پ 09 فروردین 1403 ساعت 12:45

پارێزنای ژیوگایما، ئه‌رکو سه‌رو شاناما/حیدر غلامی

پارێزنای ژیوگایما، ئه‌رکو سه‌رو شاناما/حیدر غلامی

پایگاه خبری تحلیلی سلام پاوه : خوذای گه‌وره‌ ژیوگایه‌ی فره‌ وه‌شش ده‌ینمێ په‌نه‌. فره‌و وه‌ختا که‌ په‌رسه‌ینمێشا چه‌نه‌: ئینایدێ کام مه‌حاڵه‌نه‌؟ عانه‌ی واته‌نما: هه‌ورامانه‌نه‌، واته‌نشا: به‌شه‌ما به‌شه‌تانه‌، وه‌شڵه‌یتا په‌نه‌. جا ئی ژیوگا وه‌شه‌، ئه‌گه‌ نه‌پارێزنمێش و گۆشش نه‌ذه‌یمێ په‌نه‌، ئانه‌ش په‌نه‌ مه‌شۆ که‌ ده‌سمانه‌ مشۆ و؛ ئاواتش وازمه‌ی وه‌نه‌. ژیوگایچ مڵکو ده‌سه‌ و تاقمه‌ی دیاری […]

پایگاه خبری تحلیلی سلام پاوه : خوذای گه‌وره‌ ژیوگایه‌ی فره‌ وه‌شش ده‌ینمێ په‌نه‌. فره‌و وه‌ختا که‌ په‌رسه‌ینمێشا چه‌نه‌: ئینایدێ کام مه‌حاڵه‌نه‌؟ عانه‌ی واته‌نما: هه‌ورامانه‌نه‌، واته‌نشا: به‌شه‌ما به‌شه‌تانه‌، وه‌شڵه‌یتا په‌نه‌.

جا ئی ژیوگا وه‌شه‌، ئه‌گه‌ نه‌پارێزنمێش و گۆشش نه‌ذه‌یمێ په‌نه‌، ئانه‌ش په‌نه‌ مه‌شۆ که‌ ده‌سمانه‌ مشۆ و؛ ئاواتش وازمه‌ی وه‌نه‌. ژیوگایچ مڵکو ده‌سه‌ و تاقمه‌ی دیاری حیدر غلامیکریای نیا و؛ هنو گرذو خه‌ڵکیا. ده‌ی که‌ پاسه‌ن، پارێزنایچش ئه‌رکو یۆ و دوێ نیا و؛ ئه‌رکو گرذیا.

ئیسه‌ که‌ وه‌هارا، فره‌و خه‌ڵکی مزیۆره‌ و مذۆ که‌ش و سارا؛ په‌نه‌م وه‌شا، په‌ی پارێزنای ژیگایما، بڕه‌ی خاڵێ وزو وه‌رو چه‌ماما. ئاواته‌وازه‌نا نه‌وزمێشا په‌شته‌و گۆشاما.

1ـ حه‌رکه‌س ملۆ په‌ی گێڵای و سه‌یرانی، با دڵقو زوێڵیش په‌نه‌ بۆ؛ به‌ تایبه‌ رۆو سێنزه‌ینه‌، با ده‌سش هاڵی نه‌بۆ.

2- باوڕ پینه‌ی و یاونایش به‌ زاڕۆڵاما و ده‌وروبه‌ریاما، که‌ پارێزنای ژیوگایما، ئه‌رکه‌یوه‌ گه‌وره‌ن سه‌رو شاناما.

3- با که‌ش و سه‌یرانگانه‌، زوێڵ نه‌پژگنمێ و؛ دلێ دڵقینه‌ یا تۆره‌که‌ینه‌ هۆرش گێرمێ.

4- په‌ی که‌م که‌رذه‌و زوێڵی، تا ئاگه‌ په‌یما کریۆ، با که‌لوپه‌لی یه‌کجار مه‌سره‌ف، چه‌نی وێما نه‌به‌رمێ.

