پ 09 فروردین 1403 ساعت 20:16

گفتگو با فرشید شریفی نویسنده و مترجم نام آشنای شهرستان پاوه

گفتگو با فرشید شریفی نویسنده و مترجم نام آشنای شهرستان پاوه

پایگاه خبری تحلیلی سلام پاوه : گفتگوی ذیل با فرشید شریفی نویسنده و مترجم کورد مطرح شهرستان پاوه در زمینه ادبیات کوردی است که توسط اقای داود غفاری در گروه تلگرامی ساباتی هەورامان تهیه و تنظیم شده است که مطالعه آن خالی از لطف نیست . داوود غەفاری: وێڕای سڵاو و سپاس و بەخێرهاتن کردن لە کاک […]

پایگاه خبری تحلیلی سلام پاوه : گفتگوی ذیل با فرشید شریفی نویسنده و مترجم کورد مطرح شهرستان پاوه در زمینه ادبیات کوردی است که توسط اقای داود غفاری در گروه تلگرامی ساباتی هەورامان تهیه و تنظیم شده است که مطالعه آن خالی از لطف نیست .

داوود غەفاری: وێڕای سڵاو و سپاس و بەخێرهاتن کردن لە کاک فەرشید، بەختەوەرین کە بە دڵفراوانیەوە هات بە پیرمانەوە .کاک فەرشید گیان تکایە خۆت بناسێنە.

فەرشید شەریفی: سەروو چەما داوود گیان ناینا خزمەتەنە، سڵامو بەشداراو و وینەرا و وانەراو ساباتیچ مەکەرووفرشید شریفی . داود غفاری

جە نامەکێم زیاتەر ئینەنە که ساڵەو ۵۶ی جە پاوەنەجە ئەدای بیەنا و…… ناینا خزمەتەنە.

داوودغەفاری: کاک فەرشید یەکەمجار کەی و چلۆن هاتیتە دنیای ئەدەب و نووسینی کوردیەوە و بە چ شتێک دەستتان پێکرد؟

فەرشیدشەریفی: فرە به هۆرکەوت !!!!! دەبیرستانەنە پەرویز بابایی شێعرێ واچێ و منیچ لاساییم کەردۆ و دەسم کەرد بە شێعر نویسەی. ساڵەو ۷۲ ڕۆجیاریی، بە ئەنجومەنو ئا وەختۆ پاوەی ئەژناسنانیش و ئیتر تووشو ئی بەڵایە بیان !!!!! کە ماچاش پەنە دنیاو ئەدەبیاتی.چا وەختیچۆ بە ئەنقەس ناسەنم ئی بەڵایمە جە کۆڵ بۆوە و تا ئارۆ یاونانم.

داوودغەفاری: دەس وەش و چ بەڵەیوە عال

فەرشیدشەریفی: سەرەتا بە شێعرەی هەورامییە دەسم پەنە کەرد و دماتەر وتارێ هەورامیێ و دماتەریچ لوایمێ دلێ سۆرانی نویسەی و دماتەریچ تەرجمە و هەر تەرجمە و …

داوودغەفاری: زۆر سپاس دەکرێت بفەرموون وەک کاری نووسین و ئەدەب بە چ قۆناغ گەلێکدا، تێپەڕیون هەتا گەییونەتە ئەمڕۆ

فەرشیدشەریفی: پاسە کە واتم شێعرەی هەورامیی و دماتەر وتار و دماتەر کە ساڵەو ۷۴ی لوان سنه و فەزاکێ جیاوازتەرە بی و ئیمکانات فرەتەر بێ و ئەنجومەنێ چالاکێش بێنێ و کتێوێ عالێ و فرێ وەردەسەنە بێنێ، مەسیرو وەنە و نویسەیشا واڕانێ.

شاعیر و نویسەرێ عالێچ چاگە دەور و تەئسیرو وێشا بێ.

ئیسەیچە کە ئیتر زیاتەر خدێم داینە تەرجومەی و خەریکو ئی هەرمانێنا.

