پ 09 فروردین 1403 ساعت 17:50

وێما که‌رمێ پێسۆ ئادیشا / فه‌همی مورادی

وێما که‌رمێ پێسۆ ئادیشا / فه‌همی مورادی

پایگاه خبری تحلیلی سلام پاوه : ماشینه‌نه‌ وه‌ستاره‌ کۆڵه‌پشتیه‌ کۆڵێمۆ کیف و کتیبا ده‌سمو ، کیف و ده‌سیموو موێ سه‌ره‌یم وجل و به‌رگه‌که‌م خاسته‌ر نیشانه‌ دێ که‌ دانشگانه‌ ئاماناوه‌ .ده‌یانی په‌ی به‌ره‌که‌یما که‌ ئاخرو کوجیه‌که‌ێوه‌ بێ پێسه‌ ڕه‌فێقه تارانیه‌که‌یم وات نیشانێ یانه‌که‌یتا ره‌حه‌ته‌نه‌ ، هه‌میشه‌ یه‌رێ ژه‌نی لاکۆڵه‌کێ به‌رقه‌که‌یه‌نه‌ نزیکۆ یانه‌ی تانه‌ نیشتێنێره‌ ،‌ ‌ته‌نیا […]

پایگاه خبری تحلیلی سلام پاوه : ماشینه‌نه‌ وه‌ستاره‌ کۆڵه‌پشتیه‌ کۆڵێمۆ کیف و کتیبا ده‌سمو ، کیف و ده‌سیموو موێ سه‌ره‌یم وجل و به‌رگه‌که‌م خاسته‌ر نیشانه‌ دێ که‌ دانشگانه‌ ئاماناوه‌ .ده‌یانی په‌ی به‌ره‌که‌یما که‌ ئاخرو کوجیه‌که‌ێوه‌ بێ پێسه‌ ڕه‌فێقه تارانیه‌که‌یم وات نیشانێ یانه‌که‌یتا ره‌حه‌ته‌نه‌ ، هه‌میشه‌ یه‌رێ ژه‌نی لاکۆڵه‌کێ به‌رقه‌که‌یه‌نه‌ نزیکۆ یانه‌ی تانه‌ نیشتێنێره‌ ،‌ ‌ته‌نیا یه‌ره‌ ژه‌نه‌که‌ دیارێبێنێ . یاوانه‌ یانه‌ بۆنۆ ئانه‌یه‌ و فره‌و وه‌ختا دێر یاوێنێ وه‌رۆ کێرێڵو یانه‌یم په‌نه‌بێ . فهمی مرادی

بێ ده‌نگ لوانی یانه‌ ئه‌ده‌ام ئاشپه‌زخانه‌نه‌ سه‌رپۆش سه‌ره‌شو فه‌قیانێش ده‌بێنه‌ دماو پیاڵێ شۆرێ دیار بێ چای نیمه‌ڕۆیچ شا وارده‌ن .یه‌واشێوۆ به‌ زوانو ئه‌ده‌ا و فه‌رزه‌نده‌ی چێڕیم ئه‌ده‌م هه‌رپاسه‌ به‌ده‌سه‌ ته‌ره‌کاشۆ ئاما به‌ گه‌رم خێرئاماێش که‌رده‌ا. تاته‌یچم هه‌رپا دۆختو که‌ بازاره‌نه‌ ئاما بێوه‌ نان وچای نیمه‌ڕۆێش وارده‌ بێ و لاش ئاسته‌ بێره‌ . ته‌له‌وێزیونه‌ کیچ په‌ی وێش ڕۆشن بێ. به‌ ده‌نگ و ئه‌ده‌م راس بیو به‌ نیمه‌ هۆرسێوۆ ده‌سش دا ده‌سمو خێرئامایش که‌رده‌ا . په‌نجه‌رێ هاڵه‌که‌ی که‌ تۆڕه‌شا گرتێبێنێ و که‌رده‌ێ بێنێ شاوه‌ ئانده‌ هاڵه‌ که‌شا فێنک که‌رده‌ به‌ که‌ کۆلێرپه‌ی وێش هه‌ر ئێسراحه‌ته‌نه‌ بۆ.

