قالب وردپرسدانلود رایگان قالب وردپرسپوسته خبری ایرانیقالب مجله خبریطراحی سایتپوسته وردپرسکلکسیون طراحی
شما اینجا هستید
اخبار » وه‌شڵه‌ی به‌ ئه‌وسای ! / ئیبراهیم شه‌مس

پایگاه خبری تحلیلی سلام پاوه : وه‌شڵه‌ی به‌ ئه‌وسای ! وه‌ختێو یۆ تووڕه‌ بێ، یا جه‌نگێو کریایا ، فه‌قه‌ت وه‌سێبێ گه‌وره‌ته‌رێو ، ڕیش چه‌رمێو ئامایا دلێ جه‌نگه‌که‌ی و واتایاش : ئارام به‌ سه‌ڵواتێوه‌ کیانه‌. ئا وه‌خته‌ گرذ به‌ حرمه‌توو گه‌وره‌ته‌ره‌که‌ی سه‌ڵواتێوه‌ کیانێنێ و ئارامێ بێنێوه‌.ئه‌گه‌ریچ دوه‌ ته‌ره‌فوو جه‌نگه‌که‌ی فاسڵه‌و عه‌مریشا فره‌ ابراهیم شمسبیایا، به‌ مه‌حزوو ئانیه‌ یۆی واته‌یاش : تۆ گولاله‌ته‌ره‌نی حرمه‌توو سنعیش گێره‌ ، گولاله‌که‌ ئارام بێوه‌ و جه‌نگ ته‌مامیێ . حه‌ر پی ساذه‌یه‌. بۆناخاتره‌و ئینه‌یه‌ بێ که‌ فره‌ که‌م شایێذێ جه‌نگ و مه‌رافێعه‌ی بێنمێ و ئه‌گه‌ریچ جه‌نگێو کریایا فره‌ زوو ته‌مامیێ.

ئانه‌ که‌ ماچوو ئه‌وسا ، مه‌به‌ستم قاڕنێو چه‌یوه‌ڵته‌ر نیا . قه‌زیێ هینه‌و ویس سی ساڵێ چه‌‌ی وه‌ڵته‌ریه‌نه‌ . به‌ڵام ئیسه‌ وه‌زعه‌ فاڕیه‌ینه‌ .ئێمه‌ گرذه‌ روێ شایێذێ دگل دگل و ده‌مه‌ن به‌عاشوو خه‌ڵکیه‌نمێ . ئێختلافاتێو که‌ ڕه‌نگا ته‌مام بێ ده‌لیل و سه‌روو هیچی بۆ . ئه‌گه‌ر دوه‌ ته‌ره‌ف له‌حزێو ویر که‌راوه‌، مزانا ئی گێچه‌ڵه‌ گولالێ هه‌میه‌توو تووڕه‌یی گه‌وره‌ی چێمنه‌یشه‌ نه‌بیه‌ن.

به‌ڵام خه‌ڵکی فره‌ ڕه‌حه‌ت تووڕێ با چانه‌یه‌ ساذه‌ته‌ریچ ئانه‌نه‌ تووڕه‌یی وێشا ئاشکرا که‌را . خرابته‌ر جه‌ گرذی ئینه‌نه‌ که‌ بێ هیچ شه‌رمێو به‌سه‌ر ئاماو جه‌نگ و مه‌رافێعه‌و وێشا و بڕێو وه‌ختایچ ئه‌گه‌ر جه‌نگه‌که‌شا به‌ شه‌ق شه‌قانی کیشیا بۆ ، په‌ی هه‌مترینی گێڵناوه‌ و ئانه‌یه‌ به‌ شانازی وێشا مزانا.

دووباره‌که‌رذه‌ی (تکرار) ئی چێوا جه‌ کۆمه‌ڵگانه‌ ئه‌سڵه‌‌ن خاس نیا و ئاخر و ئاقێبه‌تێوی خرابش ئینا شۆنیه‌و . جه‌ ئه‌سه‌راتی خرابی کۆمه‌ڵگایی گێره‌ش تا پلته‌و بیه‌ی ئه‌رزشه‌کا و ئه‌خلاقه‌کا. ئینه‌ که‌ خاس و خراب یاگێشا فاڕیۆ و هه‌میه‌ت نه‌ذای به‌ ئه‌رزشه‌ ئه‌خلاقیه‌کا سه‌ربه‌رزی نیشانه‌دریۆ و ره‌فتاره‌ ناشیرینه‌ کۆمه‌ڵگایه‌کێ  مایه‌و شانازی با ، جه‌ ئه‌سڵوو جه‌نگه‌که‌ی خرابته‌رێنی . چێوێو که‌ جه‌ چی چن ساڵه‌نه‌ شایێذێ فره‌ته‌ر بیه‌یشه‌نمێ .