5- با ماشینه‌کاما سه‌رو سه‌وزه‌گیواولێوه‌، گیر نه‌ذه‌یمێ و؛ سه‌وزی جه‌ به‌ین نه‌به‌رمێ. داخه‌م مه‌شۆ ئیسه‌  که‌م قه‌راخو جاده‌یه‌و، ماشین  گیرمذه‌یمێ. تا خات پاسشه‌ سه‌ر ئامان که‌: بڕه‌ی که‌سێ جه‌ سه‌یرانگاکانه‌، توڵه‌ جادێ که‌راره‌ و سه‌یه‌و ماشینه‌کاشانه‌ نیشاره‌. ئی هه‌رمانه‌ لارێ، فره‌یوه‌ جه‌ سه‌وزه‌گیواولێ سه‌یرانگاکاما – “ویمیر” و “سه‌رده‌ره‌نه‌” و ماباقی ته‌ره‌نه‌ – به‌ینه‌نه‌  به‌رذێنه‌.

٦- سه‌عیه که‌رمێ دلێ سه‌یرانگاکانه و جاده کاشانه، به گازگازانی ته‌پ و تۆز نه‌که‌رمێ

٧- به‌ بۆق بۆقانی و قێڕه قێڕ که‌رده‌ی و گازگازانی، ئیسراحه‌تو خه‌ڵکی  نه‌شێونمێ و ئه‌زیه‌تشا نه‌که‌رمێ

٨- به وڕ بیه‌ی و سه‌ره‌کێشای، پسۆگێرته‌ی و فیلم گێرته‌ی و ئاموشوڕه‌وتی زیاذه، قۆرخو خانه‌واده‌کا نه‌ماڕمێ و وه‌شیه‌که‌شا وه‌نه‌ نه‌فاڕمێ

٩- گۆڵێ نه‌شێلمێ و؛ خه‌ڵکی جه‌ دیه‌یشا و بوێ وه‌شێشا، بێ به‌شێ نه‌که‌رمێ.

١٠- گیاندارێ و په‌له‌وه‌رێ ئه‌زیه‌ت نه‌که‌رمێ و نه‌کوشمێ.

١١- هیلیانه‌و گیاندارا و په‌له‌وه‌را، نه‌شێونمێ و؛ هێڵه‌کاشا نه‌ماڕمێ و ده‌سکاریشا نه‌که‌رمێ.

١٢- سه‌رو سه‌وزه‌چیمایه‌و، بنجه‌و دڕه‌یاوه‌، چێرو نه‌را و دره‌ختانه‌، ئایر نه‌که‌رمه‌ی. با سه‌رو خاکیه‌و یا هارگا( ئایرگا) قه‌ذیمیه‌کاوه‌، ئایر که‌رمه‌ی.

1٣- که‌لوپه‌لو ئایرکه‌رذه‌ی ( پکنیک، خه‌ڵوز و…) چه‌نی وێما به‌رمێ و؛ له‌قێ دره‌ختا و نه‌را، نه‌بڕمێ.

1٤- گۆڵێ که‌شی نه‌که‌نمێ؛ ئه‌گه‌ریچ ئی کاریه‌ که‌رمێ، با رێخه‌که‌نێشا نه‌که‌رمێ.

1٥- ئاوه‌و هانه‌چه‌ما و ده‌را، که‌ خه‌ڵک چه‌نه‌ش وه‌را، پیسه‌  نه‌که‌رمێ.

1٦- جه‌ جگه‌ره‌کێشته‌ی و فڕه‌دای جگه‌ره‌نیمه‌کێشا، به‌ تایبه‌ عانه‌ی زه‌مین په‌ڕپوشا، وێما پارێزنمێ.

1٧- ئایری و سکه‌ڵی، به‌ رۆشنی و گه‌شی جیا نازمێ و؛ کوشنمێشاوه‌ و ئاویشا پۆره‌ بازمێ.

1٨- حه‌رکام حه‌ناو وێمانه‌، چه‌مه‌ی وزمێ ده‌وروبه‌رمانه‌، ئه‌گه‌ زوێڵه‌ی پژگیابۆ، ماشمێشه‌و ؛ وزمێش دلێ سه‌تڵه‌و زوێڵی، یا چه‌نی وێما به‌رمێشه‌و.