ده‌مای چنده‌ وه‌ختیوی منیچ پێسۆ فرۆ جوانا ئارۆی،دانشگا ته‌مامنا، شه‌وێنه‌ ‌وه‌رم شا نیا ، رۆنه‌ ساحبێ تا وێره‌گا مۆسا ودڵشا پۆن چه‌نی ئه‌ده‌ا و تاته‌یشا پاسه‌ هۆرزوونیشت که‌را که‌ جه‌ دانشگانه ‌وانانشا و جه‌ پاڵشه‌نه‌ دیه‌نشا و حه‌ز که‌را ئه‌ده‌او تاته‌یچشا چه‌نی ئاده‌یشا حه‌رپاسه‌ هۆرزوونیشت که‌را پێسه‌ وێشا ماچا ده‌رکێشا که‌را.

شه‌وێنه‌ ئۆتاقو وێمه‌نه‌ وسێنێ به‌ڵام ئێشه‌و چون وایفاکه‌م کار که‌رێ لوانی گۆشه‌ وهاڵه‌که‌ی نزیکو په‌نجه‌ره‌که‌ی که‌ جه‌ ئۆتاقه‌کێ وێم فێنک ته‌ر بێ تا وه‌ختوو هه‌وا رۆشن بیه‌ی به‌ له‌ب تاب کارم که‌رد ،چاوه‌ختانه‌ وه‌رمم کوته‌بێ پۆره‌. نزیک و ساعه‌ت یه‌رێ نیمه‌ڕۆدمای بێ به‌ ده‌نگۆ تاته‌یم هایم بیۆ ، به‌ ئه‌ده‌م ماچۆ ئێنه‌ هه‌ڵای نه‌ هۆرسه‌ن ؟ بخۆدا وه‌ختێو من جوان بێنێ و سێرۆ ئادیه‌نه‌ بێنێ …،ئه‌ده‌ایچم که‌ گۆشه‌ و هاڵه‌که‌ی جارۆ ده‌سی کێشێ ، ده‌نگش ئاما به‌ ته‌شه‌رۆ ماچۆ ئه‌رێ خاس مزانۆچنده‌ چه‌نی ئه‌ده‌ت عاڵ بیه‌نی!چی وازنماری بوخده‌ا جوانێ ئارۆی یانه‌نه‌ بووسا خاسا نه‌ک بزیاره‌ به‌رۆ تۆشوو چێویوی به‌یا! منیچ کوچێو وێم پێچ دا و هۆرسانه‌ ته‌ماشۆ گوشیه‌که‌یم که‌رده‌م مدیۆ نه‌هرۆ نزیک به‌ ده‌ زه‌نگاش ده‌نێ.ئاخور چه‌نی نه‌هرۆی و به‌عزێو ره‌فێقا ته‌ری قسێ ما پێوه‌ره‌بێنێ به‌ڵام چه‌نی نه‌هرۆی گرد باسێو که‌رێنمێ هه‌ر خه‌به‌رێو بیه‌ یاونێنمێش به‌ یکتری. زه‌نگم داوه‌ په‌ی ماچۆ خه‌برت نیا ؟ واتم نا چێش بیه‌ن ؟ ماچۆ بزیه‌ره‌ ،ته‌له‌فۆنه‌نه‌ مه‌کریو . نیمه‌ نانێوه‌م وارده‌ و زیانیره‌ .

