ست وه ش بو شیلان گیان فره وه ش بی….

    • شیلان کریمی در تاریخ آذر 1, 1395 گفت:

      وه شه بی ئامینه گیان مه منوون

  • mohammad marivan در تاریخ آذر 1, 1395 گفت:

    ده س وه ش شیلان خانم په ی ای نوشته جوانه یته

    • شیلان کریمی در تاریخ آذر 1, 1395 گفت:

      مه منوون مؤحه مه د خان

  • پاوه در تاریخ آذر 1, 1395 گفت:

    ده ست وه ش بو شیلان خانم به راستی نویسته که ت وه شه بئ

    • شیلان کریمی در تاریخ آذر 1, 1395 گفت:

      مه منوون

پاسخ دادن به هومایون محه‌مه‌دنژاد لغو پاسخ