داوودغەفاری: ئەگەر کریۆ، ج کارو سروەیت واچە. سروەنە خەریکو چێشی بێنی؟

فەرشیدشەریفی: وەختو وێش داواکاریم کیاس پەی سروەی و شۆنەو کاریرە گێڵێنێ و وەشبەختانە پەسەندشا کەرد و جە زووتەرین ماوەنە دەسم بە کار کەرد. سەرەتا تەنیا پێسەو وەرپرسو بەشو تەرجومەی دەسم بە کار کەرد، بەڵام دماتەر بەشو شێعرەی هەورامی و کەلهۆڕیچشا دا دەسم. دماتەریچ گیانشاد ئەحمەدی قازی وەرو ناوەشی کە یانەنە کەوتەبێ، بەشی فەرهەنگیچش دا دەسو من بە ئارەزوو وێم بەرووش ڕاوە و وەشبەختانە پەردەچیێم سەرو گردیشا.

داوودغەفاری: ئەزموونو سروەی تاچن کاریگەریش سەرو کارو دمایتەرە بێ؟

فەرشیدشەریفی: بە دڵنیایۆ کاریگەریش فرە و فراوان بێ. کتێوخانەو ئا ناوەندییە کە نزیکەو ۵۰۰۰ کتێوێش چەنە بێنێ، تەحوێڵو منەنە بی و منیچ سوودی فرەشا چەنە وینێنێ. جگە ئانەیچ ئامۆشۆکەردەو شاعیر و نویسەر جە هەر چوار پارچەو کوردستانی پەی ئا ناوەندییه و ئاشنابیەیم چەنیشا سوودی فرەش پەی من بێ. جیا چانەیچە فەزا فەزایوە شاعیرانێ و ئەدیبانێ بێ و ئانەیچە هازە و وزە و ئەنگیزەی زیاتەرم دێ پەنە پەی وەنە و نویسەی فرەتەری.

داوودغەفاری: بەڵێ دیارەن، سەردەمو کارو سروەیتا، سروە فرەتەر لاش کەردۆ لاو ناوچە وارینەکا و تایبەتیتەر هەورامانی.کتاب فرشید شریفی

فەرشید شەریفی: ئێستا ئیتر ناسراوە بە کاری وەرگێڕانی کوردیەوە. چ شتانێک هانیان دای ڕوو بکەیتە دنیای وەرگێڕان.

کورد چ پێویستیەکی بە وەرگێڕان بوو؟

فەرشیدشەریفی: بەڵێ سروە ئا وەختە پەی یەکەم جاری لاش کەردۆ ئەو هەورامانی ئەڵبەتە وەڵتەریچ کارشا هەر کەردەبێ، بەڵام فرە بە کەمی. چوونکە کەس نەویەبێ هەورامیەنە یارمەتیشا بدۆ، بێجگەم جەلال مەلەکشای. ئیتر منیچ کە لوان ئاگە هەوڵم ئانە بێ هیچ شمارێوە بەبێ هەورامانی نەی بەر. وەشبەختانە ئا ۱۵ تا ۱۶ شمارە کە چاگە بێنا بەردەوام یا بە هەورامی یا سەرو هەورامی و هەورامانی بابەت وەڵا کریێوە.

فەرشیدشەریفی: جەبارەو تەرجومەیۆ، هەر چا وەختۆ ساڵەو ۷۴ی لوان سنە دەسم کەرد بە تەرجومەو شێعر و داستانە کوڵا و جە نەشریەکاو ئاگەینە چاپشا کەرێنێ و دماتەر چەنیو برادەرێوو خەڵکو سلێمانی به نامێو کاک شؤرش جوانڕۆیی ئاشنا بیانێ و بە ناشرێوەش ئەژناسنانی جە سلێمانی و منیچ ئیتر ئەنگیزەم پەی هەرمانەکێ فرەتەر بی و ئیتر بە جدیی هەرمانەو تەرجومەیم گرتە وەر.

داوودغەفاری: کورد چ پێویستیێوش بە تەرجومەی بێ؟

فەرشیدشەریفی: زەروورەتو تەرجومەی حاشاش چەنە نمەکریۆ. کورد نەتەوێوەن به هۆکارێ فرێ نەتاوانش بە ئیسراحەت و ئاسوودەیی بنویسۆ و بەرهەمی نویسیا و مەکتووبش بۆ. پەوکەی ئێمە جە ڕاو تەرجەمەیۆ متاومێ ئا چێوێ کە نیازما پەنەشا هەن و وێما نێەنێما باورمێ دلێ زوان و فەرهەنگ و ئە دەبیاتیما.وە تا ئارؤیچ فرەو چێوەکاما جە ڕاو تەرجومەیۆ ئامێنێ دلێ