لوانی مدیۆ نه‌هرۆو شادمان ئینه‌ پێوه‌ به‌ گه‌رم قسێ که‌را دوێ په‌م بێنێ دوێ ته‌رم قه‌رز که‌رده‌ێ ! نزیک شا بیانه‌ هه‌ردوه‌ پێوه‌ره‌ واتشا کناچه‌ کێ ره‌حمانی وێش سۆچنان! یانه‌ۆ ره‌حمانی ژه‌نوپیه‌وی میان ساڵێ بێنێ و کۆڕو کناچێو شا بێنێ. جه‌ به‌رۆ لاو خه‌ڵکیۆ وێشا نزیک به‌ روزگارو ئارۆی دێنێ قه‌ڵه‌م. واتم خۆ ئێساڵ لێوه‌نه‌ په‌یام نوور، فره‌ رێکۆ پێک دیاره‌ بێ ! شادمان ماچۆ کۆره‌ ماچا ئه‌داش و تاته‌ش فره‌ سه‌رشاخش گێرێنێ ، ئادێچه‌ چا سه‌ر زینده‌ا بێ ،چێوانێش پی واته‌ی بێنێ .پێسه‌ وفره‌وکناچا ئارۆی نه‌بێ که‌ دڵشا پۆن جه‌ ئێمکانات و ئارۆی رێکو پێک ئێستیفاده‌ که‌را یا ئه‌گه‌رقسێوه‌شا په‌ی واته‌ی بۆ، به‌ ڵام وه‌رۆئه‌ده‌او تاته‌یشا مه‌تاوا دڵووێچشانه‌ باسش که‌را. نه‌هرۆ سه‌ره‌ش وسته‌ بێره‌ و به‌ نووکو پایش یه‌واش یه‌واش دێ ئۆ ساقۆ دره‌خته‌که‌ۆ لایش که‌ ئاده‌ێچ گه‌رمێ هه‌وای نازێ گه‌ڵه‌وش شۆکیۆوه‌ ،ماچۆمه‌زانوو په‌ی ئه‌ده‌ش به‌ڵام تاته‌ش وه‌ختێو باسوو جوانا و باسوو وه‌زیفۆ ئه‌ده‌ا و تاتا چه‌نی جوانا که‌رۆ! شادمان ناسش قسه‌کێش ته‌مام نۆماچۆ کۆره‌ هه‌ڵای چکۆ شا ئینه‌ رۆو روزگاری بۆو هه‌ر ڕێوێو چێوێوی تازه‌ به‌نه‌،پێسه‌ نه‌وه‌شی هه‌رچێ جوانا کۆڕ بۆ یا کناچێ دووچارو چێوی بۆهێتریا گۆشه‌گیریا سۆچنای یا به‌رشیه‌ی جه‌یانه‌ی یا چیوانێته‌رێ.ئاخۆر جوانه‌کێ شه‌وو ڕۆ چه‌نی ئێمکاناتی و ئێنتێرنتی و چێوه‌ تازا سه‌رۆ کارشاهن ، ئه‌ده‌ا و تاته‌یچ حۆسه‌ڵێوی پاسنه‌شا نه‌مه‌نه‌ن و فاسڵه‌که‌ جه‌ گرد بارێوۆ به‌ تایبه‌ت بارۆ فه‌رهنگیۆ فره‌ بیه‌ن . منیچ واتم بلمه‌ پۆلاره‌ ئه‌ده‌ا و تاتیچ نا حق شا نیا ، په‌یشا هه‌زم مه‌بۆتا ساحبێ یه‌رێ چوار که‌ڕه‌تێ چڵاکیاره‌ به‌ڵام کۆڕ بۆ یا کناچێ بۆ تا نیمه‌ شه‌و چه‌نی گووشی و ئێنترنتی سه‌روو کاریش بۆ به‌ ئاده‌ی شایچ نه‌واچۆ په‌ی چێشی ئێستیفاده‌شا چه‌نه‌ که‌رۆ . ئاخۆرئه‌ده‌ا وتاته‌ی فه‌قیرباسو ئێستیفاده‌ جه‌ئێمکانات و ئارۆی و فه‌زه‌ مه‌جازیی ئامووزشش دێیه‌ن ؟ خاس و خرابش په‌ی واچیان ؟ ئی ئیمکاناته‌ و ماهواره‌یچه‌ یک هۆ ئامه‌نێ دلێ یانه‌ کا، نه‌ متاوا بزناشاره‌ نه‌ متاوا به‌راشا ڕاوه‌. هه‌رکام ما یاگێ وێشه‌نه‌ په‌ڕ بێ چی قسا و ناره‌حت بێ ! عاده‌ت و جوانا کۆتێمێ باسو ئه‌ده‌ا وتاتا که‌ ئاده‌ێ چه‌نێ ئێستیفاده‌ یا ته‌ماشه‌و ئی ئێمکاناتیه‌ که‌را.

