ج 10 فروردین 1403 ساعت 01:33

به‌ق و سه‌یاد:کۆڵه داستانێوه به زوانی هه‌ورامی/ هۆمایون محه‌مه‌دنژاد

به‌ق و سه‌یاد:کۆڵه داستانێوه به زوانی هه‌ورامی/ هۆمایون محه‌مه‌دنژاد

پایگاه خبری تحلیلی سلام پاوه : ڕۆێو جه ڕوه‌کاو وه‌رزۆ وه‌هاری لالۆ ڕه‌سووڵ پێسه‌و جارانی تفه‌نگه ساچمه‌که‌ش که‌رد شانه‌و چه‌نی به‌قه پیره‌که‌یش کویسانوو داڵانیشا گێرته‌نه‌ وه‌ر.ده‌نگوو په‌له‌وه‌را و‌ ژه‌ره‌ژه‌کا‌ چه‌نی بۆ چنوور و به‌رزه‌ڵنگ و سووره‌هه‌راڵه‌ی تێکه‌ڵ بیه‌بێ. ڕۆجیار تیجیارێوه‌ش سه‌روو که‌شه‌کاوه دابێره‌و ‌ڕۆشناییش دابێ ڕاکێ سه‌یاذی. سه‌یاذ دامگاش نیاره‌و وێش و ساچمه‌که‌ش په‌ی ڕاوێ […]

پایگاه خبری تحلیلی سلام پاوه : ڕۆێو جه ڕوه‌کاو وه‌رزۆ وه‌هاری لالۆ ڕه‌سووڵ پێسه‌و جارانی تفه‌نگه ساچمه‌که‌ش که‌رد شانه‌و چه‌نی به‌قه پیره‌که‌یش کویسانوو داڵانیشا گێرته‌نه‌ وه‌ر.ده‌نگوو په‌له‌وه‌را و‌ ژه‌ره‌ژه‌کا‌ چه‌نی بۆ چنوور و به‌رزه‌ڵنگ و سووره‌هه‌راڵه‌ی تێکه‌ڵ بیه‌بێ. ڕۆجیارهمایون محمد نزاد تیجیارێوه‌ش سه‌روو که‌شه‌کاوه دابێره‌و ‌ڕۆشناییش دابێ ڕاکێ سه‌یاذی.

سه‌یاذ دامگاش نیاره‌و وێش و ساچمه‌که‌ش په‌ی ڕاوێ چه‌مه‌ڕا بێنێ،به‌قه‌که‌ش ‌گه‌ره‌کش بێ پێسه‌و قه‌ذیمی بوانۆ به‌ڵام ده‌نگێوی گڕو و ناوه‌شش مه‌نه‌بێ.ئه چی وه‌خته‌نه چن ژه‌ره‌ژوو به‌قێ کویسانه‌که‌ی ده‌ۆروو قه‌فه‌سه‌که‌ی گلێرێ بییه.یۆ جه به‌قه‌کا جوان و ده‌ماراوی بێ لوا سه‌روو قه‌فه‌سه‌که‌ی گه‌ره‌کش بێ به‌قه‌که‌و سه‌یاذ‌ی به‌ر بارۆ و حه‌قه‌و گردوو ژه‌ره‌ژه‌کاش چه‌نه پسانۆ.به‌ڵام هه‌رچیش که‌رد نه‌تاواش قه‌فه‌سه‌که‌ی مارۆ.ده‌س و باڵێ شانێ وێش ئه‌رمانێ به ده‌نووکیچ قه‌فه‌سه‌که‌ی شۆکنێوه و ده‌سش که‌رد به قسه واته‌ی به به‌قه‌ پیره ده‌نگ‌گڕه‌که‌و سه‌یاذی.باقی ژه‌ره‌ژه‌کا دووره‌و ته‌ماشه که‌رێنێ و زاتشا نه‌بێ بلا وه رۆ…!سه‌یاذ ئینه‌ش دی ئازا ساچمه‌زه‌نه‌که‌ش هۆرگێرت و ئاردش سه‌روو ماشه‌ی.چن جار گه‌ره‌کش بێ ماشه‌که‌ی ته‌قنۆ به‌ڵام نه‌یارێ ته‌قنۆ دڵۆ وێشه‌نه ڤاچێ:نه‌کا به‌قه‌که‌و وێم پێکوو …سه‌یاذ پێسه‌و به‌قه‌که‌یش ته‌مه‌نش ویه‌رذه بێ و چه‌مێش لێوه لێو که‌رێنێ و خاس نه‌وینێ و ده‌سێش له‌رزا له‌رزێنێ.ده‌سش به‌رد په‌ی ماشه‌ی و ناڵه‌و تفه‌نگه‌که‌یش کویسانش چڵاکناره.سه‌یاذ ساچمه‌که‌ش نیاره و لوا بزانۆ چێشش که‌رده‌ن ……..

:  ئای چێشم که‌رد  …. باورم نیا …. مه‌شیۆ …. خوداگیان به‌قه‌که‌م…

سه‌یاذ ته‌ماشێوه به‌قه‌که‌یش که‌رد و چه‌مێش مدرێ هه‌ڵسی و دیا په‌یش،ده‌نووکش پڕابێ و سه‌یاد به ده‌سی هاڵێ چه‌نێ به‌قه بێ ده‌نووکه‌که‌یش گێڵاوه …..

