ج 10 فروردین 1403 ساعت 01:25

فرهنگ هورامان و جهاني شدن ؛ فرصت‌ها و چالش‌ها/کورش امینی

فرهنگ هورامان و جهاني شدن ؛ فرصت‌ها و چالش‌ها/کورش امینی

پایگاه خبری تحلیلی سلام پاوه : پابلۆ نێرۆدا هۆنیاری ئێنقێلابی و شۆڕشگه‌ری شیلیایی یاگێوه‌نه‌ واته‌بێش: «وه‌ختارێو دیانێ وێمةره، مدیۆ ئینانێ جه‌هانه‌نه‌ و دنیانه‌ م‍ژناسام، به‌ڵام خه‌ڵكوو وه‌ڵاتوو وێم مه‌ژناسانێم و له‌یده‌نا په‌یشا، شۆنۆ ئینه‌یه‌ره‌، ئامانێوه‌ پوێره‌ و كه‌وتانێ كاركه‌رده‌ی سه‌روو فه‌رهه‌نگوو وێماره». ئێمه‌چ سه‌روو ده‌ستووروو! چراغی كه به خانه رواست، به مسجد حرام است، و […]

پایگاه خبری تحلیلی سلام پاوه : پابلۆ نێرۆدا هۆنیاری ئێنقێلابی و شۆڕشگه‌ری شیلیایی یاگێوه‌نه‌ واته‌بێش: «وه‌ختارێو دیانێ وێمةره، مدیۆ ئینانێ جه‌هانه‌نه‌ و دنیانه‌ م‍ژناسام، به‌ڵام خه‌ڵكوو وه‌ڵاتوو وێم مه‌ژناسانێم و له‌یده‌نا په‌یشا، شۆنۆ ئینه‌یه‌ره‌، ئامانێوه‌ پوێره‌ و كه‌وتانێ كاركه‌رده‌ی سه‌روو فه‌رهه‌نگوو وێماره». ئێمه‌چ سه‌روو ده‌ستووروو! چراغی كه به خانه رواست، به مسجد حرام است، و ‌رێكایی ویروو گه‌وره‌ پیاكه‌و به‌ڵخیه‌نه‌ كه‌ واته‌نش: (در زمین دیگران خانه مكن/ كار خود كن،كار بیگانهکورش امینی مكن) ئامه‌یمێنه مه‌یدانوو فه‌رهه‌نگوو هه‌ورامانی و به‌ شانازیه‌وه‌ كارش په‌ی كه‌رمێ. چوونكه‌تی پێسه‌ هه‌ورامی ماچۆ ئینایمێ سه‌روو ئی باوه‌ریه‌وه‌ كه‌: خه‌یرۆ خوێشی؛ نه‌ك ده‌روێشی.

فه‌رهه‌نگوو هه‌ورامانی و جه‌هانی بیه‌ی؛ ده‌رفه‌تێ و ته‌نگ و چه‌ڵه‌مێ

وه‌رشیپان

پابلۆ نێرۆدا هۆنیاری ئێنقێلابی و شۆڕشگه‌ری شیلیایی یاگێوه‌نه‌ واته‌بێش: «وه‌ختارێو دیانێ وێمةره، مدیۆ ئینانێ جه‌هانه‌نه‌ و دنیانه‌ م‍ژناسام، به‌ڵام خه‌ڵكوو وه‌ڵاتوو وێم مه‌ژناسانێم و له‌یده‌نا په‌یشا، شۆنۆ ئینه‌یه‌ره‌، ئامانێوه‌ پوێره‌ و كه‌وتانێ كاركه‌رده‌ی سه‌روو فه‌رهه‌نگوو وێماره». ئێمه‌چ سه‌روو ده‌ستووروو! چراغی كه به خانه رواست، به مسجد حرام است، و ‌رێكایی ویروو گه‌وره‌ پیاكه‌و به‌ڵخیه‌نه‌ كه‌ واته‌نش: (در زمین دیگران خانه مكن/ كار خود كن،كار بیگانه مكن) ئامه‌یمێنه مه‌یدانوو فه‌رهه‌نگوو هه‌ورامانی و به‌ شانازیه‌وه‌ كارش په‌ی كه‌رمێ. چوونكه‌تی پێسه‌ هه‌ورامی ماچۆ ئینایمێ سه‌روو ئی باوه‌ریه‌وه‌ كه‌: خه‌یرۆ خوێشی؛ نه‌ك ده‌روێشی.

