پ 09 فروردین 1403 ساعت 13:12

مه‌حاكمه‌و به‌قوو قه‌فه‌سی/فتح اله رضایی

مه‌حاكمه‌و به‌قوو قه‌فه‌سی/فتح اله رضایی

پایگاه خبری تحلیلی سلام پاوه : حه‌ر پاسه‌ گردێما مزانمێ به‌قوو قه‌فه‌سی جه‌ لاو فره‌و كه‌ساوه به‌ تایبه‌ت شاعێر و نویسه‌راوه، تۆمه‌تبارا به‌ خیانه‌ت كه‌رده‌ی و برا كوشته‌ی و فره‌و چێوایته‌ریچ، به‌ڵام تا ئیسه‌ هیچ كه‌سی مه‌حاكمه نه‌كه‌رده‌ن و هه‌ر كه‌س به‌ مه‌یلوو وێش بۆختانێوه‌ش په‌ی تاشۆ و به‌ تاوانبارش مزانۆ؛ و هه‌میشه ‌و دایم […]

پایگاه خبری تحلیلی سلام پاوه : حه‌ر پاسه‌ گردێما مزانمێ به‌قوو قه‌فه‌سی جه‌ لاو فره‌و كه‌ساوه به‌ تایبه‌ت شاعێر و نویسه‌راوه، تۆمه‌تبارا به‌ خیانه‌ت كه‌رده‌ی و برا كوشته‌ی و فره‌و چێوایته‌ریچ، به‌ڵام تا ئیسه‌ هیچ كه‌سی مه‌حاكمه نه‌كه‌رده‌ن و هه‌ر كه‌س به‌ مه‌یلوو وێش بۆختانێوه‌ش په‌ی تاشۆ و به‌ تاوانبارش مزانۆ؛ و هه‌میشه ‌و دایم جه‌ گرد یاگێوه‌نه پێسه‌و فتح اله رضایینموونه‌و خیانه‌تكارێوی گه‌وره‌ی مژناسیۆ و نامێش بریۆ!

ئیسه‌ بژنه‌ودێ مه‌حاكمه‌و به‌قوو قه‌فه‌سی:

شكات كه‌ر: ئاوه‌ز

تۆمه‌تبار: به‌قوو قه‌فه‌سی

قازی: ویژدان

تارێخ: 18/10/1392 ك.ڕ

په‌رس: تۆ تۆمه‌تباره‌نی به‌ برا كوشته‌ی و خیانه‌ت كه‌رده‌ی به قه‌وم و كه‌س و كاریت؛ ئایا ئی تاوانێ گێری گه‌رده‌ن؟

جواب: نه‌خه‌یر. من بێ تاوانه‌نا و عه‌سڵه‌ن ئی تۆمه‌تێمه قبووڵێ نیه‌نێ و گردێ درۆینێ؛ هه‌رچن «بۆختانه پێسه‌نه خه‌ڵوزی یا سۆچنۆ یا سیاو كه‌رۆوه»؛ به‌ڵام تۆ ته‌ماشه‌ كه‌ره‌ بێ ئانه‌یه‌ من مه‌حاكمه كه‌را و یا ویژدانیشا كه‌را قازی، بڕێو تومه‌تێشا په‌ی وه‌شێ كه‌رده‌نا،  ئننه زلێ و قورسێنێ ئه‌ر بنیه‌یشا سه‌روو كۆ شاهۆیه‌و وه‌رگه‌شا مه‌گێرۆ و شه‌ق شه‌ق بۆ!