داوودغەفاری: تەرجمەکێتان فرەتەر چ بوارانێوی گێران وەر؟ مەعریفی و…

فەرشیدشەریفی: سەرەتا بە ئەدەبیات دەسم پەنە کەرد، دماتەر لوانێ دلێو تاریخ، فەلسەفە و کۆمەڵناسی و فەلسەفەی سیاسی. چوونکە کتێبخانەی کوردیی چا بوارانە فرە هەژار بێ(و ئیسەیچ هەن) نیازش پا سەرچەما بێ کە ڕۆژئاوانە نویسیاینێ و ئێمەیچ تەنیا جە ڕاو تەرجومەیۆ متاوم بە دەسشا باورم

کە وەشبەختانە ئیسە فرە کەسێ دەسشا دان ئی بوارا و کتێبێ عالێشا کەردێنێوە.

تەرجومەکێچم ئەگەر باسشا کەروو رەنگە تاقەتو ئی مەجاڵیەنە نەوۆ، بەڵام ئەگەر بە کورت و کۆتا واچوو چند قۆناغێوە مگێراوە.کتاب فرشید شریفی

داوودغەفاری: ئەگەر بکرێت سەبارەت بە کار و بەرهەمەکانتان، زۆرتر بۆمان بفەرموون. تا ئێستا چندین بەرهەمتان بڵاو کردۆتەوە و ئێستاکە بە چییەوە سەرقاڵن؟

فەرشیدغەفاری: یەکەم ئەدەبیات: ئا بەرهەمێنی کە کورد نیازش پەنەشا بیەن. قۆناغی دماتەر کۆمەڵناسی و تاریخ فەلسەفە و تاریخو کۆمەڵناسی و فەلسەفەی سیاسی و

ئیسەیچە پڕۆژێوە ئەدەبیمان چەنیو ناشرێوە جە سلێمانی هەن کە هێشتای مەنەنش سەر گێرۆ و شی ماوەنە ئیتر ڕەنگەن دەسش پەنە کەروو.

بە نیازێنم بڕێو کتێبێ عالێ فارسیێ کەرم بە کوردیی کە بەڕاسی پەی کتێوخانەو کوردیی لازمێنێ.

بەرهەمەکێچ تا ئیسە سەرجەم ڕەنگە ۳۰ کتێبێو بیاوا کەمتەر یا فرەتەر.

کاک فەرشید وەک نووسەرێکی کورد دیارە ئەرک و زەحمەتی خۆتان کێشاوە، کە جێگە دەستتان دیارە.وەک لق و دیالکتەکانی زمانی کوردیش دیارە لە دیالکتی هەورامیش خافڵ نەبوون و توانیوتانە ئەم لایەنەش لە بیر نەکەن. وەک نووسەرێکی دانیشتووی ناوچەکە چندین بەرهەمی کوردی هەورامیتان بڵاو کردۆتەوە و دوایین کارتان لەم بارەوە کامەیە؟

فەرشیدشەریفی: بەڵی زوانو کوردیی بە گردو بەشەکاشۆ لاو منۆ هیچ جیاوازیشا نییەن و هەرچیم کەردەبۆ هەر بە نامێو هەرمانە پەی فەرهەنگ و ئەدەبی کوردیی کەردەنم و هەرگیز ویرم چانەیە نەکەردەنۆ بە چ شێوەزار یان دیالکتێو بنویسوو. بڕیو بابەتێ هەنێ پاسە موازۆ بە سۆرانی بنویسیا و بڕێوەیچ بە هەورامی.

دما هەرمانەی هەورامییەیچم ڕۆمانێوە کۆتانە بە نامێو “مەرگ نا ڕاوە و ژیوایچ فرەش مەنەن” کە ماوێوە چێوەڵتەر چاپ بیەن و کەوتەن بازار. دیسان هەرمانێ تەرێچم هەنێ کە خەریکو ئامادەکارییەنا پەیشا.