من واتم چی به‌ینه‌نه‌ ساعه‌تێ وه‌ی تازێ (دیجیتال)‌ما ئه‌سه‌بێ ئه‌وه ‌ڕۆ دیانی په‌ی سه‌عاته‌ ‌کێ مدیۆ ڕێکه‌نیه‌نه‌ ، واتم ئه‌ده‌ا ئه‌ جۆ سه‌عاته‌کێ ڕێکه‌نیه‌نه‌ ؟ ئه‌ده‌ام ماچۆ دی ڕێکه‌ بۆ یانه‌بۆ خۆ په‌ی من فه‌رقش نیا چوون من چی سه‌عاته‌ تازا(دیجیتال) مه‌زانو . یا چێوێو ته‌ر تازه‌ دانشگانه‌ ئامابێنه‌ گه‌ره‌کم بێ پێسۆ دۆرانوو دانشجوئی یانه‌نه‌ به‌ شه‌رواڵه‌کێ هۆر‌زوونیشت که‌رو ئه‌ده‌ا‌مو تاته‌یم کارێوپه‌نه‌ کارده‌ا مه‌په‌رسه‌. نه‌هرۆبه‌ زه‌رده‌ خێوێوۆ ماچۆئێمه‌ چی به‌ینه‌نه‌ ماهواره‌ که‌ما رۆشن بیه‌ن ئی کاناڵێه‌شه ‌ده‌نه‌ خه‌ڵک ته‌ماشه‌ش که‌رۆ.ئه‌ده‌ام سه‌رو جارمازیۆ نماش وانه‌نه‌‌ ، تاته‌م مه‌وه‌ په‌ی یانه‌ی ملۆ نزیکوو ته‌له‌وێزیۆنه‌که‌یه‌نه‌ مدرۆره‌ ، ئه‌ده‌ام وه‌رش گێریۆ ، دوێ یه‌رێ جار به‌ ده‌نگی به‌رز ماچۆ اڵله‌اکبر،الله‌اکبرتاته‌یچم به‌ڕه‌مای ملۆ په‌ی ئاشپه‌زخانه‌ی مدیۆ هیچی خراب نیا هیچ نه‌ سۆته‌ن، مه‌وه‌ ملوه‌ نزیکو ته‌له‌وێزیۆنه‌که‌ی هه‌م دیسان ئه‌ده‌ام پێسۆ وه‌ڵێ ، تاته‌یچم دۆرو یانه‌که‌ی مدۆ وه‌ و ملۆ په‌ی ئاشپه‌زخانه‌ی هه‌ر پێسۆ وه‌ڵێ هیچ نه‌ بۆ. ئه‌ده‌ام نماکێ ته‌مام نۆ ماچۆ ئانه‌ وه‌رم گرته‌بێد فیلمه‌که‌ی نه‌وینێنێ .

شادمانیچ ماچۆ با منیچ یێوه‌ گێڵێنوه‌ ، ڕێوێو گوشیه‌که‌م زڕیاوه‌ تاته‌م ماچۆ خاس بی کۆتۆ هۆشم ئا گوشیه‌کیم وه‌ش که‌ره‌ۆ ؟ واتم چێش شا ؟ ماچۆ چوزانو ئاوه‌خته‌ واته‌نه‌د چواره‌که‌ یانێ حامێد، ئیسه‌ هه‌ر چی ده‌س منیۆ چواریه‌ره‌ یۆته‌ر جواب مدۆوه‌ ،گه‌ره‌کم بێ وه‌شش که‌رو کناچێ واله‌کێم هه‌ڵای نه‌له‌نه‌ مه‌دره‌سه‌ ئاما گوشیه‌که‌ش گرت ده‌سۆ ته‌ماشه‌ش که‌رد ماچۆ لابه‌ره‌ خۆ له‌مسی نیا تامن وه‌شش که‌رو.

یا چی به‌ینه‌نه‌ تاته‌م لوان عابربانکه‌نه‌ پوڵ به‌ربا‌رۆ ئامانۆ هاڵی، وات ما ده‌ی چی پاسه‌ ؟ماچۆخۆمن وێم مه‌زانو هه‌رچی گێڵانی شۆنۆ مادێح یه‌ره‌ نه‌بێ ئاخۆرهه‌ر ئاد پوڵم په‌ی به‌ر مارۆ.

دمای ئی قسا واتما بخۆدا گردکه‌س ئی فه‌رق و جیایه‌ و فاسڵه‌ وجه‌ یکتر حاڵی نه‌بیه‌یه ئینا ‌یانه‌شه‌نه‌ وگرد که‌س مزانۆ هه‌ر ئینێ چه‌نێ بیێنێ سه‌به‌بو ئی چێوا.

