ج 10 فروردین 1403 ساعت 15:50

پێشکەش پا زەوڕۆڵە کۆردانە بێ تاوان کوشیەی / عه دنان مورادی

پێشکەش پا زەوڕۆڵە کۆردانە بێ تاوان کوشیەی / عه دنان مورادی

پایگاه خبری تحلیلی سلام پاوه :  شعر ذیل سروده شاعر خوش ذوق شهرپاوه آقای عدنان مرادی است که تقدیم می شود به تمامی کودکان بی گناه کوردی که جان باختند . جه شارو حەسرەتو ویرەی ڕەشینهونی مەنجان جه تاۆو سەروەشینه ولیشا پاتەره شوێڕێ به جارەینەپەرساشا جه زەیسانو هەنارەی مەذان قانگو خوەی مەکوشان هەناسەیدڵم ماسا چەنی […]

پایگاه خبری تحلیلی سلام پاوه :  شعر ذیل سروده شاعر خوش ذوق شهرپاوه آقای عدنان مرادی است که تقدیم می شود به تمامی کودکان بی گناه کوردی که جان باختند .

جه شارو حەسرەتو ویرەی ڕەشینه
ونی مەنجان جه تاۆو سەروەشینه

عدنان مرادی
ولیشا پاتەره شوێڕێ به جارەی
نەپەرساشا جه زەیسانو هەنارەی


مەذان قانگو خوەی مەکوشان هەناسەی
دڵم ماسا چەنی واچوونه باسەی


که باخو نەو وەهاریما مەتاشان
نمامی یۆ به یۆ مەگنانێ پاشان


برا یاوەی وەهارو ئێمه جەردێ
نەوێ یۆ واچۆ ئاخۆ چێش مەکەردێ؟


نە پەڕچینێ نه دیوارێ مەفامان
نه هانەیوه نه هاوارێ مەفامان


نه تافگەو سەروەشی نه هانەکەیما
نه بوێسانێ نه بانێ یانەکەیما


نه کەپرێ دڵوەشی باخو خەیاڵی
نه گورانیی دەمو کاکه شەماڵی


نه هەورێما نه دارسانێ نه باخێ
نه گۆراڵێ نه باڵدارێ نه شاخێ


نەوی یۆشا که فامۆ دڵوەشیما
لەقەشێڵ بی تەمامو سەروەشیما


جه کەمتاری جه وەرگی کەمتەرێنێaylan
گۆل و پیس و گەڕۆڵ و گەن وەرێنێ


نمەپەرسانەی جه حاڵ و باڵو ئێمه
نمەپەرسانەی جه گرم و قاڵو ئێمه


نه کوشییەیما نه وەیلانی نه تاڵان
نه زەوڕۆڵەو هەڵەوجەیما نه ئایلان


نمەپەرسانەی وەنه قومییەی وەهاری
چەنی واچوونه دەردەو کوردەواری


خەمی ئێمه ئەگەر بانێ به ڕازێ
جیا مازانێ دارسانێ بەرازێ


سەحەر وەختەی دەلاقێ وەرمی وەردان
شنە وەختەی کەرۆ ساڕێژو دەردان


وەشەسیایی مەقامێوه تەمورەین
مقامێوە تەری عەترو چنورەین


تەموره یانی سازو دڵنیایی
تەموره یانی ئاوازوو پیایی


بەقە یانی هەڵای ئاسمان مەفامۆ
جه ئازاذی هەناسەو وێش مەسانۆ


جه دەنگوو تافی ئاهەنگەی بسازه
جه ڕەنگەو باخی سیپاڵەی ورازه


کەش و کۆ ئامه باڵێ هورپڕایەن
سەماو شاذی پەنەبزانو سەوایەن


سەوای ئێمه پەڕەن شەوقو خەیاڵی
پەڕەن ئاهەنگو سەنتورو شەماڵی


پەڕەن جێوانێ ڕەنگامێ ژیانی
پەرەن سەیدی پەرەن ئاواتێ خانی


سەوایما سەرمەسو نالی و هەژارین
مەم و زینما خەیاڵو کوردەوارین


جەهان ئارا هەناسەو ڕۆحو ئێمەن
دڵو مەستوورێ گەنجو سۆحو ئێمەن


ئەوی جار ڕۆجیار داشۆ دیاری

مەگێـرم جەژنە پەی یاذو هەناری