داوودغەفاری:دیارە هەورامان وەک یەکێک لە بەشە زمانیەکانی کوردی، سەردەمانێکی زۆر وەک زمانی ئەدەبی کوردی ڕۆڵی ئەکتیڤی گێڕاوە، بەڵام لەم دواییەدا ، ئەو ڕۆڵەی نامێنێت و دەخزێتە پەراوێزەوە!بە ڕای ئێوە هۆکارەکانی بۆ چ دەگەڕێنەوە؟بە ڕای ئێوە ئەم شێوە گۆڕانە تا چند بە ئاسایی وەر دەگرن؟

فەرشیدشەریفی: هۆکارێش فرێنێ بەڵام هەمیشە واتەنم کەمتەرخەمیی و تەمەڵێو وێما گەورەتەرین هۆکارش بیەن. ئینە کە تا چند ئاساییەن: هەمیشە ئاسایی بییەن سەردەمێو کرمانجی بە هۆکارێ فرێ باڵادەس بییەن و ماوێوە سۆرانی و وەڵتەریچ هەورامی بە بۆنەو حاکمەکاو ئەردەڵانی باڵادەس بیەن. ئینە ئیتر بارودۆخەکە چەنی بەی وەرەوە، دەرفەت مڕەخسنۆ پەی بەشێوە تایبەتی. وە ئیسە ئی دەرفەتە ڕەخسیان پەی کرمانجی و بەتایبەت پەی سۆرانی جە ئارۆنە.ئینەیچە مشۆ لاماوە ئاسایی بۆ. ئەگەر وێما سەر بە نەتەوێوە یۆگرتەی بزانمێ مشۆ لاماوە ئاسایی بۆ. بەڵام ئەو شێوەزارەکێچ کەسی وەر نەرگتێنێ هەرمانەو وێشا کەرا.

کە تەماشەو هەرمانە فەرهەنگیەکانو هەورامانی مەکەرم دوێ فکرێ زاڵێنێ ملشانەرە؛ یۆشان فکری گەشنای هەورامانی ج دلێنەو فکر و شوناس و جۆغڕافیای کوردی و ئەویتەرشان جیا ج کوردی و بەس ناوچەیی و هەورامانی.

بە ڕاو شمە هەورامان بە ڕەنگ و بۆنی کوردی عال گەشیۆوە یا بە بڕیای بنەڕەتی ج شوناسی کوردی؟ شمە ڕۆشنتەر کام فکرەی عالتەر مزاندێ؟

فەرشیدشەریفی: قسەکێ ئینێنە کە ئایا ئێمە وێما بە چێش مزانم و سەر بە چێش و سەر بە کۆگەینم؟؟؟ ئەگەر وێم بو کورد مزانوو، مشۆ جیاکاریی نەکەروو. بڕیای جە کوردی و وێ بە هەورامیێوە موتڵەق زانای نەک هەر نادروستەن، گێرە هەورامان و هەورامی بە عام قەبووڵش نمەکەرۆ.ئینە کە من گەرکم بۆ بە هەورامی بنویسوو و بە هەورامی بوانووە ناڕەوا نییەن، بەڵام ئینە کە وێم شوناسی تازە تاشوورە پەی وێم ناڕەوان. نەتەوێو کە هەزاران ساڵێن مێژووی هامبەش، ئەدەبیاتی هامبەش، فەرهەنگی هامبەشو خەبات و تێکۆشانی هامبەش و وەشی و ناوەشی هامبەشش هەن، چەنی من بەو بە دوێ ڕۆی ئینیشا گرد پاک کەرووەوە؟؟؟؟؟؟

مەگەر شوناس وەشکەردەی هەرمانێوەنە کە پا ئاسانییە سەر گێرۆ؟ هەرچند بە دیکتاتۆرییەت و یاخی بیەی فرە چێوێ مکریا.

داوودغەفاری: باسێوە فرەتەر ئیحساسی و بێ فکرەی قووڵی زانستی ج لاو بەشێوە فرەکەم ج نویسەرانو ناوچەکەیۆ کەوتەن دلێ بە نامێ هەورامی مشیۆ وێش چێش کەرۆ و وێش پاسینە و وێش پێسینە.

ئی فکرە تاچن تەیارا بە ئەقڵی و ئاوەزی و ڕەچاوکەردەی قازانجو ناوچەکەی؟

هەورامان ئەویتەرش کێن؟

فەرشیدشەریفی: نا کاکه ئی کەسێ کە جەنابت ماچیشا نوێنەرایەتی نە هەورامانی و نە هەورامی نمەکەرا. ئینە هەرمانێوە تەنانەت ئەگەر زانستییەیچ بۆ بە قەوڵو وێشا، ئینە میتۆدش نیەن کە گێرتەنشاوەر کاری ئاقڵانە ئانە نیەن کە تۆ بەی و هەزاران ساڵێ مێژووی هامبەشو وێت بسەڕیوە و شوناسی تازە و میکانیکی وەش کەری. ئێمەیچ ماچم هەورامان نیازش هەن خەڵکەکەش بە زوانو ویش بوانۆ و بنویسۆ و بەڵام بە شێوەو وێش و بە وەرچەمگرتەو ئانەیە کە بە چ ئاراستێوە بۆ. ئی قسێ هیچ قازانجێوو هەورامانیش نیەن چەنە و گێرە زەرەریچش بۆ.