په‌رس: كریۆ بێ تاوانی وێت په‌یما سه‌له‌منی؟

جواب: به‌ڵێ، گۆش گێره تا باسوو بێ تاوانی وێم خاس شی كه‌روه‌ په‌یتا، چن ساڵێ چی وه‌ڵته‌ر تازه جه هێڵه‌نه به‌رئامه‌بێنێ و هاگام جه دنیای نه‌بێ، بێ ڕه‌حم و مروه‌تێو ئاما منش جه ئه‌ذایم جیا كه‌رداوه و به‌ ئه‌سیری به‌رداش؛ به‌ زوانی ته‌ڕ كڵاوه‌ش نیا سه‌ره‌م و ده‌سه‌مۆ و ئالووذه‌و قه‌فه‌سیش كه‌ردا و ئاذ بی ئاغه‌ و منیچ نۆكه‌ر، به‌ باڤوو دڵوو وێش په‌روه‌رده‌ش كه‌ردا، و جه مه‌دره‌سه‌و وێشه‌نه ده‌رسش دانی و یاونانیش په‌نه‌، و گرد یاگێوه‌نه به‌ زه‌ریفی و ده‌نگ وه‌شی من فه‌خر كه‌رێ.

ڕوێو جه‌ ڕوا په‌ی ئه‌وه‌ڵین جاری ئاغه‌م وێش پێچاوه و تفه‌نگش كه‌رد شانه و قه‌فه‌سه‌كه‌و منش نیا دلێ تۆشه‌به‌رێوه چه‌رمێ و هۆرش گێرته و كه‌وت ڕا؛ فره‌ش په‌نه‌ نه‌شی یاوه‌یمێ قه‌ذپاڵێوی وه‌ش و ڕه‌نگینی؛ ئاغه پیشێوش دا بڕێو چنیش شان و باڵوو منه‌ره و جگه‌رێوش كێشا و ئیجا قه‌فه‌سه‌كه‌و منش جه دلێگروو دره‌ختێویه‌نه خاس پۆژناره‌ و وێچش لوا دلێ كۆڵیته‌كه‌یش و بێ ده‌نگ و چركه ماتینه‌ش دا؛ من سه‌ره‌م سڕ مه‌نه‌بێ جه‌ هه‌رمانه‌كێش و حاڵیم نه‌بێ قه‌رارا چێش قۆمیۆ؛ وه‌ختێو خاس گۆشم دا به‌ ده‌ور و به‌ریم؛ مذیه‌و جه كه‌شه‌كاوه ژه‌ره‌ژێ خه‌ریكێنێ به‌ ئازاذی و سه‌روه‌شی موانای موانا و شاذی كه‌را؛ عاشق و شه‌یذاو ژیوای ژه‌ره‌ژه‌كاو كه‌شی بیانی و ئێتر چا وه‌خته‌نه ماناو ئازاذیم زانا و پێسه‌و شێتی زوو ده‌سم كه‌رد به‌ وانای تا بزانام په‌نه و به‌یا جه‌ ده‌سوو ئاغه‌یمه‌و نه‌جاتم بذا و منیچ پێسه‌و ئاذیشا جه سه‌ربه‌رزه‌كاوه به‌ ئازاذی بژیڤوو؛ به‌ڵام وه‌ختێو ژه‌ره‌ژه‌كێ كه‌شی ئامای فریامه‌و تا نه‌جاتم بذا؛ وێشا گرفتارێ فێڵ و ته‌ڵه‌كه‌و ئاغه‌ی ڕاوكه‌ری بیێ و بێ گونا و تاوان گیانشا جه‌ ده‌س دا و ئاغه به‌ مه‌راموو وێش یاوا و خه‌تاكێچ ساویا سه‌ره‌و منه‌ره! به‌ڵام ئومێذم بێ كه هه‌رگیز «مانگه مه‌مانۆ جه‌ په‌شته‌و هه‌وریه‌نه» و ڕوێو مه‌ی وه‌ره‌و بێ تاوانی من ڕۆشن بۆوه.