هه‌ر چه‌ن نه‌واچیا دیارا، ئێمه‌ ئینایمێ سه‌روو ئی باوه‌ر و راوینیه‌وه‌ كه‌ حه‌ر ژیار، شارستانیه‌ت و فه‌رهه‌نگێو هه‌م هێنوو ئا كه‌سیه‌، گرۆیه ‌یام كۆمه‌ڵگایه‌نه‌ كه‌ وه‌شش كه‌رده‌ن و كارش پنه‌ كه‌رۆ و هه‌رمانبه‌ری هه‌میشه‌گیش بیه‌ن و ئا فه‌رهه‌نگه تایبه‌ته‌ چا وه‌ڵاته‌نه‌ و چا مه‌حاڵه جۆغرافیایه‌نه‌ هۆرش دان، گه‌شه‌ش كه‌رده‌ن و یاوان سه‌ركه‌ل و بومی بیه‌نه‌وه‌ و هه‌م‌ وه‌رچه‌مێوی گردین و وه‌رهه‌ڵاته‌ره‌نه‌ هێنوو گردو كۆمه‌ڵگاو به‌شه‌ریا كه‌ چنی ئا ئه‌ندیشه‌ و فه‌رهه‌نگیه‌ سه‌رووكارشا هه‌ن، مژناساش، هه‌رمانبه‌رێشه‌نێ و تڵانێوه‌ سه‌رته‌ره‌یچه‌نه‌ پێسه‌ گردوو ئا ئێحساسه‌ هامبه‌شانه‌ كه‌ دنیانه‌ و به‌ینوو گردو خه‌ڵكیه‌نه‌ پێسه‌ ئێحتێرام به‌ ئازادی و …به‌یه‌ك چه‌م مێژۆ.

شیپانه‌

وه‌ڵێ كارده‌وه‌ژێ و پرگشناسی بنه‌ڕه‌توو بابه‌كه‌ی، په‌ی رۆشنه‌وه‌ كه‌رده‌ی باسه‌كه‌ی لاو ئا ده‌سه‌ جه‌ وانیاره‌ ئازیزه‌كا، چنی وه‌ڵاتی وه‌رباسی ئاشنایی كه‌مشا هه‌ن و‌ رێكایی و لاپلای پابه‌ست بیه‌ی پرگشناسی ئاكادمیك و زانستی فاكته‌كه‌یه‌ره‌؛ فره ‌كۆرت و خێرا و به ‌یه‌ك چه‌م، ته‌ماشێڤوو ویه‌رینوو هه‌ورامانی كه‌رمێ. فه‌رهه‌نگی دیاری هورامانكریا چی باسه‌نه ‌یانێو هورامان؛ به‌شێو جه خه‌رمانوو یانه‌و وه‌ڵاتوو ئه‌هوورایی به‌ینوننه‌هره‌ینی و شارستانیه‌توو مێزۆپۆتامیاییا. یانێو حه‌ر ئا یاگێنه‌ كه‌ پێسه ‌یۆ جه‌ كۆڵه‌كه‌ بنه‌ڕه‌تیه‌كاو ته‌وه‌ن مووره‌كێ ڕسای فه‌رهه‌نگه‌ تریفه‌داره‌ كۆنه‌كا بیه‌ن و پێسه‌ یۆ جه‌ بێشكه‌كاو شارستانیه‌توو ئینسانی ئه‌ژناسیان. به‌ڵام ئی فه‌رهه‌نگه‌یچه‌ پێسه‌ نامۆ هه‌ورامانی به‌ وه‌ركارو گردو هۆكارا كه‌ واته‌ی و شییه‌وه‌ كه‌رده‌یشا نیا‌ تاقه‌توو ئی وتاریه‌نه‌؛ هه‌زار تۆ گاهه‌ز و ویره‌وه ‌شیه‌یه‌نه‌ گم بیه‌ن. پی گردوو قساوه‌؛ هه‌ورامان ئی وه‌ڵاته‌ گه‌وره‌ سه‌ربه‌رزه‌، كه‌ سه‌ره‌ش یاوان به‌رزی ئاسمانی به‌ ده‌ره‌كڵه‌كاش كه‌ ئینده‌و خیاڵی قووڵێ و دوورێنێ و ئاخرشا میاڤۆ سیروانی په‌ڕ شه‌پۆلوو فه‌رهه‌نگ و شارستانیه‌تی كۆنش، به‌ هۆبه‌ و هه‌واری ئه‌وه‌ڕازیا به‌ شه‌وبۆ، چنوور و سووره‌هه‌راڵه‌ش یاگه ‌و په‌نایێوه‌ن په‌ی خه‌ڵكانێوی به‌ نه‌رم و نیانی هه‌راڵه‌و واماو به‌ وه‌شه‌سیاوی عه‌شقوو نازاراش و هه‌ر چا حاڵه‌نه‌ كۆڵنه‌دای و سه‌ختی تاش و تل و ته‌وه‌نیش كه‌‌ زه‌مانه‌و ئه‌سكه‌نده‌ریه‌وه‌ تا ئیسه‌ كه‌سێو نه‌یاران ئاگه‌ی گێرۆنه‌ و به‌ درێژایی ویه‌رینیش له‌له‌ و ئێسكچی فه‌رهه‌نگیش بیه‌ن و پێسه‌ قانێعی واته‌ن:

شاخی هه‌ورامان هه‌رچه‌ن ره‌نجه‌ڕۆم

زۆر چـــاك بزانه‌، كه‌ مه‌منونی تۆم

چوونكه‌ پاراستت، تۆ ئــــه‌و زمانه‌

تــێكه‌ڵت نــه‌كــه‌رد لــه‌گه‌ڵ بێگانه‌

هه‌ڵبه‌ت وه‌ركاروو ئی هه‌رمانێ نه‌ته‌نیا جۆغرافی و تۆپۆلوژی تایبه‌توو وه‌ڵاتی، كه‌ ڕاو شێوه‌و ژیوای و تایبه‌تی فه‌رهه‌نگوو هه‌ورامه‌کا بیه‌ن. مه‌سه‌ڵه‌ن وه‌ختاروو هێرشوو سپاو عه‌ره‌با به‌ ئا مه‌حاڵیه‌ و ئه‌رمانای قۆرئانی پێسه‌ كتێبوو دینی و پیرۆزوو وێشا، مه‌رۆهه‌ورامی ئارده‌نش و قۆرئانش چنی كتێبوو ماریفه‌توو پیری كه ‌یۆ جه‌ كتێبه‌ پێرۆزه‌كاو وێشا بیه‌ن ئێژانه‌ و كێشانه‌ كه‌رده‌ن و شۆنۆ شی‌یه‌وه‌ كه‌رده‌ی‌ و له‌یه‌كدای فره‌یه‌ره‌، قۆرئانشا قه‌بووڵ نه‌كه‌رده‌ن و تازه‌ شۆنۆ جه‌نگێوی فره‌ی تا ساڵۆ 318هێجری كه‌ كه‌مكه‌م عه‌ره‌بێ ئاماینێ دلێشا، مۆبارێزه‌ و خه‌باتێوی فه‌رهه‌نگی نه‌رێنیشا (نگاتیو) كه‌رده‌ن. ‌یۆ جه‌ سه‌رباقه‌ فه‌رهه‌نگیه‌كاو ئی مۆبارێزه‌یه؛ ماڕای ‌و وردوهان كه‌رده‌ی و گۆلاله‌وه‌ كه‌رده‌ی نامه‌ عه‌ربیه‌كا بیه‌ن. پێسه‌ محمدی كه‌ بیه‌ن به‌ حه‌مه‌، عبدالله‌ بیه‌ن به ‌عه‌به‌، مصطفی بیه‌ن به ‌مچه‌، محمود به  خۆله‌ و…

یک پاسخ برای “فرهنگ هورامان و جهاني شدن ؛ فرصت‌ها و چالش‌ها/کورش امینی

  • دلسوز هورامی در تاریخ بهمن 6, 1394 گفت:

    شما میگویید هورامی کرد نیست بلکه خود ملتی جدا و زبانی جدا دارد دوست من…شما و هورامیهای آنسوترها هم که دنبال افکار شما افتاده اند میدانند که شما باوری به کرد بودن خود ندارید و به اجرای پروژه ای نشسته اید که ریز و درشت آن بر همگان عیان است. کار کنید و خدمت کنید اما با صداقت و برای همه مردم کردستان. سربلند باشید و موفق و موید.

پاسخ دادن به دلسوز هورامی لغو پاسخ