واتم ده‌ی چکۆ باروو گرد که‌س پێسه‌ بۆ مه‌تی مینه‌ ،ده‌ی با یانۆ ره‌حمانی و فرۆ ئه‌ده‌او تاتا ‌ته‌ری چه‌نی زارۆڵه‌کاشا و جوانه‌کاشا پێسه‌ ئاده‌ێ فکرشا که‌رده‌ بیه‌، پیره‌نه‌ به‌ڵام هه‌ر حه‌ز که‌ری لاشه‌نه‌بنیشیه‌ره‌ و قسێت په‌ی که‌رۆ.،پێسه‌‌ وێش ماچۆ من حه‌ز که‌رو پێسه‌ بۆ جوانا ،پاک و پۆختێ بو ، فکرو خیاڵی جوانانه‌ که‌رو.هه‌رگیز نه‌ ده‌ۆ دلێ زۆقیشا، خۆ جوانێ مه ‌تاوا با پێسو ئێمه‌ ئه‌خلاق شا و فکرشا به‌وه‌ دماره‌ ،به‌ڵام ئێمه‌ ئه‌گه‌ر گه‌رک ما بۆ چێوێ وه‌شێ که‌رمێنه‌ و وه‌شما بۆوچه‌نی جوانا هۆرزوو نیشت که‌رمێ و قسێ ما لاشاه‌وه‌ ره‌واج شا بۆ، مشیۆ وێما که‌رمێ پێسۆ ئادیشا.

5 پاسخ برای “وێما که‌رمێ پێسۆ ئادیشا / فه‌همی مورادی

  • كوورش اميني در تاریخ بهمن 13, 1394 گفت:

    سڵام و ده‌س وه‌ش کاکه‌ فامی گیان
    به‌رده‌وام و سه‌ربه‌رز بی
    بێجگه‌م هه‌ڵه‌و ڕانویسیء جه‌باری فه‌ننیه‌ره‌:
    1) وه‌ش ده‌س پنه‌ کریه‌ینه به‌ڵام ئاخرش نیا. مشیه‌یام یاگێوه‌نه‌ ته‌مامیه‌یا.
    2) ‌وه‌ش په‌ردازش کریه‌ینه‌.
    3) جه‌باروو دلێگریه‌وه‌، بابه‌ته‌که‌ وه‌ش هۆرچنیان به‌ڵام به‌داخه‌وه‌ خه‌ریکا جه‌ قاڵبوو داستانێ به‌ی به‌ر ، بلۆنه‌ دلێ وتارێوی ئێجتێماعی.
    4) دڵسه‌رد مه‌به‌وه‌ ، هه‌رمانۆ وێت که‌ره‌. دڵنیا به‌ که‌ هیچ که‌س له‌مۆ ئه‌دایشه‌نه‌ نارده‌نش ، تۆچ فێر بی و ئاخروو هه‌رمانه‌کات سه‌ربه‌رزی و سه‌رکه‌وته‌یا. پێسه‌ فارس ماچۆ: دو صد گفته, چو نيم كردار نيست.
    5) ڤیرت نه‌شۆوه‌ که‌ یه‌رێ قانوونێ سه‌رکه‌وته‌ی ئینێنێ: ته‌مرین و ته‌مرین و ته‌مرین.

  • رفیق در تاریخ بهمن 12, 1394 گفت:

    دوست عزیزم صادقانه میگویم هنر نویسندگی در نوشته هایتان هنوز خیلی ضعیف است به باور من فعلا آثارت را منتشر نکن اما پشتکارت را می ستایم نوشتن و نویسندگی با هم فرق بسیار دارند

  • ساسی در تاریخ بهمن 12, 1394 گفت:

    ده ستا وه ش بو یاخوا… په یامه که ت ریکو پیک نه یاونا… نه زانام ایسه اذاو تاته ما ایشتبا کرا یا ایمه؟!
    ای چیوه تازی خاسینی یا خرابینی؟!
    اذاو تاته ما مشیو ایمه ده رک که را یا ایمه اذیشا؟!
    دسیچذ وه ش بو جاریو ته ر… زه حمه تذ کیشته ن

  • تشاریه نا در تاریخ بهمن 12, 1394 گفت:

    ریشه م به ر آما تا وانامو
    به لام ده ست وه ش بو

  • م ولدبیگی در تاریخ بهمن 12, 1394 گفت:

    زۆرێک هه ڵه ی نووسینی تیا بوو وێڕای ده س خۆ شی له نووسه ر ، به ڵام به زه ققی سه رکۆنه ی دایک و باوکان له باره ی دوا که ۆتنیان له کۆمهڵگادا کراوه که له بنه ڕه ت دا ئاوایش نیه