په‌رس: ده‌ی وه‌ختێو په‌ی ئه‌وه‌ڵین جاری زانات هه‌رمانه‌كێت بۆ به‌ سه‌به‌بوو برا كوشته‌ی، چی درێژه‌ت په‌نه دا و چی بێ قه‌وڵی ئاغه‌یت نه‌كه‌ردت؟

کبک در قفسجواب: ڕاسا، په‌یم ڕۆشن بیه‌بێوه كه ئاغه‌م منش په‌ی مه‌راموو وێش په‌روه‌رده‌ كه‌رده‌نا، به‌ڵام ئێتر درێژه دای به‌ هه‌رمانه‌كێ جه‌ ده‌سوو مننه نه‌مه‌نێبێ و هه‌رچی كه‌رێنێ و كۆشێنێ نه‌تاوێنێ و نه‌زانێنێ چه‌نی وێم جه‌ ده‌سوو ئاغه‌ی بێ ڕه‌حمیه‌و نه‌جات بذه‌و تا نه‌كه‌رۆم تێڵاو ده‌سیش په‌ی برا كوشته‌ی؛ ئاذ جه‌ من ژیرته‌ر و زرنگته‌ر بێ و گرد جارێو به‌ فێڵ و ته‌ڵه‌كه خه‌ڵه‌تنێم و هه‌رمانه‌كێم په‌نه‌ كه‌رێ. حه‌ر پێسه‌و تلیاك وه‌ری عاذه‌تش په‌نه كه‌رده‌ بێنێ و هیچ ده‌سه‌ڵاتێوم نه‌بێ.

په‌رس: چی جه ویروو ئانه‌یه‌نه نه‌بیه‌نی به‌ جۆرێو وێت جه ده‌سوو ئاغه‌یته‌و نه‌جات بذه‌ی و بلی به‌ ئازاذی بژیوی؟

جواب: په‌رسیارێوی عالت كه‌رد؛ ده‌ی وه‌ختێو من ته‌ماشه‌ كه‌رێنێ و وینێنێ كه: شێر، پاڵنگ، فیل، داڵ، هه‌ڵۆ، باز و فره‌و گیاندارای ته‌ری پا گردوو توانایه‌و ئه‌سیروو ده‌سوو بڕێو جه ئێنسانه فێڵباز و بێ ڕه‌حمه‌كانێ و نه‌بێنێ جه ویروو ئانه‌یه‌نه وێشا نه‌جات بذا و یا نه‌تاوێنێ وێشا نه‌جات بذا! ئێتر من هه‌رگیز ئومێذێوم نه‌بێ بتاوو وێم ئازاذ كه‌روو؛ هه‌ڵبه‌ت چن كه‌ڕه‌تێو دڵم په‌و بێ به‌ فێڵ و ته‌ڵه‌كه وێم نه‌جات بذه‌و، به‌ڵام ئاذ جه‌ من ژیرته‌ر بێ و هه‌رگیز نه‌تاوام كڵاوه بنیه‌و سه‌ره‌ش و ئێتر وازم ئاورد و مه‌جبوور بیا پا شێوه درێژه‌ بذه‌و به ژیوای خه‌فه‌تباریم و دڵم وه‌ش كه‌روو پی واته‌یه كه: «خوذا جه سولتان مه‌حمووذی گه‌وره‌ته‌را».

په‌رس: ده‌ی خۆ ئا شێر و پالنگه كه تۆ نامێشا به‌ری تاوانبارێنێ، چوون خیره‌تشا جه‌ ده‌س دان و جه‌ بۆنه‌و دوێ پێشه ڕه‌قاوه‌ و تیكێو گوشته‌ گه‌نایه‌و بیێنێ نۆكه‌ر و هه‌رمانبه‌رێ ئاغه‌یشا؛ پاسه‌ بزانوو تۆیچ جه‌ بۆنه‌و دوێ گوڵێ تاڵشكی و مشتێو دانێ، بیه‌نی تێڵاو ده‌سوو بێگانه‌ی؛ ئه‌ر ماچی پاسه نیا، ده‌لیله‌ت چێشه‌نه؟

جواب: هه‌ر چن تۆ ئا شێر و پاڵنگه‌یه ته‌خسیربار و بێ خیره‌ت مزانی، به‌ڵام به‌ باوه‌ڕوو من ئاذێچێ بێ گوناینێ و جه وه‌راوه‌روو فێڵ و ته‌ڵه‌كه‌و فێڵبازه بێ ڕه‌حم و مروه‌ته‌كاوه هیچ ده‌سه‌ڵاتێوشا نیا.

