بهق و سهیاد:کۆڵه داستانێوه به زوانی ههورامی/ هۆمایون محهمهدنژاد
پایگاه خبری تحلیلی سلام پاوه : ڕۆێو جه ڕوهکاو وهرزۆ وههاری لالۆ ڕهسووڵ پێسهو جارانی تفهنگه ساچمهکهش کهرد شانهو چهنی بهقه پیرهکهیش کویسانوو داڵانیشا گێرتهنه وهر.دهنگوو پهلهوهرا و ژهرهژهکا چهنی بۆ چنوور و بهرزهڵنگ و سوورهههراڵهی تێکهڵ بیهبێ. ڕۆجیار تیجیارێوهش سهروو کهشهکاوه دابێرهو ڕۆشناییش دابێ ڕاکێ سهیاذی. سهیاذ دامگاش نیارهو وێش و ساچمهکهش پهی ڕاوێ […]
- ۲۷ مرداد ۱۳۹۴
- کد خبر 19894
- 15 دیدگاه
پایگاه خبری تحلیلی سلام پاوه : ڕۆێو جه ڕوهکاو وهرزۆ وههاری لالۆ ڕهسووڵ پێسهو جارانی تفهنگه ساچمهکهش کهرد شانهو چهنی بهقه پیرهکهیش کویسانوو داڵانیشا گێرتهنه وهر.دهنگوو پهلهوهرا و ژهرهژهکا چهنی بۆ چنوور و بهرزهڵنگ و سوورهههراڵهی تێکهڵ بیهبێ. ڕۆجیار تیجیارێوهش سهروو کهشهکاوه دابێرهو ڕۆشناییش دابێ ڕاکێ سهیاذی.
سهیاذ دامگاش نیارهو وێش و ساچمهکهش پهی ڕاوێ چهمهڕا بێنێ،بهقهکهش گهرهکش بێ پێسهو قهذیمی بوانۆ بهڵام دهنگێوی گڕو و ناوهشش مهنهبێ.ئه چی وهختهنه چن ژهرهژوو بهقێ کویسانهکهی دهۆروو قهفهسهکهی گلێرێ بییه.یۆ جه بهقهکا جوان و دهماراوی بێ لوا سهروو قهفهسهکهی گهرهکش بێ بهقهکهو سهیاذی بهر بارۆ و حهقهو گردوو ژهرهژهکاش چهنه پسانۆ.بهڵام ههرچیش کهرد نهتاواش قهفهسهکهی مارۆ.دهس و باڵێ شانێ وێش ئهرمانێ به دهنووکیچ قهفهسهکهی شۆکنێوه و دهسش کهرد به قسه واتهی به بهقه پیره دهنگگڕهکهو سهیاذی.باقی ژهرهژهکا دوورهو تهماشه کهرێنێ و زاتشا نهبێ بلا وه رۆ…!سهیاذ ئینهش دی ئازا ساچمهزهنهکهش هۆرگێرت و ئاردش سهروو ماشهی.چن جار گهرهکش بێ ماشهکهی تهقنۆ بهڵام نهیارێ تهقنۆ دڵۆ وێشهنه ڤاچێ:نهکا بهقهکهو وێم پێکوو …سهیاذ پێسهو بهقهکهیش تهمهنش ویهرذه بێ و چهمێش لێوه لێو کهرێنێ و خاس نهوینێ و دهسێش لهرزا لهرزێنێ.دهسش بهرد پهی ماشهی و ناڵهو تفهنگهکهیش کویسانش چڵاکناره.سهیاذ ساچمهکهش نیاره و لوا بزانۆ چێشش کهردهن ……..
: ئای چێشم کهرد …. باورم نیا …. مهشیۆ …. خوداگیان بهقهکهم…
سهیاذ تهماشێوه بهقهکهیش کهرد و چهمێش مدرێ ههڵسی و دیا پهیش،دهنووکش پڕابێ و سهیاد به دهسی هاڵێ چهنێ بهقه بێ دهنووکهکهیش گێڵاوه …..
سلام استاد جان همیشه موفق باشی عالیست فقط توصیف رو بیشتر کن
سڵام پهی همشهری ئێمهیچ فره سپاسوو جهنابیت کهرمێ. مهندێ وهشینه.
داستانی تمام هورامیانی بی هه م وشه بی وهم وش نووسیان
ده س وە ش کاک همایون پە ی ڕازە کێت
به ینوو کۆڵە داستانێو ڕازێ جیاوازیێ فرێ هە نێ
سڵام پهی ئهنجومهن ئهدهبی که مهزانوو کێ نویستهن!
ئی داستانێ؛داستانێوه ڕاسیهنه و لالۆ ڕهسووڵ ڕاوچی قهدیموو دهگاو ههورامانی بیهن؛وهروو ئانهیه مهتنوو نویستهکهیش درێژه بێ وجه یۆوهمین ههمامهو کۆڵه داستانێ ههورامی جه شاروو نۆدشهیهنه جه ساڵوو1392کۆچی ڕۆجیاری ئهرمانیا؛تایبهتوو داستانێ کۆڵهش ههنه و جه تهعریفوو ڕازێ ؛نمهگونجیۆ.دیسان سپاستا کهروو.
نووسته ی به هورامی فره بیه ن زوان پسه و دین وئاینی مه شیو مه حفوز بو ئی داستانی خاس نووسیه بی دستا وش بو کیفم که رد
سڵام پهی کاکه شاهۆی ئێمهیچ فره سپاسوو جهنابیت کهرمێ. مهندێ وهشینه.
ن والقلم و ما یسطرون
پی گیر تی حقی مه بو جه هیچ بلاو و مصیبتی ترسو بو ، اینه ده رسه وی فه ره گوره ن به راستی کاک همایون ده ست وه ش بو
سڵام کاکه مههدی کیانی ئازیزی ئێمهیچ فره سپاست کهرمێ.وهشی بهشت بۆ.
کاکه هومایون به رداوم و سه ر به رز وساق وسه لامه ت بی
سڵام پهی کاکه محهمهدغهریبی وهشهویسی ئێمهیچ جهنابیت پێسهو مامۆساو وێم شانازی کهرمێ.
كاك هومايون ده ست وه ش بو ، خوزگا گوتایه که ش پاسه نه ویبیا، یانی جییاتیو ئانه یه ساچمه زه نکه ش مه ردیبیا .
سڵام پهی مامۆسا محهمهدڕهشیدی ئازیزی؛ڕاس فهرماودێ وه شڵهی تفهنگه ساچمهکهش مهڕیایا نه دهنووکوو بهقه بێزوانهکهش! دیسان سپاس
داستانیوه فره وه شه بی دهس وه شی جه کاک همایونی که رو.
سڵام پهی پاوهشاری ئێمهیچ فره سپاسوو جهنابیت کهرمێ.