داوودغەفاری: هەر پاسە مەزاندێ، ج چن ماوەی ویەردەنە، ج لاو دەستەو چالاکانو فەرهەنگ و ئادەبو پاوەیۆ، ویرۆکێوە کەوتەن وەرو باسی و زۆرتریش لە ساباتی هەوراماندا، لەم ماوەدا، ئاوڕێکی جیددیان لەسەری داوەتەوە. ئەویش بیرۆکەی بە سەنتەر کردنەوەی هەورامان وەک یەک لە سەنتەرە فەرهەنگیەکانی کورد.

ڕاتان لەم بارەوە چۆن چۆنییە؟

فەرشیدشەریفی: من پەیگیرو بابەتەکا بیەنا و وەنێنێمۆ، بەڵام ڕەنگە برێو جیاواز ویر کەرووە. مشۆ ئێمە هەر ویرۆکێوە کە باسش مەینە دلێ بەه بەه و چە چەهش پەی نەکەرم. واقعیەتەکایچ بوینمێ. نەفسو ویرۆکەکەی عالەن و دروسەن و بە یاگێ بەڵام ، ڕەنگە ماوێوە فرەش گەرەک بۆ تا سەر گێرۆ کە هیوادارێنم بتاومێ ئا ویرۆکەیە بەرم سەر. بەڵام کاری فرەش گەرەکەن ومشۆ هەرمانەی خاسەش پەی کریۆ

ئنجا وەربەسێ فرێش هەنێ ئی هەرمانێ کە چێگە باسکەردەیشا فرە ش پەنە مشۆ. بەڵام پەی دەسپەنەکەردەی ویرۆکێوە عالەن و ئێمەیچ چەنیش هەنم بە تەمامو وجوودیما.

داوودغەفاری: هەڵبەت ئینە جارێوە تەنیا ویرۆکەن و هێشتای فرەش مەنەن تا پێسە پڕۆژێوە ئامادەکریای وەزۆرە و وانایی و شرۆڤە و وردبینیش سەر کریۆ و دماتەریچ پێسە هەرمانێوە گەورێ قۆناغ بە قۆناغ بلۆ وەرەو و…..ج کسپ و تەگەرە و …. بڕیۆ و هەتا…..!

بەڵام پێسە کەسێوە کە ج ناوچەکەنە ئامادێندێ و ج کوردەواریچەنە نامێوەتان هەنە، چ کارانێش مەوۆ پەی کریان و بەربەسێ ناوچەییێ و کوردیێچش کامێنێ؟

فەرشیدشەریفی: پەیوەندیما چەنی بەشەکاو تەری کوردستانی و شارەکاتەری مشۆ زیاتەر بۆ. نویسەرەکێما مشۆ وێشا جەرگەو پەرس و بابەتە گەورە سیاسی و کۆمەڵایەتی و ئابووری و فەرهەنگییەکاو کوردستانیەنە ویناوە و بەشدارێ با چەنەشا. هەستی نەتەوایەتی خەڵکی ئاسایی مشۆ بەهێز کریۆ. جیاکاریی و وێ به جیازانای و دوورەپەرێزی مشۆ نەمانۆ یا کەم کریۆوە. ئا بەشەو خەڵکو هەورامانی کە بە جافی قسێ مکەرا مشۆ پاڵپشتو ئی قسێ با و هامڕایی کەرا. هەورامان تەنیا هەنو هەورامی نیەن ئەنو ئادیشایچەن.داواو یارمەتی جە شارەکاتەری و ناوچەکا تەری کریۆ. ئێمە بە تەنیا نمەتاوم ئی پڕۆژەیە بەرم ڕاوە.

داوودغەفاری: هەر پاسە واتتا هەورامی چیەتی موتڵەق، قازانجو هەورامانیش نیەن چەنە و گێرە زەرەرش هەن.