به‌شه‌ر ساحیبوو ئاوه‌ز و عێلم و شعووریا، تا ڕادێو كه ده‌سه‌ڵاتش هه‌ن و متاوۆ: وه‌ڵاتێو ئاوذان كه‌رۆوه؛ ئاسمانه‌نه گێڵۆ؛ چیروو زه‌مینی وشكنۆ؛ سه‌روو ئاوێوه یانێ كه‌رۆوه؛ ته‌بێعه‌تی پارێزنۆ؛ ته‌یاره، ماشین، برق، ته‌له‌فوون و… وه‌شێ كه‌رۆ؛ قازانجش بۆ؛ خزمه‌تكار بۆ؛ و…. و به‌ پێچه‌وانه‌یچه‌و متاوۆ: وه‌ڵاتێو وێران كه‌رۆ؛ ته‌بێعه‌تی جه‌ به‌ین به‌رۆ؛ ئاسمان و زه‌مینی پیس و پۆخڵ كه‌رۆ؛ زڵم و زۆر كه‌رۆ؛ گێانداره‌كاو كه‌شی ئه‌سیرێ كه‌رۆ؛ و….

ده‌ی وه‌ختێو پاسه‌نه، ویر و زۆر و ده‌سه‌ڵاتوو من و گردوو ئاژه‌ڵه‌كاو كه‌شی جه وه‌راوه‌روو زڵم و زۆر و فێڵ و ته‌ڵه‌كه‌و ئێنسانه ناله‌باره‌كاوه، چێش متاوۆ بۆ؟ په‌ی دما جاری ماچوو من بێ تاوانه‌نا؛ به‌ڵام  «گه‌رده‌ن جه مووی باریكته‌ر»، ڕازی به‌ حوكموو قازیه‌نا.  

په‌رس و جۆ ته‌مامیا …..

حكموو قازی: به‌ پاو قانوونی؛ به‌قوو قه‌فه‌سی جه گردوو تۆمه‌ته‌كا، پاك و بێ گونا و بێ تاوانا و چی تارێخه‌و لای(18/10/1392ك.ڕ)، هه‌ر یاگێو بلۆ و هه‌ر جۆرێو مه‌یلشا بژیڤۆ ئازاذا و هیچ كه‌سیچ حه‌قش نیا به‌ خرابه نامێش به‌رۆ؛ به‌ڵام ئاغه‌ی ڕاوكه‌ر تاوانبارا و مشیۆ بذریۆ ده‌سوو قانوونی تا مه‌حكه‌مه‌ كریۆ و به‌سزاو وێش بیاوۆ. ڕاسا «بێ گونا تا پاو داری ملۆ به‌ڵام هه‌رگیز مه‌لۆ سه‌روو داری»

فه‌تحوڵڵا ره‌زایی

24 پاسخ برای “مه‌حاكمه‌و به‌قوو قه‌فه‌سی/فتح اله رضایی

  • موحسین -نو در تاریخ اسفند 2, 1392 گفت:

    هێژا وبه ڕرێز فه تحوللا ده ستت خۆش بێ هه میشه سه ر که ۆ توو سه ر فراز بی زۆر جوانت داڕشت بوو هیوام به رده وامیته
    ببوره قه له مه که ی من نا خوینیته وه به هیوام خوت به چاکی بیخوینیته وه

  • رشید رشیدی در تاریخ بهمن 23, 1392 گفت:

    حضور شما نویسنده عزیز سلام عرض میکنم داستان خیلی جا لبی بود خیلی خوش حا ل شدم که به قو قه فه سی بی گناه بود ممنون از زحما ت شما

  • لوتفی در تاریخ بهمن 17, 1392 گفت:

    ده سو وه ش بو
    به راسی وه شه بی!!
    جه خوا گیانی داوا کاره نا بی وه ی بینه و عاقبه تو خه یر بو !