19- حه‌رکامما دیش، که‌سه‌ی گۆش مه‌ذۆ و، ئه‌و ژیوگایما لتمه‌ مذۆ ، که‌مته‌ر خه‌م نه‌بۆ؛ بلۆ فره‌ ژیرانه‌، لاری هه‌رمانه‌کێش، په‌ی به‌ر وزۆ .

20- به‌ش کاربه‌ده‌سێ خه‌مه‌وه‌رێ، به‌ نیاره‌ی سه‌تڵا زوێڵی و به‌ش که‌رذی دڵقا، جه‌ سه‌یرانگاکا و جاده‌کانه، چی هه‌رمانه‌ فره‌ گه‌ورێنه‌، یارذی خه‌ڵکی بذانه‌.

جه‌ خوذایم گه‌ره‌کا، باخو ژیوایتا هه‌میشه‌ گه‌ش و په‌رذاخ بۆ و؛ جه‌ سیسی و ته‌میاره‌ی دور بۆ.

 

1-     محیط زیست‌

پاوه‌  –  حه‌یده‌ر غوڵامی   6/1/1394 کۆچی- وه‌ره‌تاوی

7 پاسخ برای “پارێزنای ژیوگایما، ئه‌رکو سه‌رو شاناما/حیدر غلامی

  • حه یده ر غولامی در تاریخ فروردین 10, 1394 گفت:

    منیچ فره ده س وه شبیه ی گردیتا که رو .
    کاکه برهان گیان خزمه تتانه عه رز که رو که پار ءی عانه به فارسی دام سه رو ءی یه ره سایته یه( سلام پاوه، پاوه پرس، اصلاح وب)

    • برهان لهونی در تاریخ فروردین 10, 1394 گفت:

      کاک حیده ر گیان سلام : بخشه ندیه بیم !
      اه گه ر کریو با بو به به نیرو و… طراحی کریای دوه زوانه( پیوه)
      گه ره گت بی اه نجام دریو (پی خه رجه که یش ) هبنایمی پالته ته ؛په نه ما فه رماوه . حه ر وه شو سه ربه رز بی .(ان شاالله)

      • هورامان در تاریخ فروردین 14, 1394 گفت:

        ده ست وه ش بو هورامان به توه سه ربه رزا

  • محه ممه د ره شید ئه مینی در تاریخ فروردین 9, 1394 گفت:

    کاک حه یدر جه قولای دلیه وه ده س وه شیت په نه ماچوو ، په ی ئانه یه که هیمتد به خه رج دانو به هه ورامی بابه ته که ت نوویسه ن ، جه باره و ژیوگایچه وه راست فه رماوان ژیوگا تایبه تو بریوه نییه ن مشیو گردیما پاریزنمیش، دووبارئ دهستا وش بوو سه ر به رز بی.

  • ضیایی در تاریخ فروردین 9, 1394 گفت:

    سلام
    و سپاس کاک حیدر

  • برهان لهونی در تاریخ فروردین 9, 1394 گفت:

    سه رو فه رماییشه که و کاک ابراهیمی منیچ ماچو کاکه حه یده ر سلام ، سپاس و
    ده س وه ش هیچت ،نه ویا را ن
    _ که ره تی ویچ به فارسی بنویسیوه فره موئه ثیرا تا غه یره هورامیه کیچ بیا وانه
    _ ما موسا عه زیزه کیچما جه مه کتبه کانه فه ر هه نگ سازی فه رماوا

  • ابراهیم شمس در تاریخ فروردین 8, 1394 گفت:

    سڵام و سپاس په‌ی هه‌ستی جوانیت کاکه‌ حه‌یده‌ر گیان به‌ ڕاسی حه‌قوو مه‌تڵه‌بیت به‌ یاگێ ئارذه‌ن . ده‌ست وه‌ش بۆ هه‌ورامیه‌که‌یچت فره‌ ڕێک و پێک نویسته‌ن .

پاسخ دادن به محه ممه د ره شید ئه مینی لغو پاسخ