ئه‌گه‌ر به‌ گرذوو ئی چێوا ئاخرو ئاقێبه‌تی ناشیرینوو بڕێو جه‌ جه‌نگه‌کا جه‌ قه‌تڵه‌و جه‌راحه‌ت گێره‌ش تا ئێختێلالێو که‌ جه‌ به‌ذه‌نه‌نه‌ دماو تووڕه‌بیه‌ی تووشوو  به‌شه‌ری مه‌ی ئێزافه‌ که‌رمێ ، ئاوه‌خته‌ مزانمێ جه‌نگ و ئاژاولێ چ گێچه‌ڵێوێش ئینه‌ی شۆنیه‌و.

مشیۆم ویر که‌رمێوه‌ ئه‌گه‌ینا وه‌زعه‌ چینه‌یه‌ که‌ هه‌نه‌ خرابته‌ره‌ بۆ . مشیۆم ته‌غیرێو جه‌ باوه‌ڕه‌کا وێمانه‌ وه‌ش که‌رمێ . واتێ زه‌ریف و ئارامکه‌رێ نمه‌بۆ ته‌نیا قه‌ذوو ده‌ر و دیواروو شاریه‌و با مشیۆم بلانه‌ دلێ مه‌ژگوو خه‌لکی . مشیۆم به‌ باره‌ڕه‌کا وێما ئیمانما بۆ و ڕه‌فتشا پنه‌ که‌رمێ.

ژیوای که‌سانێوی که‌ چنه‌ ویه‌رذه‌ی و به‌خشایشا ویر شیه‌نه‌و که‌ناروو یه‌کترینیه‌نه‌ ، نمه‌تاوا کۆمه‌ڵگایوی زه‌ریف وه‌ش که‌را. و کۆمه‌ڵگایوی ئه‌پێسنه‌ جه‌ وه‌ختوو ئامای گێچه‌ڵێوێ گه‌ورێ ،  ورذوهانه‌ بۆ پێوه‌ره‌. حه‌یفا ئه‌پی ئاسانیه‌ جه‌ به‌ین بشمێ !

  1. محمد غریب معاذی نژاد

    خزمه تو جه نابو کاکه ئیراهیمی سلامی تایبه تیم هه ن ده سو وش بو به راسی راست فر ماوان .فره ته رین چیوو ئو سای ئا را مش وخیالی راحه تو اینسان بی دیسان دست وه ش بو

  2. سیروان

    ده ست وه ش و قه له مت دایمه په ر و ره نگین بو باسه که فره وه ش بی و ده رده و جامیعه و ئارو ئیمه نه .

  3. هژیر عزیری

    ولا وه‌ شله‌ی به‌ ئه‌وسای…ده س وه ش کاک ئیبراهیم

  4. فتح اله نجفی

    جناب آقای کاکه ابراهیم شمس ضمن سپاس از اعلام و بیان موضوع مهم فرهنگی اما فراموش شده که باعث درد و رنج در جامعه ما گردیده متأسفانه مادیات جای همه ی ارزشها را گرفته و مردم یا نسل امروز بیشتر ارزشهای فرهنگی جامعه را فراموش و یا زیر پا گذاشته اند . امید است به این موضوع مهم توجه نماییم ..

  5. سوره هراله

    کاکه ا براهیم گیان ده س وشبیت چنه که رو یا خوا هر بر دوام بیه و قلمه کت عال چرخیو په ولاته که ما راس ماچی وشله به ئه وسای ..ئه ره ایسه احترامو اخلاق نمه نه ن بارش که رن ، چنی هر که سی قسه که ری ماچی با ئا کاره اخلاقیه یه که رمه زو ماچو چن پوله ش چنه ن گرچه و بین پول و قودره ت، اخلاق و وشه ویسی بارش که ره ن ولی باور فه رماوه هنوز وه لاتو ئه مه فره خاسا به عزه و یا گه تاتو وه شا به ماهه ره حسه ب مه که ره ئه تر لوه تا ئو پره ش ………………

شما هم می توانید دیدگاه خود را ثبت کنید

کامل کردن گزینه های ستاره دار (*) الزامی است -
آدرس پست الکترونیکی شما محفوظ بوده و نمایش داده نخواهد شد -

پایگاه خبری ،تحلیلی سلام پاوه |