  • علی ولی در تاریخ بهمن 16, 1392 گفت:

    سلام
    عالی بود
    خیلی عجله داشتم تا ببینم آخر این محاکمه چی میشه! خوشحال شدم “به‌قوو قه‌فه‌سی ” از این اتهام تبرئه شد!
    ده‌ستا وه‌ش بو.
    ببخشید منم کردی نوشتنم خوب نیست

  • هۆمایون محه‌مه‌دنژاد در تاریخ بهمن 15, 1392 گفت:

    سڵام کاکه ده‌ستا وه‌ش بۆ.

  • عطا شبرندی در تاریخ بهمن 6, 1392 گفت:

    اقای رضایی ضمن عرض تشکر و خسته نباشید بخاطر داستان زیبایتان و خدمت به زبان اورامی از شما سپاسگذاریم.

  • شاهر خ حاتمی در تاریخ بهمن 2, 1392 گفت:

    آقای رضایی عزیز : ضمن تشکر از داستان بسیار پرمحتوایتان امیدوارم موفق وسربلندباشید .

  • ریبوار در تاریخ بهمن 2, 1392 گفت:

    به امید موفقیتهای بعدی

  • عطا الله قادری در تاریخ دی 30, 1392 گفت:

    سلام آقای رضایی دست شما درد نکنه. از ذوق ادبی خود در خدمت حفظ محیط زیست استفاده کن. حتماً مثمر ثمر خواهد بود. آرزوی بهروزی و موفقیت در هر دو زمینه ادبی و حفظ محیط زیست و تندرستی برای شما دارم

  • فرامرز عزیزی در تاریخ دی 30, 1392 گفت:

    ده سو وه شبو آغه ی ره ضایی. مه طله به که ت وه ش و به یاگی بی. اینتیظارو مطالبی ته ریته نمه. هه ر سه رکه و ته بی

  • ئازاد ره زايي در تاریخ دی 28, 1392 گفت:

    سلام
    كاكه فه تحوللا ره زايي؛ به ده س وه ش بيه ي جه فكر و قه له م و شه كه ت بيه ييت؛ ئوميدواره نا جه هه رمانه كاته نه سه ركه وته بي و دريژه ده روو فه رهه نگ و را و ره سموو مه نتيقه كه يما بينه.

  • لهون مرادی در تاریخ دی 28, 1392 گفت:

    عرض ادب واحترام به نویسنده عزیز وگرامی جناب افای فتح اله رضایی وکسانی که به احیای زبان هورامی خدمت می کنند امیدوارم از این داستان زیبا عبرت بگیریم از تالیف قبلی شما (خه رمانو رازا) نهایت استفاده کردیم ارزوی نشاط وسربلندی وموفقیت را برای شما خواهانیم

  • احسان قادری در تاریخ دی 26, 1392 گفت:

    کاک فتحو لا دس وش پی ای راز وشیه به قولو فارسی خیلی تاثیر گذار بود سپاس

  • Fateme در تاریخ دی 26, 1392 گفت:

    سلام
    عالی بود
    واقعا ذوق و قریحه ادبیتون تحسین برانگیز و شایسته احترامه
    به امید موفقیت روز افزونتون
    ( چون نوشتار کردیم میلنگه باعرض پوزش فارسی نوشتم! )

  • فه تحوللا ره زايي در تاریخ دی 26, 1392 گفت:

    سلام و حورمه ت په ي گردوو ئا ئازيز و وه شه ويسا كه داستانه كيشا وه نينه و و مواناشه و.
    يا خودا سه ربه رز و سه ر كه وتي و بي وه ي بيدي و ئينايدي جه هه ر ياگيوه نه به وه شي و شادي بژيودي. ئيشه للا.