کریۆ عالتەر ڕۆشنش کەریۆ؟

فەرشیدشەریفی: قسەکێم ڕۆشنەنە با ڕۆشنتەرش کەرووە. ئینە کە هەورامانی جە کوردی بڕمێ قەتعەن زەرەرش پەی هەورامانی هەن بەڵام وێجیاکەردەی جە کوردی(کە ئەستەمیچەن و بە قەولی مەعرووف هیچ مەجالی تیا نییە) مشۆ باجش بدەیمێ.

قسێوەو برادەرێما هەنە ماچۆ ئەگەر بە دیوانو میرزا ئەولقادری پاوەیی بلی پەی تارانی یا پەی هەولێری کامشانەنە حورمەتش هەن و یاگە و پایگاو وێش هەن؟ بە دڵنیایۆ مزانمێ کامشانە هەنش

سا هەرمانە پەی هەورامانی جە چوارچیوەو کوردستانیەنە ماقووڵتەر و بە یاگەتەر.

داوودغەفاری: هەر پاسە دیارەن ج بیرۆکەکەنە، پێسە وازێوە حەیاتی شار مەترەح مەوۆ. ئاخر شار نوێنگەو ئاوەزی و ڕۆشنبیری سەردەمین.

هەر پاسە مەزاندێ، پاوە تەنیا شارێوە ج ناعەیلاجین هەورامانەنە کە پتاوۆ لانیکەمو تایبەتمەندیەکانش بان.

پاوە لاو شمۆ چ تایبەتمەندیانێش هەنێ و کەمیەکێچش لاو شمۆ کامێنێ؟

فەرشیدشەریفی: پاوە هێشتای شار نییەن

پەنەما وەش بۆ و نەوۆ هێشتای شار نیەن وێما بە شارش مزانمێ

فرەو فاکتەکاو شاریش نیەنێ بەڵام ئەگەر باسو ناچاریی بۆ و ئینە کە مشۆ سەنتەرێوەما بۆ، بەڵێ پاوە خاستەرین گوزینەن و چا خاستەریما نیەن

وە ئینەیچ مشۆ هەرمانەی فرێش پەی کریۆ تا لانیکەمو فاکتەکاش پەی وەش کەرم.

داوودغەفاری: کاک فەرشید بێگومان ئێشەو فرە عال شەکەتنایما و فرە عال ئامای جواو.

دیارەن پەرسێ تاواچی هەنێ. بەس مەجالو ئێشەویمان ها خەریکا تەمامیۆ.

پەوکەی من مدرو دمای سپاسی بێ پایانی و ڕێزی و وەشەویسی زیاتەری.

ماچو ئەگەر چێوێو هەن نەواتەبۆت، با بەی و دمایچۆ ، ماوە تایبەتو ئازیزانو ساباتیەنە بۆ بە سەرەنج و پەرسەکاشان و ڕووەشی و دڵکراوەیی وێت ئاساییی.

فەرشیدشەریفی: دەس وەشیم پەی تۆی ئازیزی رۆحسووکی ونشیرینی. تەنیا ئەگەر هامشارییە جافەکیما یان ئا برادەرێ کە خەڵکو یاگەکاتەریەنێ و ڕەنگە هەورامی وەنەی پەیشا زەحمەت بۆ بەخشاما بە گەورەیی وێشا و سپاسی فرە دیسان پەی تۆ و پەی گردیشا.

داوودغەفاری: سپاس گەورە نویسەری کوردو شارو پاوەی .

مادام پاوە کەسێەتیێ پسە شمەش چەنە بان، فاکتێش فرێنێ پەی بە سەنتەر بیەی.

سپاسی بێ پایان

سەرچاوە: ساباتی هەورامان

ارسال مطلب : کاک بیژن مرادی

2 پاسخ برای “گفتگو با فرشید شریفی نویسنده و مترجم نام آشنای شهرستان پاوه

  • محمدي. نيسانه در تاریخ تیر 3, 1395 گفت:

    بر خلاف نظر آقای کیهان عزیزی و داود غفاری می رود که مریوان به مرکز فرهنگی هورامان تبدیل شود.
    فارغ از تنگ نظری و لاعلاج هم که باشد باید پذیرفت

  • سعيد در تاریخ خرداد 29, 1395 گفت:

    براستي چرا از ظرفيت مردم كندوله كرماشان كه خيلي هم علاقه دارند در زبان هورامي استفاده نشود، چرا يه انجمن مشتركي يا كارگروهي بين كندوله و پاوه تشكيل نمي گردد