15 پاسخ برای “به‌ق و سه‌یاد:کۆڵه داستانێوه به زوانی هه‌ورامی/ هۆمایون محه‌مه‌دنژاد

  • زانیار سلیمی در تاریخ شهریور 1, 1394 گفت:

    سلام استاد جان همیشه موفق باشی عالیست فقط توصیف رو بیشتر کن

  • هۆمایون محه‌مه‌دنژاد در تاریخ مرداد 29, 1394 گفت:

    سڵام په‌ی همشهری ئێمه‌یچ فره سپاسوو جه‌نابیت که‌رمێ. مه‌ندێ وه‌شینه.

  • همشهری در تاریخ مرداد 28, 1394 گفت:

    داستانی تمام هورامیانی بی هه م وشه بی وهم وش نووسیان

  • انجمن ادبی در تاریخ مرداد 28, 1394 گفت:

    ده س وە ش کاک همایون پە ی ڕازە کێت
    به ینوو کۆڵە داستانێو ڕازێ جیاوازیێ فرێ هە نێ

    • هۆمایون محه‌مه‌دنژاد در تاریخ مرداد 28, 1394 گفت:

      سڵام په‌ی ئه‌نجومه‌ن ئه‌ده‌بی که مه‌زانوو کێ نویسته‌ن!
      ئی داستانێ؛داستانێوه ڕاسیه‌نه و لالۆ ڕه‌سووڵ ڕاوچی قه‌دیموو ده‌گاو هه‌ورامانی بیه‌ن؛وه‌روو ئانه‌یه مه‌تنوو نویسته‌که‌یش درێژه بێ وجه یۆوه‌مین هه‌مامه‌و کۆڵه داستانێ هه‌ورامی جه شاروو نۆدشه‌یه‌نه جه ساڵوو1392کۆچی ڕۆجیاری ئه‌رمانیا؛تایبه‌توو داستانێ کۆڵه‌ش هه‌نه و جه ته‌عریفوو ڕازێ ؛نمه‌گونجیۆ.دیسان سپاستا که‌روو.

  • شاهو در تاریخ مرداد 28, 1394 گفت:

    نووسته ی به هورامی فره بیه ن زوان پسه و دین وئاینی مه شیو مه حفوز بو ئی داستانی خاس نووسیه بی دستا وش بو کیفم که رد

    • هۆمایون محه‌مه‌دنژاد در تاریخ مرداد 28, 1394 گفت:

      سڵام په‌ی کاکه شاهۆی ئێمه‌یچ فره سپاسوو جه‌نابیت که‌رمێ. مه‌ندێ وه‌شینه.

  • مهدی کیانی در تاریخ مرداد 28, 1394 گفت:

    ن والقلم و ما یسطرون
    پی گیر تی حقی مه بو جه هیچ بلاو و مصیبتی ترسو بو ، اینه ده رسه وی فه ره گوره ن به راستی کاک همایون ده ست وه ش بو

    • هۆمایون محه‌مه‌دنژاد در تاریخ مرداد 28, 1394 گفت:

      سڵام کاکه مه‌هدی کیانی ئازیزی ئێمه‌یچ فره سپاست که‌رمێ.وه‌شی به‌شت بۆ.

  • محمد غزیب معاذی نزاد در تاریخ مرداد 28, 1394 گفت:

    کاکه هومایون به رداوم و سه ر به رز وساق وسه لامه ت بی

    • هۆمایون محه‌مه‌دنژاد در تاریخ مرداد 28, 1394 گفت:

      سڵام په‌ی کاکه محه‌مه‌دغه‌ریبی وه‌شه‌ویسی ئێمه‌یچ جه‌نابیت پێسه‌و مامۆساو وێم شانازی که‌رمێ.

  • محه ممه د ره شیدی ئه مینی در تاریخ مرداد 27, 1394 گفت:

    كاك هومايون ده ست وه ش بو ، خوزگا گوتایه که ش پاسه نه ویبیا، یانی جییاتیو ئانه یه ساچمه زه نکه ش مه ردیبیا .

    • هۆمایون محه‌مه‌دنژاد در تاریخ مرداد 28, 1394 گفت:

      سڵام په‌ی مامۆسا محه‌مه‌دڕه‌شیدی ئازیزی؛ڕاس فه‌رماودێ وه شڵه‌ی تفه‌نگه ساچمه‌که‌ش مه‌ڕیایا نه ده‌نوو‌کوو به‌قه بێزوانه‌که‌ش! دیسان سپاس

  • پاوه شار در تاریخ مرداد 27, 1394 گفت:

    داستانیوه فره وه شه بی دهس وه شی جه کاک همایونی که رو.

    • هۆمایون محه‌مه‌دنژاد در تاریخ مرداد 28, 1394 گفت:

      سڵام په‌ی پاوه‌شاری ئێمه‌یچ فره سپاسوو جه‌نابیت که‌رمێ.

پاسخ دادن به زانیار سلیمی لغو پاسخ