  • makhgar در تاریخ دی 25, 1392 گفت:

    دماو سلاو ريزو ادبي فره وه ش حال بياني روت اوردينه به اي مطلبه يه اميدوارانه كه فره كه سه تاوا چه نه ش به هره و استفاده برها موفق و پيروز بي

  • ڕاویار در تاریخ دی 24, 1392 گفت:

    ئاغه‌ی ڕه‌شیدی داریانی شه‌ڵڵای نه‌زه‌ره‌کێت به‌ فارسی نویسته‌یا نه‌ک ئه‌پێسه‌ که‌ مه‌علووم نیا به‌ چ زوانێو نویسته‌نت
    ئی که‌لیمێ هیچکامێ هه‌ورامیێ نیه‌نێ : فــــتحو لله ، خوا وم تعالاینه، ژین ته نه ، هر بــــــژبی هر بـــــــژی

  • رشـیـدی داریـانـی در تاریخ دی 24, 1392 گفت:

    سلامتا ونه بو :

    کــــاکه فــــتحو لله دس وه شبیه د کرو و آوات وازه نا جه خوا وم تعالاینه گر وقت یه جه ژین ته نه پیروز بی .
    هر بــــــژبی هر بـــــــژی .

  • شادمهر کرمی در تاریخ دی 23, 1392 گفت:

    آقای رضایی عزیز و استاد گرامی الحق مناظره زیبا و قشنگی بود و البته پر از معنی
    در این متن(مناظره)به نکات مهمی اشاره کردین و خیلی از چیزا واسه ما آدما روشن میشه
    امیدوارم همیشه پیروز و سر بلند باشین
    و آرزو میکنم که دست به قلمتون همیشه در حال پیشرفت باشه
    در آخر باز اشاره کنم به اینکه متاسفانه من و امثال من قادر به نوشتن صحیح زبان شیرین مادری خودمان نیستیم
    و امیدوارم هر چه زودتر با کمک شما استاد عزیز به این مهم دست یابیم
    ای کاش همه اینارو به زبان هورامی مینوشتم

  • Omid در تاریخ دی 23, 1392 گفت:

    ده س ت وه ش بو ، فر‌ه وه‌ش بێ.

  • Danial در تاریخ دی 23, 1392 گفت:

    كا كه فتحو لاي به ريز ده س و قه له مت وه ش بو به اوميدو ا رويه كه به قه كي جه ده سو اغا كاشا نه جاتشا. بو و سه رمه ست و دل وه ش به موسيقا وه شه كه يشا جه مو دول ي لاوناوه

  • ابراهیم شمس در تاریخ دی 23, 1392 گفت:

    کاکه‌ فه‌تحۆڵڵا ده‌س وه‌ش بابه‌تێوی فره‌ وه‌شت نویسته‌ن وه‌ڵڵا ڕه‌نگا تا ئیسه‌ ویروو که‌سیه‌نه‌ نه‌بیه‌بۆ. من هه‌ر وه‌خت ئه‌چی باره‌وه‌ چێوێوم وه‌نه‌بۆ یا ئه‌ژنه‌ویه‌بۆ ، تاوانباری به‌قی بیه‌ن .خاست که‌رذ ئی مه‌حکه‌مه‌ته‌ وه‌ش که‌رذ و دماو ساڵه‌های ساڵی حکموو بێ تاوانێوت به‌ به‌قی به‌سه‌زوانی دا.

    با به‌ ئا که‌سانیچه‌ ئینه‌یه‌ نمه‌زانا واچوو کاکه‌ فه‌تحۆڵڵا کارمه‌ندوو (محیط زیست) یا.

  • سركاو در تاریخ دی 23, 1392 گفت:

    ده س ت وه ش بونه

  • دیدبان در تاریخ دی 23, 1392 گفت:

    كاكه فه تحه‌ڵڵا گیان ده‌ست وه‌ش بۆ. فر‌ه وه‌ش بێ. هه‌م ڕه‌وتوو نڤیسته‌كه‌یت وه‌ش بێ هه‌م مه‌تڵه‌به‌كه‌ت مۆهێم بێ

پاسخ دادن به سركاو لغو پاسخ